Annáll ÍBV íþróttafélags í 20 ár/2006 -
2006 -
JANÚAR:
Gaf ÍBV 4 milljónir
Magnús Kristinsson var valin Eyjamaður ársins 2005 á árlegu hófi Eyjasýnar þar sem Fréttapýramídin er veittur. Magnús Kristinsson kvaddi sér hljóðs að lokinni afhendingu viðurkenninga og þakkaði þann heiður sem sér hefði verið sýndur. „Einhvers staðar segir að sælla sé að gefa en þiggja," sagði Magnús. „Og nú er komið að Magga Kristins að sýna það í verki." Síðan tilkynnti hann að hann og eiginkonan, Lóa Skarphéðinsdóttir, hefðu ákveðið að styrkja nokkra aðila fjárhagslega. Knattspyrnudeild IBV um tvær milljónir króna, Handknattleiksdeild IBV um eina milljón, ÍBV-héraðssamband um eina milljón og Framhaldsskólann í Vestmannaeyjum um hálfa milljón til forvarnastarfs í skólanum. Fulltrúar þessara stofnana veittu styrkjunum móttöku
Barnasprengja í kvennaliði ÍBV
Tveir leikmenn í kvennaliði ÍBV hafa nú helst úr lestinni og munu ekki leika meira með liðinu í vetur. Þetta eru þær Nikolett Varga, ungverski leikmaðurinn sem kom til liðsins í október og Eva Björk Hlöðversdóttir. Báðar eru þær með barni og hafa því lagt handboltaskóna á hilluna eins og er. Nikolett hafði leikið aðeins fjóra leiki með liðinu en henni var ætlað að fylla stöðu hægri skyttu og hafði hún skorað sjö mörk í vetur. Eva Björk hefur lengi átt í meiðslum að stríða en hefur leikið alla sjö leiki liðsins í deildinni og skorað í þeim tólf mörk. Leikmannahópur ÍBV er ekki breiður og ekki unnt að bæta við leikmönnum þar sem engin félagsskiptagluggi er á íslandi eins og í flestum öðrum Evrópulöndum.
Gunnar Heiðar sjötti
Tveir Eyjamenn voru meðal tíu efstu í kjörinu á íþróttamanni ársins en valið var tilkynnt á glæsilegu hófí Samtaka íþróttafréttamanna. Eiður Smári Guðjohnsen var kosinn íþróttamaður ársins annað árið í röð en Gunnar Heiðar Þorvaldsson varð sjötti í kjörinu og Hermann Hreiðarsson varð tíundi. Aðeins eitt stig skildi Eyjapeyjana að, Gunnar fékk 71 stig en Hermann 70. Margrét Lára Viðarsdóttir var tilnefnd og varð í 22. til 24. sæti með fjögur stig.
Nína Björk á landsliðsæfingu
Hin stórefnilega Nína Björk Gísladóttir hefur verið valin til úrtaksæfinga með U-17 ára landsliði Íslands í knattspyrnu. Nína Bjórk er markvörður og þykir ein af efnilegri markvörðum landsins í dag. 21 leikmaður var valinn til æfinganna en liðið tekur þátt í Norðurlandamóti í Finnlandi í júlí.
Sex marka sigur á Gróttu
Kvennalið ÍBV fóru vel af stað í DHL-deild kvenna eftir rúmlega mánaðar hlé á deildinni. Stelpurnar gerðu það sem þurfti gegn Gróttu og unnu með sex mörkum, 25:31. Með sigrinum skaust ÍBV í efsta sæti deildarinnar.
Andri til Alasunds í reynslu
Knattspyrnumaðurinn efnilegi, Andri Olafsson, dvelur í Noregi þessa dagana þar sem hann er til reynslu hjá norska félaginu Álasund er þetta kemur fram á heimasíðu IBV en málið hafi komið snögglega upp en ákveðið hafi verið að leyfa honum að fara. Andri spilaði fimmtán leiki með ÍBV í Landsbankadeildinni í fyrra og skoraði í þeim þrjú mörk.
