Ritverk Árna Árnasonar/Guðlaugur Vigfússon (Grafarholti)
Kynning.
Guðlaugur Vigfússon bóndi og formaður á Vilborgarstöðum, fæddist 18. ágúst 1864 í Eyjum og lést 4. maí 1942.
Foreldrar hans voru Vigfús Einarsson bóndi á Miðhúsum, f. 17. júlí 1838 á Loftsölum í Mýrdal, lést í Vesturálfu, og kona hans Guðrún Guðmundsdóttir húsfreyja, f. 1834, látin í Vesturálfu.
Guðlaugur var með foreldrum sínum á Miðhúsum 1870. Hann var húsmaður og verslunarþjónn í Nýja-Kastala 1890, húsbóndi á Vilborgarstöðum 1901 með konu sinni Þórdísi Magnúsínu Árnadóttur húsfreyju.
Hann var ekkill og húsbóndi, „Utanbúðarmaður við verslunina Edinborg“, á Vilborgarstöðum 1910 með bústýrunni Margréti Hróbjartsdóttur, f. 15. maí 1881, d. 8. júlí 1964. Þar var einnig dóttir Margrétar, Ingibjörg Lára Óladóttir, f. 11. júní 1907 í Ólafshúsum, d. 23. febrúar 1984. Faðir hennar var Óli Kristinn Jónsson Coghill í Reykjavík, kaupmaður, fór til Kanada 1910, f. 12. janúar 1888, 15. ágúst 1939.
Við manntal 1920 bjó Guðlaugur í Garðhúsum með bústýrunni Margréti, dóttur hennar Ingibjörgu Láru Óladóttur og barninu Þórdísi Magnúsínu Guðlaugsdóttur. Þórdís Magnúsína lést 1925.
Guðlaugur var verslunarmaður á Kirkjuvegi 13, Grafarholti, 1930, verkamaður í Grafarholti 1940 með bústýruna Margréti.
Magnús lést 1942.
Guðlaugur átti tvær konur.
I. Fyrri kona hans, (1893), var Þórdís Magnúsína Árnadóttir húsfreyja, f. 1859, dóttir Árna Einarssonar og Guðfinnu Austmann á Vilborgarstöðum. Hún lést 1910. Höfðu þau átt eitt barn
1. látið fyrir mt 1910.
II. Síðari kona Guðlaugs, nefnd bústýra, var Margrét Hróbjartsdóttir, f. 15. maí 1881 í Kálfholtssókn í Holtum, Rang., d. 8. júli 1964. Hún var síðar húsfreyja í Keflavík, kona Guðmundar Péturssonar.
Barn þeirra:
2. Þórdís Magnúsína Guðlaugsdóttir, f. 26. maí 1911, d. 5. júlí 1925, síðast á Gunnarshólma.
Guðlaugs er getið í bjargveiðimannatali Árna Árnasonar, en án sérstakrar umsagnar.
Önnur umfjöllun á Heimaslóð: Guðlaugur Vigfússon (Grafarholti)
Úr fórum Árna Árnasonar, efnisyfirlit
Heimildir
- Samantekt: Víglundur Þór Þorsteinsson.
- Heimaslóð.
- Íslendingabók.is.
- Manntöl.
- Vestur-Skaftfellingar 1703-1966. Björn Magnússon. Leiftur 1970-1973.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
Þessi grein tilheyrir Æviskrám Eyjafólks eftir Víglund Þór Þorsteinsson.