Sigurður Ó. Sigurjónsson
Sjá aðgreiningarsíðuna fyrir aðra sem hafa borið nafnið „Sigurður Sigurjónsson“
Sigurður Óli Sigurjónsson fæddist 24. janúar 1912 og lést 16. júní 1981. Foreldrar hans voru Sigurjón Sigurðsson fisksali og Kristín Óladóttir. Hann bjó á Þingeyri við Skólaveg 37 frá 1930 til 1954. Þá flutti hann í hús sitt sem hann hafði byggt á Boðaslóð 15.
Sigurður lauk minna skipstjóraprófi 1939 og vélstjóraprófi.
Hann var til sjós frá 1926, skipstjóri frá 1935-1975, lengst með Freyju VE 260, í 15 ár, hafði þá verið með mb. Freyju, minni bát.
Kona Sigurðar var Jóhanna Kristín Helgadóttir húsfreyja, f. 9. október 1915, d. 7. október 2000.
Börn þeirra:
1. Þóra, f. 20. apríl 1935, gift Ástvaldi Bern Valdimarssyni.
2. Kristín, f. 8. mars 1937, gift Runólfi Runólfssyni.
3. Ásta Sigurðardóttir, f. 2. mars 1942, gift Kjartani Guðfinnssyni.
4. Þráinn Sigurðsson, f. 9. ágúst 1946. Fyrrum kona hans Ingunn Elín Hróbjartsdóttir.
5. Sigurjón Sigurðsson, f. 3. september 1952, kvæntur Þóru Björk Ólafsdóttur.
Sigurður var formaður með mótorbátinn Freyju.
Óskar Kárason samdi formannavísu um Sigurð:
- Freyju Siggi Sigurjóns
- siglir hryggi Ránar,
- þó að briggið báru lóns
- bylgjur þiggi fránar.
Óskar samdi seinna aðra vísu um hann:
- Sigurður haf við hagur,
- heppinn Sigurjóns greppur,
- Freyju sá vart mun vægja,
- víðir þó stag0nd hýði.
- Siglir greitt rugg í rugli,
- ryður þorsk-net í iðinn.
- Hugmikill Baldur bauga
- bundinn er veiði lunda.
Myndir
Heimildir
- Óskar Kárason. Formannavísur. Vestmannaeyjum, 1950.
- Óskar Kárason. Formannavísur II. Vestmannaeyjum, 1956.