Kristmundur Árnason (Búastöðum)

Úr Heimaslóð, Sögusetri Vestmannaeyja
Fara í flakk Fara í leit

Kristmundur Árnason frá Búastöðum fæddist 2. júlí 1872 og lést 19. desember 1935.
Foreldrar hans voru Árni Einarsson bóndi í Berjanesi u. Eyjafjöllum, síðar á Búastöðum í Eyjum, f. 27. janúar 1827, og kona hans Helga Einarsdóttir húsfreyja, f. 1829.
Kristmundur var bróðir Ingvars Árnasonar í Hólshúsi og Einars Árnasonar frá Búastöðum.

Kristmundur var léttadrengur í Nýjabæ 1890, vinnuhjú í Hólshúsi 1901, ókvæntur. Í Hólshúsi var Helga dóttir hans í fóstri á því ári.
Hann fór til Vesturheims 1905, var fiskimaður við Winnipegvatn.
Hann lést 1935.

I. Kristmundur átti barn með Þóru Einarsdóttur frá Ormskoti undir Eyjafjöllum, f. 1855, d. 6. mars 1898.
Barnið var
Helga Kristmundsdóttir, f. 19. desember 1897, d. 3. maí 1977. Helga var gift Ormi Ormssyni, stofnanda firmans Ormsbræður hf. Þau gerðust síðar bændur í Hofgörðum í Staðarsveit og Laxárbakka í Miklaholtshreppi, en Ormur gerðist rafvirkjameistari í Borgarnesi 1946-dd. 1965.


Heimildir

  • Samantekt: Víglundur Þór Þorsteinsson.
  • Borgfirzkar æviskrár. Margir höfundar. Sögufélag Borgarfjarðar 1969-2007.
  • Íslendingabók.is.
  • Manntöl.


Þessi grein tilheyrir Æviskrám Eyjafólks eftir Víglund Þór Þorsteinsson.