Steinn Guðmundsson (Steinshúsi)
Steinn Guðmundsson tómthúsmaður í Steinshúsi fæddist 1791 í Skagnesi í Mýrdal, skírður 13. júlí 1791 og lést 1. janúar 1829.
Foreldrar hans voru Guðmundur Árnason bóndi á Skagnesi, f. um 1760, d. 1800, og kona hans Guðrún Bjarnadóttir húsfreyja, f. 1760, á lífi 1835.
Steinn var með ekkjunni móður sinni á Skagnesi 1801, var í Kerlingardal í Mýrdal 1805, vinnumaður á Kaldrananesi þar 1816.
Hann fór til Eyja 1817, var þar vinnumaður á Miðhúsum 1822, húsmaður í Dölum 1823 og 1824, en var kominn í Steinshús 1826. Hann lést þar 1829 og Guðrún varð bráðkvödd þar 6 vikum síðar.
Kona Steins, (1. desember 1822), var Guðrún Guðmundsdóttir húsfreyja, f. 1786, d. 16. febrúar 1829.
Börn þeirra hér:
1. Þuríður Steinsdóttir, f. 14. nóvember 1820, d. 22. nóvember 1820 „af barnaveiki“ .
2. Guðmundur Steinsson, f. 6. júní 1823, d. 17. júní 1823 „af barnaveikinni“, (mun vera ginklofi).
3. Þuríður Steinsdóttir, f. 11. júní 1824, d. 18. júní 1824 „af kæfingarsótt“.
4. Jónas Steinsson, f. 16. júlí 1826, d. 26. júlí 1826 úr „Barnaveiki“.
5. Þuríður Steinsdóttir, f. 24. nóvember 1827, d. 29. nóvember úr „Barnaveiki“.
Heimildir
- Samantekt: Víglundur Þór Þorsteinsson.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.