Sjómannadagsblað Vestmannaeyja 1980/Lifrarniðursuða

Úr Heimaslóð, Sögusetri Vestmannaeyja
Fara í flakk Fara í leit

Lifrarniðursuða

Við færibandið.
- Skyldi þetta virkilega vera upp úr einhverri tunnunni á honum Glófaxa.
Fulltrúar andans og auðsins fá sér lifur með guðaveigunum við vígsluna.

Nú í ársbyrjun hófst starfsemi í hinni nýju niðursuðuverksmiðju Lifrarsamlagsins að Strandvegi 83. Framkvæmdir hafa staðið yfir allt árið 1979 bæði varðandi vélakost og húsnæði, en það er um 300 fermetrar. Verkið var framkvæmt af iðnaðarmönnum héðan og starfsmönnum Lifrarsamalagsins. Kostnaður við verkið mun hafa numið um 60-70 milljónum króna. í vetur hefur starfsemin gengið vel og allverulegt magn soðið niður. Markaður fyrir niðursoðna lifur er einkum í V-Þýskalandi en einnig munu vera góðir markaðsmöguleikar í Tekkóslóvakíu og víðar. Þegar verksmiðjan er rekin með fullum afköstum er starfsmannafjöldi 12-15 manns.

Það er fríður hópur föngulegra meyja sem handleikur hráefnið áður en það fer í dósirnar.
- Já, það er þarna að framan sem hún kemur inn- Alfreð útlistar vinnslurásina fyrir Guðjóni Björnssyni.