Gíslína M. Magnúsdóttir (Baldurshaga)
Gíslína Margrét Magnúsdóttir frá Gularáshjáleigu í A.-Landeyjum, húsfreyja í Baldurshaga fæddist 5. júlí 1907 og lést 21. maí 1990.
Foreldrar hennar voru Magnús Andrésson bóndi, f. 4. júlí 1884 í Hemlu í V.-Landeyjum, d. 19. ágúst 1978 í Reykjavík, og kona hans Dýrfinna Gísladóttir frá Seljavöllum u. Eyjafjöllum, húsfreyja, f. 20. maí 1884, d. 20. mars 1958.
Gíslína var með foreldrum sínum, flutti með þeim að Brók í V.-Landeyjum 1908, var með þeim þar 1920.
Þau Andrés fluttu til Eyja 1930, giftu sig 1932, eignuðust Sesselju 1931. Þau bjuggu í fyrstu í Viðey við Vestmannabraut 30, þá í Heiðarhvammi við Helgafellsbraut 5, síðar í Baldurshaga við Vesturveg 5a.
Andrés lést 1966 og Gíslína Margrét 1990.
I. Maður Gíslínu Margrétar, (1930), var Andrés Einarsson frá Þórisholti í Mýrdal, V.-Skaft., vélstjóri, skipstjóri, f. þar 22. janúar 1892, d. 27. nóvember 1966.
Barn þeirra:
1. Sesselja Andrésdóttir, f. 3. september 1931, d. 19. desember 1992.
Heimildir
- Samantekt: Víglundur Þór Þorsteinsson.
- Íslendingabók.
- Manntöl.
- Prestþjónustubækur.
- Vestur-Skaftfellingar 1703-1966. Björn Magnússon. Leiftur 1970-1973.
Þessi grein tilheyrir Æviskrám Eyjafólks eftir Víglund Þór Þorsteinsson.