Sveinn Pálsson (kennari)
Sveinn Pálsson kennari fæddist 30. september 1922 í Rvk og lést 18. apríl 1991.
Foreldrar hans voru Páll Sveinsson menntaskólakennari, f. 9. apríl 1878 á Kálfafelli í Fljótshverfi, V.-Skaft, d. 5. janúar 1951, og kona hans Þuríður Káradóttir frá Lágafelli í Mosfellssveit, húsfreyja, f. 16. desember 1892, d. 18. febrúar 1974.
Sveinn varð stúdent í MR 1943, nam í háskólanum í Edinborg (þýska, latína, tók einnig próf í alþjóðalögum) 1943-1946, í háskólanum í Zürich (þýska) 1946-1948, í Nijmegen í Hollandi (þýska) 1951-1953.
Hann var stundakennari í MR 1948-1950, í menntaskóladeild Héraðsskólans á Laugarvatni 1950-1953, í ML 1953-1960 (kenndi ekki 1959-1960), menntaskólanum í Zürich 1960-1961 og 1970-1978, Héraðsskólanum á Núpi 1961-1966, Gagnfræðaskólanum í Eyjum 1968-1969, á Reykjum í Hrútafirði 1969.
Sveinn þýddi úr latínu mikið rit eftir Odd Einarsson biskup og vann við prófarkalestur.
Hann var síðast búsettur í Henstedt-Ulzburg í Þýskalandi.
Þau Helena Johanna Anna giftu sig 1949, eignuðust fimm börn.
Sveinn lést 1991 í Hamborg, jarðsettur að Lágafelli í Mosfellsbæ.
I. Kona Sveins, (5. nóvember 1949), var Helena Johanna Anna, f. 28. ágúst 1926. Faðir hennar var Keiser, kaupmaður í Sviss.
Börn þeirra:
1. Páll Sveinsson, framleislustjóri, síðan fisksölumaður á Englandi, f. 6. ágúst 1950.
2. Kári Pétur Sveinsson, tækniteiknari, starfsmaður pósthússins í Rvk, f. 16. nóvember 1951.
3. Franz Jósef Sveinsson, matreiðslumaður í Svíþjóð, f. 4. maí 1953.
4. Gunnar Páll Sveinsson, rennismiður í Svíþjóð, f. 25. mars 1956.
5. Karl Ágúst Sveinsson, bjó hjá móður sinni í Þýskalandi, f. 8. júní 1957.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Morgunblaðið 11. maí 1991. Minning.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.