„Blik 1965/Gamlar myndir“: Munur á milli breytinga

''<big>Skipshöfn [[Ólafur Ingileifsson|Ólafs skipstjóra Ingileifssonar]] á [[Karl VE-|v/b Karli]], fyrir um það bil 45 árum. — <br>

''Fremri röð frá vinstri: 1. [[Sveinn Sigurhansson]] frá Brimnesi, 2. Ólafur Ingileifsson, 3. Eyþór Árnason úr Mýrdal.

''Tangaverzlunin ([[Juliushaab|Júlíushaab]]) var vestasta verzlunin í Vestmannaeyjum. Árið 1869 varð [[Gísli Engilbertsson]] frá Syðstu-Mörk undir Eyjafjöllum verzlunarmaður við Tangaverzlun, sem sonur [[N. N. Bryde|N. Bryde]], [[J.P.T. Bryde]], átti þá. Árið eftir að N. Bryde dó (hann lézt 1879) og J.P.T. Bryde erfði [[Austurbúðin|Austurbúðina]] ([[Garðurinn|Garðsverzlun]]), þá gerðist G.E. verzlunarstjóri við Tangaverzlun og rak hana sem eigandi hennar væri sökum þess, að enginn einn kaupmaður mátti eiga nema eina verzlun á sama stað. Gísli Engilbertsson var verzlunarstjóri til 1893. Það ár var Tangaverzlunin lögð niður. Eftir það var G.E. starfsmaður við Garðsverzlun. <br>

''Húsin á myndinni frá vinstri: — Verzlunarhúsið er lengst til vinstri og snýr austur og vestur. Sölubúðin var í miðju húsinu, en íbúð í vesturenda. Þar bjó Gísli verzlunarstjóri Engilbertsson. Í austurenda verzlunarhússins lá stigi frá útidyrum, upp á loftið. Þar var geymt ómalað korn og fleira, sem þá var borið upp stigann. Langa húsið, sem snýr frá norðri til suðurs, var salthús. Næst norðurstafni þess (austurvestur) er kolahúsið og nyrzt er lýsisbræðsluhúsið. <br>

''Skipshöfn á [[Glaður VE-270|m/b Glað, VE 270]], og aðgerðarmenn útgerðarinnar á vetrarvertíð 1933. <br>

[[Mynd: 1965 b 93 A.jpg|ctr|500px]]

''Þessi mynd er af bátum með færeysku lagi. Þeir eru settir upp í [[Fúla|Fúlu]], sem var vestan við [[Nausthamar]], á milli hans og [[Hrófin|Hrófanna]]. Róðrarbátar með þessu lagi voru margir í Eyjum á fyrstu tveim áratugum 20. aldarinnar. Voru notaðir til að skjögta á milli lands og vélbáts eftir að vélbátaútgerðin hófst. Þá kallaðir skjögtbátar.

''Lifrarbrœðsluskúrar, sem stóðu á svæðinu sunnan við Vélsmiðjuna Völund. Skúrinn á miðri myndinni hét París. Þar bjó Jón sladdi og skar tóbak. Handan við austurþilið á vistarveru hans var lifrin brædd í stórum pottum.

''Myndin mun vera tekin árið 1922. Uppskipun á timbri við Tangabryggjuna. Kvenfólk m.a. er í timburvinnunni. Á bryggjunni stendur ein fyrsta vörubifreiðin, sem hingað var keypt. V/b Minerva liggur nœst bryggjunni til hægri á myndinni.

[[Mynd: 1965 b 250 A.jpg|ctr|400px]]

''Svo sem mörgum Eyjabúum er enn í fersku minni, þá rak [[Ísfélag Vestmannaeyja]] kjötbúð hér í kaupstaðnum um langt árabil. — Hér birtir Blik gamla mynd af slátrun á vegum Ísfélagsins. Breið plankabrú lá á milli nyrðri brúnar Strandvegarins og syðri enda frystihússins, þar sem gengið var inn í búð Ísfélagsins og svo frystihúsið sjálft. Slátrunin fer fram á brú þessari. — <br>

''Mennirnir, sem vinna að slátruninni, og drengirnir, sem eru þarna „eins og gráir kettir“ til þess að sjá allt og fylgjast með öllu, taldir frá vinstri: — 1. [[Ólafur Á. Kristjánsson]] frá [[Heiðarbrún]], síðar bæjarstjóri í Eyjum og nú forstjóri B.S.V. 2. Páll Andrésson frá Berjaneskoti. 3. [[Guðjón Tómasson Guðjónsson]]ar í [[Höfn]] í Eyjum. 4. [[Steingrímur Ö. Björnsson]], [[Kirkjuland]]i, síðar skipstjóri. 5. Óþekktur. 6. Óþekktur. 7. og 8., bograndi, óþekktir. 9. óþekktur. 10. [[Sigurður S. Scheving|Sigurður Sveinsson Seheving]]. (Andlitið sést hálft). 11. [[James White]] í Björgvin. 12. [[Haraldur Kristjánsson á Heiðarbrún|Haraldur Kristjánsson]], Heiðarbrún. 13. [[Guðfinnur Þorgeirsson í Skel|Guðfinnur Þorgeirsson]], [[Skel]], kunnur sjómaður hér. 14. [[Páll Jónsson á Garðsstöðum|Páll Jónsson]], [[Garðsstaðir|Garðsstöðum]]. 15. Óþekktur. 16. [[Matthías Kristinsson Ástgeirssonar]] frá [[Litlibær|Litlabæ]].

[[Mynd: 1965 b 208 A.jpg|ctr|400px]]

''Hér birtir Blik gamla mynd af vegagerðarmönnum í Meðallandi. Myndin mun vera yfir 60 ára gömul. Heimildarmaður ritsins um nöfn og annað hér er [[Einar Sigurfinnsson]] að Kirkjuvegi 29.<br>  

''Lengst til vinstri eru nokkrir „hjallar“ eins og þessi litlu hús úr torfi og timbri vorn kölluð hér í Eyjum. Á miðri myndinni sést verzlunarhús Miðbúðarinnar, langa húsið dökka. Hægra megin við það sést hús með skerta stafna. Það er [[Godthaab]]. Þessi hús keypti [[Gísli J. Johnsen]], er hann fékk byggingu fyrir lóð Miðbúðarinnar upp úr aldamótum. Lengst til hægri sjást nokkur af verzlunarhúsum [[Austurbúðin|Austurbúðarinnar]] og hjallar þar í nánd. Þar sést hús með skertum stöfnum. Það er [[Nöjsomhed]], sem stóð þar sem [[Stafholt]] ([[Víðisvegur]] 7) stendur nú, austan við [[Jómsborg]].