ÍBV fundar um nauðsyn knattspyrnuhúss:
Á upphafsdögum nýs árs var haldinn fundur í Höllinni sem ÍBV - íþróttafélag boðaði til með það að markmiði að skýra sjónarmið félagsins varðandi byggingu knattspyrnuhúss. Mikil umræða hefur verið undanfarið um þau mál og eru skiptar skoðanir í bæjarfélaginu. Gísli Hjartarson, stjórnarmaður í knattspyrnudeild IBV, sagðist mjög ánægður með mætinguna, sérstaklega þar sem fyrirvarinn var stuttur. Tæplega 150 manns mættu í Höllina til að hlýða á sjónarmið ÍBV „Þarna kynntum við okkar sjónarmið. Hvernig þetta lítur út gagnvart ÍBV og hvernig við höfum skoðað þessi mál. Það er ekki verið að heimta eitt eða neitt, aðeins kynna málið fyrir bæjarbúum." Gísli sagði að forráðamenn ÍBV hafi verið mjög ánægðir með að sjá fjóra af sjö bæjarfulltrúum bæjarins mæta á fundinn. „Þarna komu Stefán Jónasson, Elliði Vignisson, Andrés Sigmundsson og Guðrún Erlingsdóttir ásamt bæjarstjóranum og það var mjög ánægjulegt að þau skyldu sjá sér fært að mæta." Að sögn Gísla fór fundurinn þannig fram að eftir framsögu var orðið gefið frjálst og tóku nokkrir til máls. Góð umræða var á fundinum og aðspurður sagðist Gísli vera bjartsýnn á framhaldið eftir fundinn. „Já, ég er bjartsýnn persónulega enda engin ástæða til annars en að vera það. Nú á þetta ágæta fólk í bæjarstjórn eftir að taka ákvörðun. Bergur Elías á að skila sinni skýrslu fyrir 26. janúar og við bíðum einfaldlega eftir því."
ÍBV í vandræðum með Fram
Það var lítill meistarabragur á efsta liði DHL-deildarinnar þegar Eyjastúlkur tóku á móti einu af neðri liðum deildarinnar, Fram. Gestirnir þurftu ekki að sýna neinn stórleik til að standa í ÍBV enda áttu Eyjastúlkur afleitan dag. Eina jákvæða við leik liðsins er að á endanum höfðu stelpurnar sigur en lengst af voru það gestirnir sem voru yfir. Það má hins vegar ekki líta framhjá því að ÍBV hefur misst tvo sterka leikmenn úr heldur þunnskipuðum leikmannahópi sínum enda kom það í ljós í leiknum að þjálfarinn, Alfreð Finnsson, hafði ekki úr miklu að moða. Leikmenn eins og Pavla Plaminkova verða að leggja meira til liðsins en hún skoraði aðeins eitt mark þó verið væri að stilla upp fyrir hana í hvívetna. Þá var sóknarleikurinn allur afar slakur og snerist aðeins um að Simona Vintila reyndi að skora. Reyndar átti Ragna Karen Sigurðardóttir fínan leik. En þó að sóknarleikur ÍBV hafi verið slakur þá var varnarleikurinn enn verri og ljóst að Alfreð Finnsson, þjálfari liðsins, á mikið verk fyrir höndum. Mörk ÍBV: Simona Vintila 10, Ragna Karen Sigurðardóttir 6, Ingibjörg Jónsdóttir 3, Renata Horvat 2, Sæunn Magnúsdóttir 2/2, Pavla Plaminkova 1. Varin skot: Florentina Grecu 22/2.
