Eva Liljan Þórarinsdóttir (Varmadal)
Eva Lilja Þórarinsdóttir í Varmadal, húsfreyja fæddist 18. febrúar 1912 á Sunnuhvoli á Blönduósi og lést 19. júlí 2007 í Hraunbúðum.
Foreldrar hennar voru Þórarinn Bjarnason frá Syðri-Þverá í Hún., járnsmiður í Reykjavík, f. 20. ágúst 1877, d. 18. október 1966, og kona hans Una Jónsdóttir frá Bala í Gnúpverjahreppi, húsfreyja, f. 25. maí 1877, d. 24. apríl 1962.
Eva ólst upp í Katadal á Vatnsnesi í V-Hún. og á Blönduósi, en eftir tvítugt var hún í vinnumennsku á Akureyri og á Hæli í Gnúpverjahreppi.
Hún var að beitningastörfum í Hrísey um miðjan fjórða áratuginn, er þau Elías kynntust.
Þau Elías giftu sig 1942, eignuðust sjö börn. Þau hófu búskap í Langa-Hvammi 1935, en bjuggu lengst í Varmadal.
Elías lést 1988. Eva Lilja bjó síðustu 12 ár sín í Hraunbúðum. Hún lést 2007.
I. Maður Evu Lilju, (26. september 1942), var Elías Sveinsson frá Gamla-Hrauni á Eyrarbakka, skipstjóri, f. 8. september 1910, d. 13. júlí 1988.
Börn þeirra:
1. Sigurður Sveinn Elíasson, f. 2. september 1936 í Langa-Hvammi. Kona hans Sigrún Þorsteinsdóttir.
2. Una Þórdís Elíasdóttir, f. 13. febrúar 1938 í Varmadal. Maður hennar Önundur Kristjánsson.
3. Atli Elíasson, f. 15. desember 1939 í Varmadal, d. 6. maí 2006. Kona hans Kristín Frímannsdóttir.
4. Hörður Elíasson, f. 30. ágúst 1941 í Varmadal. Kona hans Elínbjörg Þorbjarnardóttir.
5. Sara Elíasdóttir, f. 19. júní 1943 í Varmadal. Maður hennar Björn Baldvinsson.
6. Sævaldur Elíasson, f. 25. maí 1948 í Varmadal. Kona hans Svanbjörg Oddsdóttir.
7. Hjalti Elíasson, f. 25. júlí 1953 í Varmadal. Kona hans Júlía P. Andersen.
Heimildir
- Samantekt: Víglundur Þór Þorsteinsson.
- Íslendingabók.is.
- Manntöl.
- Morgunblaðið 28. júlí 2007. Minning.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.