Guðrún Magnúsdóttir (Hofi)
Guðrún Magnúsdóttir Tuliníus húsfreyja frá Hofi fæddist 16. september 1902 í Godthaab og lést 26. mars 1998.
Foreldrar hennar voru Magnús Jónsson sýslumaður, f. 27. desember 1865, d. 27. desember 1947, og önnur kona hans Jóhanna Andrea Oddgeirsdóttir frá Ofanleiti, f. 26. maí 1877, d. 17. nóvember 1906.
Móðir Guðrúnar lést 1906. Hún ólst upp hjá föður sínum og Guðrún Sigríði Oddgeirsdóttur móðursystur sinni og bústýru sýslumanns, síðan þriðju eiginkonu hans. Hún fluttist með þeim til Hafnarfjarðar þar sem faðir hennar varð bæjarfógeti.
Maður Guðrúnar, (12. apríl 1929), var Carl Daniel Axelsson Tuliníus forstjóri í Reykjavík, f. 13. júlí 1902 á Eskifirði, d. 8. september 1945 í Reykjavík. Foreldrar hans voru Axel Valdimar Tuliníus sýslumaður, síðar forstjóri í Reykjavík og kona hans Guðrún Hallgrímsdóttir húsfreyja.
Börn þeirra:
1. Magnús Jóhann Tuliníus skrifstofumaður í Reykjavík, f. 18. ágúst 1932.
2. Agla Tuliníus húsfreyja, læknaritari í Hafnarfirði, f. 27. janúar 1937 í Reykjavík, d. 22. desember 2014.
3. Ása Tuliníus bankamaður, f. 28. apríl 1941 í Reykjavík, d. 30. mars 2014.
Heimildir
- Samantekt: Víglundur Þór Þorsteinsson.
- Íslendingabók.is.
- Íslenzkar æviskrár. Páll Eggert Ólason og fleiri. Hið íslenzka bókmenntafélag 1948-1956.
- Knudsensætt 1-2. Ritstjóri Þorsteinn Jónsson. Sögusteinn 1986.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.