Sjómannadagsblað Vestmannaeyja 1996/ Breytingar á Huginn VE 55
Fara í flakk
Fara í leit
Huginn VE 55 kom til Eyja frá Póllandi í lok desember eftir miklar breytingar á skipinu. Var það lengt um 8,25 metra og er nú 54 m, settur á það nýr hvalbakur, nótakassi og lunningar að aftan hækkaðar upp. Í skipinu er nýr þilfarskrani og tvö hjálparspil, annað aftur á. Skipið var sandblásið að hluta til og síðan málað. Hafa þessar breytingar heppnast vel og er skipið hið glæsilegasta.
Megintilgangur breytinganna var að auka burðargetu skipsins og ber það nú 900 - 950 tonn eða 350 tonnum meira en það gerði áður.
Skipatækni hannaði þessar breytingar, en kostnaður nam um 40 millj. kr. Huginn var smíðaður í Noregi 1975 og yfirbyggður ári síðar. Hann hefur verið gegnum árin mikið afla- og happaskip.