Bjarni Bjarnason (Hruna)
Bjarni Gíslason Bjarnason í Hruna, sjómaður fæddist 14. desember 1922 á Siglufirði að föður sínum látnum og lést 30. nóvember 2005.
Foreldrar hans voru Bjarni Gíslason tómthúsmaður, sjómaður úr Fljótum í Skagafj.s., f. þar 17. september 1891, drukknaði af Samson í hákarlalegu 12. maí 1922, og Margrét Guðfinna Bjarnadóttir ógift ráðskona, f. 28. október 1882, d. 30. janúar 1968.
Bjarni ólst upp á Siglufirði, sótti vertíðir í Eyjum og fluttist þangað 1960.
Hann hafði róið á Ingvari Guðjónssyni, Hafliða o.fl. skipum og í Eyjum reri hann m.a. á Öðlingi VE, Elliðaey VE og Baldri VE.
Þau Sigríður giftu sig 15. nóvember 1952.
Þau bjuggu í Hruna við Miðstræti 9b og með þeim var Halldór kjörsonur Sigríðar og fóstursonur Bjarna.
Sigríður lést 1978.
Bjarni bjó síðast á Áshamri 26. Hann lést 2005.
I. Kona Bjarna (15. nóvember 1952), var Sigríður Kjartanía Bjarnadóttir húsfreyja, f. 6. maí 1905 að Ysta-Hóli í Sléttuhlíð, d. 11. febrúar 1978. Þau bjuggu við Túngötu 28 á Siglufirði, síðar í Hruna í Eyjum. Foreldrar hennar voru Bjarni Guðmundsson frá Miðmói í Fljótum, verkamaður á Siglufirði, f. 9. febrúar 1877, d. 23. júní 1931, og kona hans Sigurveig Margrét Gottskálksdóttir húsfreyja, f. 31. ágúst 1881, d. 8. mars 1938.
Fóstursonur Bjarna og kjörsonur Sigríðar:
1. Halldór Rögnvaldur Ragnarsson sjómaður, f. 2. október 1938, d. 14. febrúar 2007. Blóðforeldrar hans voru Guðrún Ríkey Guðmundsdóttir, f. 6. maí 1916, d. 14. janúar 1979 og Reimar Kristjánsson. Halldór var ættleiddur sonur Sigríðar og fyrri manns hennar Ragnars Hallgrímssonar.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 10. desember 2005. Minning.
- Prestþjónustubækur.
- Sjómannadagsblað Vestmannaeyja.
Þessi grein tilheyrir Æviskrám Eyjafólks eftir Víglund Þór Þorsteinsson.