Pétur Stefánsson (lögregluþjónn)
Pétur Stefánsson var lögregluþjónn í Vestmannaeyjum. Pétur fæddist 1. maí 1917 á Högnastöðum við Reyðarfjörð. Hann var sonur Stefáns Hermannssonar, bónda þar, og Guðrúnar Halldórsdóttur húsfreyju.
Pétur fluttist til Vestmannaeyja árið 1941. Hann kvæntist á gamlársdag sama ár Jóhönnu Sigrúnu Magnúsdóttur frá Vestmannaeyjum. Foreldrar hennar voru Magnús Jóhannesson og Jónína Kristín Sveinsdóttir. Jóhanna Sigrún var fædd 1920, en lést árið 1981.
Pétur og Jóhanna Sigrún eignuðust fimm börn. Þau eru Björk Guðríður, Stefán, Sveinn Ingi, Hallgerður og Helga Sigurborg.
Pétur hóf löggæslustörf í Vestmannaeyjum 1942 og gegndi starfi lögreglumanns til ársins 1970. Hann varð þá heilbrigðisfulltrúi og gegndi því starfi fram að gosi 1973. Þá fluttust þau hjón til Hafnarfjarðar og réðst Pétur sem húsvörður í Gagnfræðaskóla Garðahrepps, síðar Garðaskóla, í skólahúsinu við Lyngás.
Árið 1984 var Fjölbrautaskólinn í Garðabæ stofnaður og fékk skólinn húsnæðið við Lyngás til afnota. Pétur starfaði áfram sem húsvörður hins nýja skóla og gegndi því starfi til ársins 1988, er hann lét af störfum sökum aldurs.
Myndir
Heimildir
- Minningargreinar í Morgunblaðinu, 2. desember 1993.