Steinar Benjamínsson
Steinar Benjamínsson sjómaður, bifreiðastjóri fæddist 11. febrúar 1944 í Reykjavík og lést 18. ágúst 1998 á Sjúkrahúsi Reykjavíkur.
Foreldrar hans voru Benjamín H. Jónsson rafvirkjameistari, f. 3. mars 1918, d. 29. ágúst 1983, og kona hans Guðlaug B. Björnsdóttir húsfreyja, f. 25. júlí 1923, d. 12. febrúar 1976.
Steinar flutti til Eyja 1968, var fiskverkamaður, sjómaður, lögreglumaður, bifreiðastjóri.
Þau Lilja Dóra giftu sig 1968, eignuðust fimm börn. Þau bjuggu við Kirkjubæjarbraut 9, við Hólagötu 7 og Foldahraun 40, ráku kaffiteríu í Íþróttamiðstöðinni í Eyjum 1976-1977, fluttu til Rvk 1977, þar sem Lilja Dóra vann í versluninni Straumnesi í 2 ár. Hún vann síðan við heimabakstur í Kökugerð Lilju. Þau fluttu í Voga á Vatnsleysuströnd 1984 og til Eyja 1986. Þar bjuggu þau í Lyngfelli og þar bakaði Lilja og seldi.
Þau fluttu á Kjalarnes , bjuggu í Hjassa, síðan í Hafnarfirði 1993-1994. Þá fluttu þau til Ólafsvíkur, bjuggu þar til 1995, en fluttu þá til Eyja, bjuggu við Faxastíg 35 og við Ásaveg 20. Þau fluttu til Selfoss 1996.
Steinar lést 1998.
I. Kona Steinars, (28. desember 1968), er Lilja Dóra Hjörleifsdóttir húsfreyja, f. 7. október 1947 í Eyjum.
Börn þeirra:
1. Hjörleifur Hreiðar Steinarsson skrifstofumaður, f. 20. maí 1969 í Eyjum. Kona hans Katrín Brynjarsdóttir
2. Benjamín Steinarsson, f. 19. apríl 1973 í Hafnarfirði. Barnsmóðir hans Dagný Baldursdóttir. Fyrrum kona hans Gerður Petra Ásgeirsdóttir.
3. Guðlaugur Ingi Steinarsson lagermaður, f. 8. desember 1977 í Rvk. Fyrrum kona hans Dagný Ösp Helgadóttir. Barnsmóðir hans Kristín Guðmundsdóttir. Kona hans Unnur Líndal Karlsdóttir.
4. Guðlaug Birna Steinarsdóttir félagsráðgjafi, f. 14. janúar 1979 í Rvk. Sambúðarmaður Olayinka Isaac Abioye.
5. Inga Rós Steinarsdóttir húsfreyja, f. 15. nóvember 1985 í Keflavík. Fyrrum maður hennar Magnús Kjartan Eyjólfsson. Sambúðarmaður hennar Guðmundur Valdimarsson.
Heimildir
- Samantekt: Víglundur Þór Þorsteinsson.
- Íslendingabók.
- Lilja Dóra.
- Morgunblaðið 5. september 1998. Minning Steinars.
Þessi grein tilheyrir Æviskrám Eyjafólks eftir Víglund Þór Þorsteinsson.