Guðmunda Margrét Guðmundsdóttir (Goðalandi)
Guðmunda Margrét Guðmundsdóttir frá Goðalandi á Flötum 16, húsfreyja fæddist 19. mars 1908 í Reykjavík og lést 4. september 1996 á Sjúkrahúsi Reykjavíkur (Borgarspítalanum).
Foreldrar hennar voru Guðmundur Magnússon frá Hrauk í V.-Landeyjum, húsasmíðameistari, f. 5. september 1877, d. 21. september 1959, og kona hans Helga Jónsdóttir húsfreyja, f. 19. janúar 1874 í Akurey í V-Landeyjum, d. 19. október 1947.
Börn Helgu og Guðmundar:
1. Magnús Karl Guðmundsson f. 4. maí 1903, d. 10. maí 1993.
2. Jón Guðmundsson f. 15. júlí 1905, d. 04. mars 1972.
3. Guðmunda Margrét Guðmundsdóttir f. 19. mars 1908, d. 4. september 1996.
4. Dagmar Aðalbjörg Guðmundsdóttir, f. 23. júní 1914, d. 30. janúar 1999.
Guðmunda var með foreldrum sínum í æsku, flutti með þeim til Eyja á fyrsta ári sínu 1908, var með þeim í Garðhúsum, Dvergasteini, á Skjaldbreið og á Goðalandi.
Guðmunda sótti hússtjórnarnámskeið á Laugarvatni.
Þau Þórarinn giftu sig 1932, eignuðust tvö börn. Þau bjuggu á Laugarvatni í 40 ár, fluttu þá til Reykjavíkur, bjuggu síðustu 9 ár sín við Dalbraut 20 í Kópavogi.
Margrét lést 1996 og Þórarinn 2002.
I. Maður Guðmundu Margrétar, (23. september 1932), var Guðmundur Þórarinn Stefánsson frá Mýrum í Skriðdal á Héraði, S.-Múl., smiður, handavinnukennari, símstjóri á Laugarvatni, f. 17. maí 1904, d. 11. september 2002. Foreldrar hans voru Stefán Þórarinsson frá Heydalasókn, S.-Múl., óðalsbóndi, hreppstjóri, f. 8. september 1871, d. 17. janúar 1951, og kona hans Jónína Salný Einarsdóttir frá Hjaltastaðaþinghá í N.-Múl., húsfreyja, f. 2. júní 1876, d. 14. september 1917.
Börn þeirra:
1. Erna Helga Þórarinsdóttir húsfreyja, f. 8. júlí 1933. Maður hennar Daníel Emilsson, látinn.
2. Stefán Guðmundur Þórarinsson starfsmannastjóri, f. 9. desember 1934. Kona hans Lára Kristín Samúelsdóttir, látin.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Morgunblaðið 12. september 1996. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.