Birna Björnsdóttir (Ingólfshvoli)
Birna Björnsdóttir frá Neskaupstað, húsfreyja fæddist þar 30. janúar 1913 og lést 28. febrúar 2007.
Foreldrar hennar voru Björn Emil Bjarnason bakari, sjómaður, verkamaður í Neskaupstað, f. 7. janúar 1885 í Veturhúsum í Reyðarfirði, d. 23. janúar 1963 í Neskaupstað, og kona hans Guðbjörg Bjarnadóttir húsfreyja, f. 21. mars 1888 á Dúki í Sæmundarhlíð, Skagaf., d. 28. júní 1951.
Birna var með foreldrum sínum, á Brennistöðum í Norðfirði 1920.
Þau Tómas hófu búskap, giftu sig 1940, eignuðust eitt barn og eitt kjörbarn. Þau bjuggu á Ingólfshvoli við Landagötu 3a við fæðingu Hilmars Gísla 1932, á Akranesi, Reykjavík og Seltjarnarnesi.
Tómas lést 1998 og Birna 2007.
I. Maður Birnu, (28. júní 1940), var Tómas Jóhannesson frá Neskaupstað, sjómaður, skipstjóri, síðan vigtarmaður í Reykjavík, f. 24. nóvember 1911 á Nesi í Norðfirði, d. 10. febrúar 1998.
Börn þeirra:
1. Hilmar Gísli Tómasson sjómaður, skipstjóri, f. 16. júní 1932 á Ingólfshvoli, d. 28. júní 1962.
2. Kjörbarn: Inga Elísabet Tómasdóttir, f. 25. maí 1949. Sambúðarmaður Eiríkur Arnþórsson.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 18. febrúar 1998. Minning Tómasar.
- Prestþjónustubækur.
- Skipstjóra- og stýrimannatal. Guðmundur Jakobsson. Ægisútgáfan 1979.
Þessi grein tilheyrir Æviskrám Eyjafólks eftir Víglund Þór Þorsteinsson.