Ragnhildur Ísleiksdóttir (Steinmóðshúsi)
Ragnhildur Ísleiksdóttir húsfreyja í Steinmóðshúsi fæddist 2. ágúst 1808 í Holtssókn u. Eyjafjöllum og lést 25. janúar 1865.
Faðir hennar var Ísleikur bóndi í Ormskoti í Fljótshlíð, f. 1778 í Skarði í Fljótshlíð, d. 3. apríl 1832, Árnason „yngri‟ bónda á Hrútafelli u. Eyjafjöllum, f. 1749, d. 14. september 1805, Ísleikssonar bónda, lögréttumanns og klausturhaldara, bónda í Mörtungu á Síðu, f. 1690 í Hlíð u. Eyjafjöllum, á lífi 1762, Ólafssonar, og konu Ísleiks lögréttumanns, Steinunnar húsfreyju, f. 1713, Þórarinsdóttur.
Móðir Ísleiks í Ormskoti og kona Árna „yngri‟ var Marín húsfreyja, f. 25. mars 1750 í Reykjavík, d. 13. maí 1831, Stefánsdóttir og Jóhönnu, f. 1715, Jónsdóttur sýslumanns Oddssonar Hjaltalín.
Móðir Ragnhildar í Steinmóðshúsi og kona Ísleiks var Þorbjörg húsfreyja, f. 1778 í Holti í Álftaveri, skírð 12. mars þ.á., d. 19. ágúst 1841, Einarsdóttir bónda í Holti, f. 1748, d. fyrir 1788, Bjarnasonar, f. (1715), Snjólfssonar, og konu Einars Bjarnasonar, Ragnhildar húsfreyju, f. 1738, Árnadóttur.
Ragnhildur var með foreldrum sínum í Ormskoti 1816. Hún var í Steinmóðarbæ u. Eyjafjöllum 1826 og fór þaðan að Rauðafelli. Þar var hún 27 ára vinnukona 1835, var í Drangshlíð 1835 og 1837.
Þau Guðmundur fluttust til Eyja 1838 og bjuggu á Gjábakka til 1841, en fluttust þá í Steinmóðshús.
Þau voru í Guðmundarhúsi 1850, (líklega annað nafn á Steinmóðshúsi), í Steinmóðshúsi 1851-1860. Ragnhildur var ekkja í Steinmóðshúsi 1860.
I. Barn Guðmundar með Halldóru Guðmundsdóttur vinnukonu, f. 1796:
1. Vilborg Guðmundsdóttir vinnukona, f. 8. september 1834 í Steinasókn u. Eyjafjöllum, d. 26. júní 1887.
II. Maður Ragnhildar Ísaksdóttur var Guðmundur Hávarðsson tómthúsmaður og sjómaður í Steinmóðshúsi, f. 1810, d. 28. maí 1860.
Börn þeirra hér:
2. Guðmundur Guðmundsson, f. 1835 í Drangshlíð.
3. Ragnhildur Guðmundsdóttir, f. 18. febrúar 1837 í Drangshlíð, d. 25. febrúar 1837.
4. Ragnhildur Guðmundsdóttir, f. 29. mars 1839 á Gjábakka, d. 4. apríl 1839 úr ginklofa.
5. Guðmundur Guðmundsson, f. 24. júlí 1840, d. 30. júlí 1840 úr ginkklofa.
6. Jóhanna Guðmundsdóttir húsfreyja, f. 1. október 1841 á Gjábakka. Hún fór til Vesturheims, lést 22. apríl 1935 í Mapleton, Utah.
7. Ragnhildur Guðmundsdóttir, f. 10. október 1844 í Tómthúsi, d. 20. október 1844 úr ginklofa.
8. Guðmundur Guðmundsson sjómaður á Fögruvöllum, f. 22. nóvember 1847, d. 10. febrúar 1890 á Fögruvöllum.
9. Ísleikur Guðmundsson, f. 28. janúar 1851 í Tómthúsi, d. 9. febrúar 1851 „af Barnaveikin ginklofa“.
Heimildir
- Samantekt: Víglundur Þór Þorsteinsson.
- Íslendingabók.is.
- Lögréttumannatal. Sögurit. Einar Bjarnason. Sögufélag gaf út. Ísafoldarprentsmiðja h.f. 1952-1955.
- Manntöl.
- Prestþjónustubækur.
- Vesturfaraskrá 1870-1914. Júníus H. Kristinsson. Sagnfræðistofnun Háskóla Íslands 1983.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.