„Sigurður Sigurfinnsson (hreppstjóri)“: Munur á milli breytinga

Þegar um haustið eftir komuna til landsins var báturinn nýttur til ferða til Stokkseyrar með vörur, en var notaður til fiskveiða á vertíð 1906. Gekk það fremur illa og var báturinn seldur. Árið 1908 byggði Sigurður bátinn [[Skeið]] upp úr opnu skipi og var formaður á þeim bát í tvær vertíðir. Eftir það hætti hann formennsku.<br>  

Sigurður varð oddviti 1902, þegar [[Þorsteinn Jónsson (héraðslæknir)|Þorsteinn Jónsson]] læknir hætti, og gegndi því starfi meðan hann lifði. Hann sat í hreppsnefnd frá 1901, í sýslunefnd sem varamaður í fjölda ára. Hreppstjóri varð hann 1895 eftir drukknun [[Lárus Jónsson|Lárusar Jónssonar]] á Búastöðum.<br>  

Hann var mikill framfaramaður. Hreppsnefndin boðaði, fyrir forgöngu hans, til almenns fundar 1907 til að fjalla um verzlunarmál og var sá fundur fjölmennur. Fundurinn lýsti yfir óánægju sinni með verð á útfluttum og innfluttum vörum. Kosin var nefnd þriggja manna, [[Þorsteinn Jónsson (Laufási)| Þorsteins í Laufási]], [[Gísli Lárusson | Gísla Lárussonar]] í Stakkagerði auk Sigurðar til að afla upplýsinga um vöruverð og semja um kaup á erlendum vörum og semja um sölu á innlendum vörum. Var sett á stofn pöntunarfélag, sem starfaði í nokkur ár, en síðan stóðu sömu menn að stofnun [[Kaupfélagið Herjólfur|Kaupfélagsins Herjólfs]]. Á síðasta áratug nítjándu aldar neitaði [[J.P.T. Bryde | Bryde]] kaupmaður að selja mönnum salt, en vildi fá fiskinn upp úr sjó. Þótti af þessu mikill bagi og varð til þess að stofnað var pöntunarfélag til saltkaupa.<br>

Sigurður var fréttaritari „Fjallkonunnar” 1890-1902 og ritaði þar margt um athafnalíf í Eyjum. Hann var vel skáldmæltur og vel ritfær.<br>

Ráðríkur þótti hann enda mun hann oft hafa þurft að taka ákvarðanir, þegar hinir linari stóðu ráðþrota og klumsa.<br>

#Ritgerðir í Fjallkonunni: Um sjómennsku 1891; Sjávarútvegur í Vestmannaeyjum 1893; Styrktarsjóður handa ekkjum og börnum drukknaðra sjómanna 1893; Mannslán og skipsáróður 1894; Kúðaós sem verzlunarstaður 1894; Félög og sjóðir í Vestmannaeyjum 1894; Ónotalegar samgöngur 1894; Nokkur skilyrði fyrir framför landbúnaðarins 1895; Hvalveiði við Vestmannaeyjar 1897.  

#Frásögn um ferðina til Íslands með Knörr, í Óðni 1906.

Auk þessa eru margar óprentaðar ritgerðir, meðal annars löng grein um slysfarir á Íslandi.<br>

Örn Arnarson kvað lengi um Sigurð,- m.a.:<br>