„Blik 1960/Nýborgarheimilið, II. hluti“: Munur á milli breytinga

==''Nýborgarheimilið''==

:(Framhald)

<br>

<br>

Árið 1845 fluttist 16 ára piltur að [[Gerði-stóra|Stóragerði]] í Vestmannaeyjum til hjónanna [[Helgi Jónsson í Stóra-Gerði|Helga Jónssonar]] og [[Kristín Ólafsdóttir í Stóra-Gerði|Kristínar Ólafsdóttur]]. Piltur þessi hét [[Ingimundur Jónsson]]. Hann var fæddur í Reynissókn. „Bókhæfur rétt vel,“ segir prestur um hann. Næstu 10 árin var Ingimundur Jónsson vinnumaður á [[Miðhús]]um hjá [[Sigurður Jónsson á Miðhúsum|Sigurði]] bónda þar, stefnuvotti og meðhjálpara, og konu hans [[Sesselja Helgadóttir á Miðhúsum|Sesselju Helgadóttur]]. Hjá þessum hjónum mótaðist Ingimundur Jónsson á þessum árum og varð hinn mesti efnis- og myndarmaður. Um Sesselju húsfreyju á Miðhúsum er það sagt, að hún hafi verið gáfuð kona og vel að sér. Á heimilinu var mikið um góðar bækur, eftir því sem þá gerðist. Hjónin sögð trygglynd og góð. <br>

Þegar Jón bóndi Einarsson dó, 11. apríl 1861, gerðist Ingimundur Jónsson ábyrgur búandi á Gjábakkajörðinni í skjóli tengdamóður sinnar, þar til hann fékk byggingu fyrir jörðinni 1868. Þegar Ingimundur Jónsson og Margrét Jónsdóttir minntust gullbrúðkaups síns 1908, tóku flestir málsmetandi Eyjabúar þátt í fagnaði þeim, gáfu Ingimundi bónda og hreppstjóra fagran og veglegan göngustaf³ og þökkuðu þeim hjónum báðum gott og vel unnið ævistarf í þágu byggðarlagsins, því að þau höfðu alla búskapartíð sína verið hin mætustu hjón og sómi sinnar stéttar í sveitarfélaginu. <br>

³<small>Göngustafur þessi er geymdur í [[Byggðasafn Vestmannaeyja|Byggðarsafni Vestmannaeyja]]. </small>

''Hjónin frá Nýborg, Þóranna Ingimundardóttir, ljósmóðir, og Sigurður Sveinsson, snikkari.''

Árin liðu í Nýborg sem utan veggja hennar með miklum athöfnum, umstangi og gróða. — Tíminn græðir flest sárin, og mannkostakonan  mikla,  Þóranna Ingimundardóttir fyrirgaf unnusta  sínum  veiklyndið  í kvennamálunum og sættist við hann,  því  að  andanum  unni hún,  hvað sem holdinu leið. Þóranna    ól    honum    annað stúlkubarn 15. nóv. 1890. Það var skírt [[Jónína Steinunn Sigurðardóttir|Jónína Steinunn]] og er hin góðkunna kona og móðir Jónína á [[Háeyri]] hér í Eyjum. — Ári síðar eða 1891 giftust þau Sigurður og Þóranna og áttu þá eftir að lifa saman í hjónabandi í hart nær 40 ár. Svaramenn voru þeir Þorsteinn læknir Jónsson og Bryde kaupmaður,  tveir  af  mestu höfðingjum Eyjanna þá á veraldlega vísu. Þá var heimilisfólkið í Nýborg 17 manns, þar af 6 vinnumenn og 4 vinnukonur, svo að mikið var vinnuaflið, enda mikið starfað. Stóð þá á mörgum fótum fjárafli Sigurðar Sveinssonar, svo sem sagt er um landnámsmanninn á Borg á Mýrum. — Undanfarin 10 ár hafði þá Sigurður borið hærra sveitarútsvar í Vestmannaeyjum en flestir aðrir einstaklingar þar. Sat hann þar á bekk með fáum öðrum ríkustu mönnum Eyjanna, svo sem Þorsteini héraðslækni, séra Brynjólfi Jónssyni, meðan hann lifði, og Þorsteini hreppstjóra og alþingismanni í Nýjabæ. Eitt þessara ára greiddi Sigurður Sveinsson hæst útsvar í hreppnum. Einnig greiddi hann þar hæsta lausafjártíund árið 1889 og 1890. <br>

Um 1890 námu matjurtagarðar Sigurðar í Nýborg 517 ferföðmum að stærð eða um 1833 fermetrum. Aðeins einn maður í Eyjum þá komst um það bil í hálfkvisti í garðrækt við Sigurð í Nýborg. Það var Sigurður Sigurfinnsson skipstjóri í [[Boston]]. <br>

Um margra ára skeið áttu nýborgarhjónin stóran matjurtagarð sunnan við troðningana, sem lágu inn að vatnspóstinum í [[Botninn|Botninum]]. Síðar var verzlunarhús [[Vélsmiðjan Magni|Vélsmiðjunnar Magna]] byggt í garði þessum.