Júlíus Guðmundur Guðmundsson (Borg)
Júlíus Guðmundur Guðmundsson verkamaður, sjómaður frá Borg við Stakkagerðistún fæddist 16. ágúst 1869 í Kastala og lést. 26. janúar 1951.
Foreldrar hans voru Guðmundur Ögmundsson járnsmiður, þá í Kastala, síðar á Borg, f. 16. apríl 1833, d. 27. maí 1914, og Margrét Halldórsdóttir, þá ekkja í Kastala, síðar húsfreyja í Borg, f. 16. janúar 1832, d. 15. febrúar 1919.
Hálfbróðir Júlíusar, samfeðra, var Ástgeir Guðmundsson bátasmiður í Litlabæ.
Júlíus var nýfæddur með föður sínum í Presthúsum 1870.
Hann var með foreldrum sínum í Stakkagerði, 2. býli, þ.e. Borg við Stakkagerðistún 1873 og enn 1890.
Hann fluttist frá Borg til Seyðisfjarðar 1892 og þangað fluttist Sigríður frá Litlabæ. Þau voru á Strandbergi þar 1901 með börnum sínum og Margréti móður Júlíusar, bjuggu í Gamla-Hansenshúsi á Seyðisfirði 1910, voru tvö í Sigfúsarhúsi þar 1920.
Þau fluttust til Reykjavíkur 1925.
Júlíus bjó í Tjarnargötu 40 í Reykjavík við andlát 1951.
Kona hans, (27. maí 1894), var Sigríður Magnúsdóttir húsfreyja, f. 24. júlí 1863, d. 4. mars 1957.
Börn þeirra hér:
1. Guðjón Júlíussson, tvíburi, f. 23. júlí 1893, d. 24. ágúst 1893.
2. Ásdís Júlíusdóttir, tvíburi, f. 23. júlí 1893, d. 27. ágúst 1893.
3. Dagný Júlíusdóttir húsfreyja, verslunarmaður í Reykjavík, f. 5. ágúst 1894, d. 1. desember 1974.
4. Jakob Júlíusson, f. 26. apríl 1896, á lífi 1901.
5. Guðmundur Júlíusson, f. 9. september 1899, d. 9. september 1926.
6. Elísabet Margrét Júlíusdóttir húsfreyja í Reykjavík, síðast í Kópavogi, f. 26. júní 1901, d. 5. júní 1974.
7. Andvana drengur, f. 24. júlí 1903.
8. Magnús Júlíusson, f. 17. desember 1904, d. 2. febrúar 1915.
Heimildir
- Samantekt: Víglundur Þór Þorsteinsson.
- Garður.is.
- Íslendingabók.is.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.