Snorri Þór Jóhannesson
Snorri Þór Jóhannesson frá Steini við Vesturveg 10 , kennari, aðstoðarskólastjóri fæddist þar 19. júlí 1940 og lést 23. apríl 2003 á Landspítalanum.
Foreldrar hans voru Jóhannes Pálmason prestur, kennari, f. 10. janúar 1914, d. 22. maí 1978, og kona hans Aðalheiður Margrét Snorradóttir frá Steini, húsfreyja, f. 29. október 1914, d. 29. nóvember 2016.
Börn Aðalheiðar og Jóhannesar :
1. Snorri Þór Jóhannesson kennari, aðstoðarskólastjóri, f. 19. júlí 1940 í Eyjum, d. 23. apríl 2003. Kona hans Sigríður Bjarnadóttir.
2. Kristín Jóhannesdóttir, f. 25. febrúar 1945, d. 24. apríl 1953.
3. Sigrún Jóhannesdóttir húsfreyja, kennari, mennta- og kennsluráðgjafi, f. 1. október 1947. Maður hennar Jón Sigurðsson, látinn.
4. Pálmi Hannes Jóhannesson skrifstofustjóri, f. 7. febrúar 1952. Kona hans Soffía Kjaran.
5. Sigurður Jóhannesson rafeindavirki, f. 2. apríl 1954. Kona hans Halla Hafdís Guðmundsdóttir.
Snorri var með foreldrum sínum í æsku, lauk landsprófi í Héraðsskólanum á Núpi 1955, varð stúdent í Menntaskólanum á Akureyri 1960, lauk prófi í heimspeki í Háskóla Íslands 1962.
Hann stundaði nám í Moray House Teachers Training College í Edinborg 1963-1964, tók B.A.-próf í ensku, landafræði og uppeldisfræði í Háskóla Íslands 1967 og var við nám í dönsku í Háskóla Íslands veturin 1989-1990.
Snorri stundaði sjómennsku á námsárum sínum. Hann var kennari í Barna- og unglingaskóla Njarðvíkur 1962-1963, í Héraðsskólanum í Reykholti 1967, skólastjóri þar 1974-1975 og 1991-1992, yfirkennari þar frá 1980. Hann var kennari við Rimaskóla frá 1996-2001 og í hlutastarfi frá 2001 til dánardægurs.
Snorri sat í sáttanefnd Reykholtshrepps 1974-1978, í stjórn bókasafns Reykdæla 1978-1982, var meðhjálpari við Reykholtskirkju 1978-1989, hafði umsjón með árbók Héraðsskólans í Reykholti 1974-1989. Snorri sat í stjórn Súgfirðingafélagsins frá 2001.
Þau Sigríður giftu sig 1963, eignuðust tvö börn.
Snorri Þór lést 2003.
I. Kona Snorra, (6. júlí 1963), er Sigríður Bjarnadóttir kennari, f. 22. febrúar 1938. Foreldrar hennar voru Bjarni Konráðsson læknir, dósent, f. 2. desember 1915 á Skipum í Stokkseyrarhreppi, d. 20. maí 1999, og kona hans Ragnhildur Björg Metúsalemsdóttir frá Eiðum, húsfreyja, f. 27. júní 2017, d. 27. febrúar 1987.
Börn þeirra:
1. Jóhannes Snorrason, f. 3. maí 1963. Sambúðarkona hans Sigrún Jónsdóttir.
2. Bjarni Snorrason, býr í Noregi, f. 26. desember 1964. Fyrrum kona hans Thelma Theódórsdóttir. Kona hans Bente Tönnesen.
Heimildir
- Samantekt: Víglundur Þór Þorsteinsson.
- Íslendingabók.
- Kennaratal á Íslandi. Ólafur Þ. Kristjánsson og fleiri. Prentsmiðjan Oddi 1958-1988.
- Morgunblaðið 2. maí 2003. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.