Tapleikir gegn Fram
Unglingaflokkur kvenna lék tvívegis gegn Fram en báðir leikirnir fóru fram í Eyjum. Fyrri leik liðanna lauk með stórsigri Fram 22:36 eftir að staðan í hálfleik hafði verið 14:19. Mörk ÍBV: Sæunn Magnúsdóttir 9, Ester Óskarsdóttir 3, Nína Björk Gísladóttir 3, Andrea Káradóttir 3, Hekla Hannesdóttir 2 og Elísa Viðarsdóttir 2. Seinni leiknum lyktaði svo með þriggja marka sigri Fram. Annar flokkur karla lék einnig tvívegis gegn Fram. Fyrri leiknum lauk með 24:31 sigri Fram eftir að staðan í hálfleik hafði verið 9:17. Mörk ÍBV: Björgvin Páll Gústafsson 6, Grétar Þór Eyþórsson 5, Pálmi Harðarson 4, Daði Magnússon 3, Óttar Steingrímsson 3, Sævald Páll Hallgrímsson 2 og Eyþór Grétarsson 1. Síðari leikurinn var svo nánast endurtekning á þeim fyrri, hann endaði 24:31 fyrir Fram eftir að staðan í hálfleik hafði verið 9:17. Mörk ÍBV: Grétar Þór Eyþórsson 7, Óttar Steingrímsson 7, Daði Magnússon 5, Eyþór Grétarsson 2, Pálmi Harðarson 2 og Jens Kristinn Elíasson 1.
ÍBV í undanúrslit í bikarnum
ÍBV komst í undanúrslit bikarkeppninnar með því að leggja HK að velli 19:29 á heimavelli HK í Kópavogi. Eyjastúlkur voru í talsverðum vandræðum með HK þegar liðin mættust í Vestmannaeyjum fyrir rúmri viku en komu reynslunni ríkari til leiks og tryggðu sér sæti í undanúrslitum. Eftir jafnar upphafsmínútur tóku Eyjastúlkur öll völd á vellinum og breyttu m.a. stöðunni úr 5:5 í 15:6. Þar með má segja að stelpurnar hafi gert út um leikinn en staðan í hálfleikvar 15:8. Alfreð Finnsson, þjálfari IBV, var ánægður með að vera kominn í undanúrslit keppninnar. „Þetta var glæsilegur leikur og ég var að vona að hann yrði okkur ekki dýrkeyptur en fékk þá ósk mína ekki uppfyllta því markvörðurinn okkar, Florentina Grecu, meiddist í upphitun. Hún spilaði þó og stóð sig vel en var greinilega sárkvalin," sagði Alfreð í samtali við Fréttir. Mörk ÍBV: Pavla Plaminkova 9, Ragna Karen Sigurðardóttir 7, Ingibjörg Jónsdóttir 5, Hanna Carla Jóhannsdóttir 2, Renata Kári Horvath 2, Simona Vintila 2, Ester Óskarsdóttir 1 og Hekla Hannesdóttir 1. Varin skot: Florentina Grecu 23/2.
Gunnar Heiðar bestur í sýslunni
Eyjamaðurinn Gunnar Heiðar Þorvaldsson, leikmaður sænska úrvalsdeildarliðsins Halmstad, var um miðjan janúar útnefndur besti knattspyrnumaðurinn í Hallandsýslu í Svíþjóð á árinu 2005. Hann er fyrsti erlendi knattspyrnumaðurinn sem hlýtur þessa nafnbót í 59 ára sögu hennar en það er dagblaðið Hallandsposten sem stendur fyrir kjörinu ár hvert. Umsögn dómnefndar blaðsins hljóðar þannig: „Gunnar fær þessa viðurkenningu þar sem hann, sem markakóngur, átti stóran þátt í því að Halmstad tókst þrátt fyrir miklar hremmingar að halda sæti sínu í úrvalsdeildinni."
