Sjómannadagsblað Vestmannaeyja 1979/Sjómenn Íslands
Fara í flakk
Fara í leit
Á síðasta ári frumflutti Kirkjukór Vestmannaeyja verk eftir íslenskt tónskáld, sem ekki hefur haft hátt um sig og tónsmíðar sínar um dagana. Var það verkið „Um sköpun heimsins", en höfundur þess er María Thorsteinsson. María hefur samið mikið af lögum um dagana og mun þekktari undir skáldanafninu Kolbrún frá Árbakka. Hún er ættuð frá Ísafirði, bjó lengi í Biskupstungum en dvelur nú í Reykjavík. Hún hefur tileinkað sjómannadeginum í Vestmannaeyjum 1979 þetta verk sitt „Sjómenn Íslands" og er texti þess eftir Jón Magnússon.
Lúðrasveit Vestmannaeyja mun flytja þetta lag á Sjómannadaginn í útsetningu Ellerts Karlssonar.
Sjómannadagsblaðið þakkar tónskáldinu fyrir hönd sjómanna í Vestmannaeyjum fyrir þetta framlag til sjómannastéttarinnar.
