Helga Sigurðardóttir (hjúkrunarfræðingur)
Helga Guðrún Sigurðardóttir frá Ísafirði, ljósmóðir, hjúkrunarfræðingur fæddist þar 12. júní 1934 og lést 2. ágúst 2014.
Foreldrar hennar voru Sigurður Pétursson frá Kleif á Skaga, vélstjóri, f. 22. ágúst 1893, d. 23. maí 1957, og kona hans Gróa Bjarney Salómonsdóttir frá Hóli í Önundarfirði, húsfreyja, f. 19. apríl 1897, d. 13. nóvember 1982.
Helga lauk barna- og gagnfræðaskóla á Ísafirði. Hún lauk ljósmæðraprófi í Ljósmæðraskóla Íslands 1955 og varð hjúkrunarfræðingur í Hjúkrunarskóla Íslands 1962.
Hún var ljósmóðir á Sólvangi í Hafnarfirði 1955-1956, á Ólafsfirði 1956-1959, vann síðan hjúkrunarstörf, við Sjúkrahúsið í Eyjum 15. desember 1962 til 15. desember 1963, í Köbenhavns Amts Sygehus, Gentofte 15. janúar 1964 til 1. desember s. á., Sönderbro Sygehus, Amager, Khöfn 1. desember 1964 til 1. júní 1965, í Sjúkrahúsinu í Eyjum 15. júlí 1965 til 15. desember s. á., Sjúkrahúsinu á Ísafirði 15. janúar 1966 til 1. ágúst 1967, á Sjúkrahúsi Selfoss frá 15. október 1967, síðast vann hún í 15 á Hrafnistu í Reykjavík.
Hún var útibússtjóri Ísafjarðarapóteks í Bolungarvík í 8 ár.
Þau Magnús giftu sig 1969, eignuðust 4 börn.
Helga lést á Droplaugarstöðum 2014 og Magnús 2018.
I. Maður Helgu, (6. október 1969) var Magnús Jónasson útgerðarmaður frá Bolungarvík, f. 28. september 1929, d. 8. nóvember 2018. Foreldrar hans voru Guðbjartur Jónas Finnbogason bóndi í Bolungarvík á Ströndum og síðar á Hreggnasa í Bolungarvík, f. 29. apríl 1887, d. 25. mars 1968, og kona hans Hansína Anna Bæringsdóttir húsfreyja, f. 31. ágúst 1899, d. 29. júlí 1984.
Börn þeirra:
1. Sigurður Bjarni Magnússon, f. 21. febrúar 1969. Sambúðarkona hans Geetha Sollie.
2. Guðbjartur Jónas Magnússon, f. 20. júlí 1970.
3. Gróa Guðrún Magnúsdóttir sjúkraliði, f. 8. apríl 1972.
4. Magnína Magnúsdóttir, f. 15. desember 1978.
Heimildir
- Samantekt: Víglundur Þór Þorsteinsson.
- Hjúkrunarfræðingatal I-III. Hjúkrunarfélag Íslands 1969-1992.
- Íslendingabók.
- Morgunblaðið 14. ágúst 2014. Minning.
Þessi grein tilheyrir Æviskrám Eyjafólks eftir Víglund Þór Þorsteinsson.