„Blik 1960/Einar Sigurfinnsson“: Munur á milli breytinga

Eftir fermingu hafði Sigurbjörn Einarsson stundað nám hjá Helga Lárussyni á Kirkjubæjarklaustri og síðan hjá séra Birni O. Björnssyni, sem þá var prestur í Þykkvabæjarklaustursprestakalli. Lét prestur sér mjög annt um unglinginn Sigurbjörn, sem var sérstaklega bókhneigður og námfús. Yngri sonur Einars, Sigurfinnur, var meira hneigður að verklegum störfum. <br>

Í Reykjavík dvaldist Einar Sigurfinnsson í þrjú ár. Stundaði þar ýmsa vinnu, er til féll, og var í kaupavinnu á sumrum. Þá kynntist hann seinni konu sinni, [[Ragnhildur Guðmundsdóttir|Ragnhildi Guðmundsdóttur]] frá Syðra-Langholti. Þau giftust vorið 1928. Árið eftir reistu þau bú að Iðu í Biskupstungum. Þar bjuggu þau í 26 ár eða til ársins 1955, er þau brugðu búi og fluttu hingað til Vestmannaeyja. Þau eiga einn son, [[Guðmundur Einarsson verslunarmaður|Guðmund]] að nafni. Hann býr hér í bæ. Einar Sigurfinnsson gerðist goodtemplari árið 1906. Áður hafði hann unnið að bindindisstörfum í menningarfélagi þeirra Meðallandsbúa. <br>

{{Blik}}