„Jónas Sigurðsson (Skuld)“: Munur á milli breytinga

Lundaveiði stundaði hann í Álsey á hverju sumri um margra áratuga skeið. Á yngri árum seig Jónas á hverju vori í björg til eggjatöku. Bjargsig sýndi hann mörg sumur á þjóðhátíð Eyjamanna og vakti það ætíð mikla athygli þjóðhátíðargesta. Þegar erlenda gesti bar að garði, oftast blaðamenn og ljósmyndarar, var Jónas oft fenginn til að sýna þessa „þjóðlegu“ íþrótt. Blaðagreinar og ljósmyndir voru birtar í erlendum blöðum og tímaritum og vöktu mikla athygli lesenda enda oft glæfralegt á að líta fyrir ókunnuga.<br<

Í janúarmánuði 1928 kvæntist Jónas [[Guðrún Kristín Ingvarsdóttir|Guðrúnu Kristínu Ingvarsdóttur]] frá Reykjavík og eignuðust þau fimm börn, Ingunni, Guðrúnu, Sjöfn, [[Sigurgeir Jónasson|Sigurgeir]] og Sigurjón. Auk þess ólu þau upp dótturson, Jónas Þór Steinarsson.