Guðfinna Friðfinnsdóttir (Hnausum)
Guðfinna Friðfinnsdóttir frá Stóru-Heiði í Mýrdal, vinnukona fæddist þar 1. júlí 1869 og lést 24. september 1952 í Hafnarfirði.
Foreldrar hennar voru Friðfinnur Jónsson vinnumaður, bóndi á Rauðhálsi í Mýrdal, f. 30. ágúst 1834, d. 12. mars 1912, og kona hans Guðrún Ólafsdóttir húsfreyja, f. 21. ágúst 1827, d. 1891.
Guðfinna var með foreldrum sínum til 1870, með þeim á Rauðhálsi 1870-1883, fór þá suður. Hún var vinnukona í Gerðakoti í Hvalsnessókn 1890, kom þaðan í Fljótshlíð 1893, var vinnukona á Teigi þar 1901.
Hún fór til Eyja frá Þverá í Fljótshlíð var vinnukona á Hnausum við Landagötu 5b 1910, fluttist í Miðneshrepp 1919, var vinnukona þar í Tjarnarkoti 1920, lausakona í Móhúsum þar 1930, verkakona á Aðalbóli í Sandgerði 1940 og 1950 og til æviloka.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.