„Blik 1974/Sigmundur Finnsson frá Uppsölum“: Munur á milli breytinga

Þegar ég afræð, að Blik geymi nokkur orð um þennan Vestmannaeying, hvarflar hugur minn 30-40 ár aftur í tímann. Ég stjórnaði Gagnfræðaskólanum í Vestmannaeyjum og við starfræktum hann á leiguhúsnæði hans að [[Breiðablik]]i, gamla íhúðarhúsi [[Gísli J. Johnsen|Gísla J. Johnsen]], en þá orðið eign [[Iðnaðarmannafélag Vestmannaeyja|Iðnaðarmannafélags Vestmannaeyja]]. Einn af nemendum mínum á árunum 1937—1940 var Sigmundur Ragnar Finnsson í Uppsölum. <br>

Síðan Sigmundur R. Finnsson útskrifaðist gagnfræðingur úr skólanum, hefur ýmislegt sögulegt á daga hans drifið. Og hann hefur vissulega átt sigri að fagna á býsna sérstæðri ævibraut, enda má ég vekja athygli á því, að þessi nemandi minn hefur gætt jafnan vel „þess kjarna, sem liggur innst“.  <br>

Árið 1952 fluttist Sigmundur R. Finnsson til Ástralíu. Hefur hann dvalizt þar síðan. Í þessu fjarlæga landi hefur hann vissulega átt nokkuð sérlegu hlutverki að gegna. Þar hefur hann verið þjóð sinni þarfur þjónn og mesti sómakarl. Einn af kunnustu sérfræðingum landsins og mikill áhugamaður um velferð landa sinna, skrifaði mér á s.l. ári og vakti hjá mér athygli á því velferðarstarfi, sem Sigmundur Ragnar, þessi fyrrv. nemandi minn, hefur innt af hendi til hjálpar og heilla löndum sínum og okkar allra, þegar þeir vegalitlir hafa flutzt til þessa fjarlæga lands, stundum með konu og börn í eftirdragi. Þau mistök margra þeirra verða ekki skilgreind hér. En þarna hefur Sigmundur Ragnar og kona hans, sem er ensk, lagt mörgum íslenzkum fyrirhyggjulitlum ferðalang og „landnámsmanni“ hjálparhönd og reynzt óbrigðular hjálparhellur í raun og neyð, og ekki þá sízt á landflóttatímabilinu 1960-1970, þegar ótrúlega margir Íslendingar létu ginnast og hugðust grípa gæsina fyrirhafnarlítið í þessu fjarlæga landi. <br>

Fyrstu árin sín í Ástralíu stundaði Sigmundur Ragnar fiskveiðar. Var hann þá ódeigur sjómaður og útvegsbóndi. Hann gerði út veglegan vélbát og aflaði vel. Margt fleira lagði hann á gjörva hönd. Um tíma var hann sölumaður og svo verkstjóri. Öll þessi störf hans reyndust honum heilladrjúgur skóli síðar, þegar hann gerðist verksmiðjueigandi og verksmiðjurekandi, eins og hann hefur verið nú um nokkurt áraskeið. <br>

Sigmundur Ragnar Finnsson er kvæntur enskri konu, sem dvalizt hafði hér á landi um árabil. Þá kynntist hún vel íslenzkum þjóðháttum og þjóðerni. Frúin heitir Cynthia Margareth og talar og skilur íslenzkt mál mæta vel og er góður Íslendningur í orðsins bezta skilningi: Ber virðingu fyrir íslenzku máli, íslenzku þjóðerni og íslenzkum þjóðháttum. Hún hefur reynzt mörgum bágstöddum Íslendingi í þessu fjarlæga landi mikil hjálparhella við hlið eiginmanns síns. Þau hjón hafa haft vegalausar íslenzkar fjölskyldur á heimili sínu vikum saman, meðan rætzt hefur úr fyrir þeim um atvinnu og húsnæði. Og margur hefur landinn fengið atvinnu fyrir orð og gjörðir þeirra hjóna, sem eru vel kynnt og hafa áunnið sér traust og álit þeirra, sem bezt þekkja þau.  <br>

3. [[Steina Finnsdóttir|Steina Margrét Finnsdóttir]], f. 10. júní 1926. Hún er gift [[Friðrik Haraldsson|Friðrik Haraldssyni]], bakarameistara frá [[Sandur|Sandi]] ([[Strandvegur|Strandstíg]] 63) hér í kaupstaðnum. Þau hjón eru búsett í Kópavogi. <br>

Hjónin Finnur og Þórunn í Uppsölum ólu upp bróðurson frú Þórunnar. Það er hinn góðkunni samborgari okkar Eyjamanna, [[Jón Bergmann Júlíusson]], trésmíðameistari, sem enn er búsettur í Keflavík síðan eldgosið brauzt út á Heimaey.

   

{{Blik}}