Bo skrifar undir
Undir lok janúar var það endanlega staðfest að Bo Henriksen muni spila með ÍBV næstkomandi sumar en áður hafði aðeins náðst munnlegt samkomulag við leikmanninn. Henriksen skrifaði hins vegar undir samninginn og notaði tækifærið og æfði með leikmannahópnum á höfuðborgarsvæðinu. Hann mun hins vegar halda aftur út og mun væntanlega æfa með liðum á Bretlandseyjum. Hann mun svo hitta hópinn aftur í æfingaferð ÍBV sem fyrirhuguð er í mars.
Ester íþróttamaður æskunnar og Birgir heiðraður
Ester Óskarsdóttir var valin íþróttamaður æskunnar 2005. Ester hefur verið efnilegasta handknattleikskona Eyjanna um nokkurt skeið en hún var m.a. fyrirliði íslenska ungmennalandsliðsins í Evrópukeppni landsliða sem fór fram hér á landi. Þá skipar Ester stórt hlutverk hjá meistaraflokki ÍBV en Ester er aðeins 17 ára gömul.
Þar var einnig veitt heiðursviðurkenning fyrir störf innan íþróttahreyfingarinnar en hana hlaut Birgir Guðjónsson. Í umsögn um Birgi segir að hann hafi í áratugi unnið af hendi mikið og fórnfúst starf fyrir íþróttahreyfinguna í áratugi. Hann var formaður Týs um skeið og starfaði mikið með því félagi og þegar félögin sameinuðust í ÍBV-íþróttafélagi tók Birgir við varaformennsku hins nýja félags sem hann sinnti í fjögur ár. Þá hefur hann verið formaður þjóðhátíðarnefndar í áraraðir og ein aðaldriffjöðrin í þrettándagleðinni.
Eyjakonur áttu aldrei möguleika
ÍBV átti aldrei möguleika gegn Islandsmeisturum Hauka þegar liðin mættust á Ásvöllum en Haukar gerðu í raun út um leikinn strax á upphafsmínútunum þegar þær skoruðu fyrstu fímm mörk leiksins. Eyjastúlkur virtust hreinlega ekki vera tilbúnar í leikinn í upphafi enda skoruðu þær aðeins tvö mörk fyrsta stundarfjórðunginn. Eftirleikurinn var íslandsmeisturunum auðveldur og lokatölur 36:28. Með sigrinum höfðu liðin sætaskipti, Haukar komust í efsta sæti deildarinnar en ÍBV féll niður í annað sætið. Reyndar náðu leikmenn ÍBV að setja heimastúlkur undir pressu í lok fyrri hálfleiks og áttu möguleika á að minnka muninn niður í þrjú mörk, 16:13 en í stað þess misstu þær boltann í sókninni og munurinn jókst aftur upp í fimm mörk 17:12 sem var hálfleiksstaðan. Hið vængbrotna lið ÍBV varð svo fyrir enn meiri blóðtöku í leiknum því markvörðurinn sterki, Florentina Grecu, hóf leikinn en þurfti að hætta vegna meiðsla sem hún hlaut í síðasta leik og tók Vigdís Sigurðardóttir hennar stöðu. Þá meiddist einnig skyttan Pavla Plaminkova í fyrri hálfleik og þurfti hún að yfirgefa húsið en samkvæmt því sem næst var komist fór þumall á hægri hendi úr lið og aess fékk hún skurð á höndina. Það er því ljóst að ÍBV er talsverður vandi á höndum, leikmenn hrynja úr hinum þunnskipaða leikmannahópi liðsins. Mörk ÍBV: Ragna Karen Sigurð- ardóttir 8, Simona Vintila 7, Ester Óskarsdóttir 5, Renata Kári Horvath 4, Ingibjörg Jónsdóttir 3, Sæunn Magnúsdóttir 1. Varin skot: Vigdís Sigurðardóttir 12, Florentina Grecu 1.
