Elín Guðmundardóttir (hjúkrunarfræðingur)
Elín Guðmundardóttir hjúkrunarfræðingur, deildarstjóri fæddist 22. október 1959 í Reykjavík.
Foreldrar hennar voru Guðmundur Steindórsson frá Ási í Hrunamannahreppi, Árn., vörubifreiðastjóri, f. 6. ágúst 1911, d. 14. apríl 1992, og Þuríður Kristín Hjálmtýsdóttir, f. 5. október 1920 í Villingadal í Haukadal í Dalasýslu, d. 22. ágúst 2001.
Elín lauk námi á heilsugæslubraut í Fjölbrautarskólanum í Breiðholti 1978, lauk hjúkrunarnámi í H.S.Í. í janúar 1982.
Hún var hjúkrunarfræðingur á Barnaspítala Hringsins 16. janúar til 31. janúar 1982, átti þátttöku í hjúkrunarrannsókn á Lsp 1. febrúar til 28. febrúar 1982, vann á Sjúkrahúsinu í Eyjum 7. mars til 1. júlí 1982, deildarstjóri 1. júlí til 31. ágúst 1982, hjúkrunarfræðingur þar 1. september 1982 til 9. nóvember 1983, vann á Heilshæli N.L.F.Í. í Hveragerði 15. nóvember 1983 til 26. maí 1985, Borgarspítalanum 1. maí 1985 til 10. september 1986, Heilsuhælinu aftur 28. ágúst 1986 til 1. október 1987, Sjúkrahúsinu á Patreksfirði 1. október til 31. desember 1987 og 1. janúar -30. apríl 1988. (svo 1989).
Þau Jón giftu sig, eignuðust eitt barn, en skildu.
I. Maður Elínar er Jón Ísleifsson, f. 25. júlí 1952. Foreldrar hans Ísleifur Sumarliðason skógarvörður á Vöglum í Fnjóskadal, f. 12. nóvember 1926, d. 29. júní 2015, og kona hans Sigurlaug Jónsdóttir húsfreyja, f. 15. júlí 1931, d. 27. mars 2021.
Barn þeirra:
1. Sigurlaug Sara Jónsdóttir, f. 10. maí 1989.
Heimildir
- Samantekt: Víglundur Þór Þorsteinsson.
- Hjúkrunarfræðingatal I-III. Hjúkrunarfélag Íslands 1969-1992.
- Íslendingabók.
- Morgunblaðið 2001. Minning Þuríðar Hjálmtýsdóttur.
Þessi grein tilheyrir Æviskrám Eyjafólks eftir Víglund Þór Þorsteinsson.