Kristinn Karlsson (stöðvarstjóri)
Kristinn Karlsson bifvélavirkjameistari, stöðvarstjóri, fæddist 4. október 1936.
Foreldrar hans voru Karl Jónasson rennismiður á Stokkseyri og Eyrarbakka, f. 19. febrúar 1909, d. 15. apríl 1980, og kona hans Aðalheiður Gestsdóttir húsfreyja og verkakona í Smiðshúsi á Stokkseyri og á Eyrarbakka, f. 15. október 1907, d. 8. apríl 1997.
Kristinn nam bifvélavirkjun hjá Hreggviði Jónssyni bifvélavirkjameistara. Hann vann síðan að iðninni í Eyjum, stofnaði Bílaskemmuna á Flötunum og starfrækti hana til ársins 1979, er hjónin fluttust í Mosfellssveit.
Í byrjun var hann verkstæðisformaður hjá bifvéladeild SÍS í Reykjavík, en vann síðar hjá Frumherja við bifreiðaeftirlit og varð stöðvarstjóri þess fyrirtækis í Grafarvogi.
Þau Bryndís byggðu húsið að Illugagötu 55 og bjuggu þar til ársins 1979.
Þau fluttust að nýju til Eyja 2009 og bjuggu á Búhamri.
Bryndís lést 2018.
Kristinn býr í Garði, Gull.
Kona Kristins, (26. desember 1960), var Bryndís Sigurðardóttir húsfreyja, myndlistarmaður, f. 22. janúar 1941, d. 8. desember 2018.
Börn þeirra eru:
1. Harpa Kristín Kristinsdóttir húsfreyja, f. 30. nóvember 1958.
2. Sigurður Kristinsson fagmaður af tölvubraut Tækniskólans, f. 7. desember 1964.
3. Arna Dís Kristinsdóttir húsfreyja, f. 30. júlí 1972.
Heimildir
- Samantekt: Víglundur Þór Þorsteinsson.
- Heimaslóð.is.
- Kristinn Karlsson.
Þessi grein tilheyrir Æviskrám Eyjafólks eftir Víglund Þór Þorsteinsson.