Ragnheiður Stefanía Sigfúsdóttir
Ragnheiður Stefanía Sigfúsdóttir yfirhjúkrunarfræðingur, fæddist að Vestri-Löndum 7. júlí 1883, d. í Wilmington North Carolina 30. desember 1967.
Foreldrar hennar voru hjónin Sigfús Árnason organisti og söngstjóri og kona hans Jónína K.N. Brynjólfsdóttir húsfreyja. Þau hjón bjuggu á Vestri-Löndum.
Hún var á Löndum 1890 og 1901.
Árið 1907 fór hún til Danmerkur og dvaldist þar í 7 ár. Fyrstu árin var hún þar við nám. Fyrst hóf hún hjúkrunarnám, en hætti því innan tíðar og aflaði sér menntunar til „munns og handa“ í ýmsum dönskum skólum. T.d. stundaði hún nám við Lýðháskólann í Askov sumarið 1908.
,,Ragnheiður sigldi frá Kaupmannahöfn til Bandaríkjanna veturinn 1914 og kom þá við á Azoreyjum á leiðinni. Þær hafa verið henni undralönd síðan“.
Í Bandaríkjunum átti hún heima síðan. Um mörg ár var hún yfirhjúkrunarkona við sjúkrahús þar vestra. Hún lést í Wilmington North Carolina.
Heimildir
- Samantekt: Víglundur Þór Þorsteinsson.
- Tilvitnaðan texta skrifaði Þorsteinn Þ. Víglundsson og birtist hann á bls. 33 í greininni „Frumherjar“ í Blik 1967.
Þessi grein tilheyrir Æviskrám Eyjafólks eftir Víglund Þór Þorsteinsson.