„Bjarnarey“: Munur á milli breytinga

{{Eyjur}}

'''Bjarnarey''' liggur skammt suður af [[Elliðaey]] og er næst henni í stærð, 0.32km². Eyjan er mjög hálend og þverhníptir klettahamrar umlykja eyjuna alla nema á litlu svæði norðaustan megin. Þar er uppgangur á eyjuna. Á miðri eyjunni er afar hár grasivaxinn fjallhnúkur og í miðjum hnúknum er dæld. Fjallhnúkurinn nefnist ''Bunki'' og er gjallgígur líkt og á Elliðaey, hæsti punktur þar er 161 m yfir sjávarmáli. Bjarnarey myndaðist í eldgosi um svipað leyti og Elliðaey eða fyrir 5-6 þúsund árum. [[Bjarnareyjarfélagið|Veiðikofi Bjarnareyinga]] er sunnan við Bunka og er sá eini á eyjunni. Graslendi þekur alla eyjuna og [[lundi]] hefur grafið sér holur mjög víða. Mikill og fjölbreyttur gróður er í eyjunni. Talsverðum fjölda [[sauðfé|sauðfjár]] er beitt í Bjarnarey og lundi er veiddur yfir sumartímann, ásamt eggjatöku að vorlagi.

== Jón dynkur ==

Margir menn hafa fengið viðurnefni í Vestmannaeyjum í gegnum tíðina. Ein sagan segir frá því að einhverju sinni var Jón nokkur, mikill fjallamaður, uppi í Bjarnarey að síga niður eggjum í bát sem var við eyna. Mennirnir á bátnum kipptu ógætilega í bandið þannig að Jón féll niður úr eynni og í sjóinn u.þ.b. 14 faðma. Öllum brá auðvitað mikið við en um leið og Jón skaust upp úr kafinu sagði hann: „Heyrðuð þið ekki mikinn dynk, piltar?" Eftir þetta var hann alltaf kallaður Jón dynkur.

==Úr örnefnaskrá [[Gísli Lárusson|Gísla Lárussonar]]==

Fyrir botni Hafnarinnar er urð með einum drang, '''Hafnardrang''' ; en upp af er allstór hamar, '''Glóraveiðar'''. En þar norður af '''Réttarhaus''', dregið af fjárrétt þar skammt frá. Syðri brekkan við Höfnina er nefnd '''Suður-Hafnarbrekka'''  og efst í henni '''Ingimundarflái'''. Góður veiðistaður; nýtt nafn (1880). Þar fyrir sunnan er hátt standberg, sem myndar hvilft. Er nyrst á þessu svæði nefnt '''Skora'''. Landsuðursnefið er nefnt '''Eystra-Haganef''', og er vestan í því hellir við sjó niður, '''Brynjólfshellir'''. En efst í nefinu er stór bekkur, '''Álkustallur'''. En upp af nefinu er '''Hagaskoruhaus'''  og enn ofar '''Hagaskorulágar'''. Suðvesturnefið er nefnt '''Vestra-Haganef''', en milli Haganefja eru '''Bringir'''  nefndir, grasivaxnir stallar. Fyrir norðan Vestra-Haganef er '''Fálkató''', dálítil hvilft í bergið með grasteygingum. Þar niður af í berginu eru '''Bergsteinsofanferðir'''  og þar niður af '''Stórabæli''', stærsti bekkur er svartfugl hefir verpt á hér.  

{{Heimildir|

}}