Tíu fengu viðurkenningu frá bænum
Björn Elíasson, formaður menningar- og tómstundaráðs afhenti viðurkenningar öllu íþróttafólki sem skilaði íslandsmeistaratitli á síðasta ári og lék með landsliðum á síðasta ári. Þau eru frá ÍBV íþróttafélagi : Fimmti flokkur kvenna í handbolta íslandsmeistarar, Andri Ólafsson, U21 í knattspyrnu, Hrafn Davíðsson, U21 í knattspyrna, Elín A. Steinarsdóttir, A landslið í knattspyrnu, Hólmfríður Magnúsdóttir, A. landslið í knattspyrnu, Olga Færseth, A Landslið í knattspyrnu, Þorgils Orri Jónsson, 19 ára landslið í handknattleik,Kári Kristjánsson, 21 árs landslið í handknattleik, Eva Björk Hlöðversdóttir, A landslið í handknattleik og Ester Óskarsdóttir, 17 ára landsliði í handknattleik.
Fjórði flokkur úr leik
Fjórði flokkur karla í handbolta lék gegn Stjörnunni í átta liða úrslitum í bikarkeppninni í Eyjum. Um var að ræða hörkuleik en þó var Stjarnan ávallt með frumkvæðið. Hins vegar söxuðu Eyjamenn jafnt og þétt á forskot þeirra undir lokin og með betri nýtingu dauðafæra hefðu Eyjapeyjar getað stolið sigrinum en svo fór ekki. Þá léku strákarnir í fjölliðamóti sem fór fram í Eyjum en auk ÍBV léku Stjarnan, Fram, Víkingur og Grótta. Eyjapeyjar töpuðu fyrir Fram, Gróttu og Stjörnunni en unnu Víkinga og héldu þar með sæti sínu í 2. deild.
Þrír á landsliðsæfingu
Þeir Birkir Hlynsson og Egill Jóhannsson halda sætum sínum í æfingahópi U-19 ára landsliðs karla. Þá mun markvörðurinn efnilegi Elías Fannar Stefnisson einnig æfa með íslensku landsliði en hann hefur verið valinn í U-17 ára æfingahópinn. Alls voru 32 knattspyrnumenn valdir í U-17 ára æfingahópinn en 29 í U- 19.
2. flokkur úr leik
2. flokkur karla í knattspyrnu lék í sínum riðli í Íslandsmótinu innanhúss. Eyjamenn léku í riðli með Grindavík, Keflavík, Fram og Gróttu. Strákarnir gerðu jafntefli gegn Grindavík og Fram, unnu Keflvíkinga 3:1 en töpuðu svo nokkuð óvænt fyrir Gróttu 2:6. ÍBV endaði í þriðja sæti riðilsins en tvö efstu liðin komust áfram í úrslitakeppnina.
Greinargerð um hugsanlega byggingu knattspyrnuhúss í Eyjum lögð fyrir bæjarstjórn
Bergur Elías Ágústsson bæjarstjóri skilaði greinargerð sinni um byggingu knattspyrnuhúss í Vestmannaeyjum á fundi bæjarráðs í lok janúar. Í kjölfarið var greinargerðin lögð fyrir bæjarstjórn og urðu þó nokkrar umræður þar. Greinargerð Bergs er löng og ítarleg. Þar er farið yfír núverandi aðstæður til íþróttaiðkunar, velt upp hugsanlegum áhrifum knattspyrnuhúss á starfsemi hreyfingarinnar, nýtingu íþróttahússins og farið yfir hugsanlegan kostnað. Nokkrum möguleikum er velt upp, til að mynda dúkklætt stálgrindarhús að stærð 66 x 45 metra. Helstu ógnanir við slíkt hús væru miklar vindhviður í Eyjum og kom fram í samtali Bergs við Trausta Jónsson veðurfræðing að sérstaklega þyrfti að reikna út vindhraðann miðað við það svæði sem húsið yrði reist. Annar valkostur er klætt stálgrindarhús, ekki ósvipað nýja íþróttahúsinu. Miðað er við sömu stærð og á dúkklædda húsinu. Það er aftur á móti mun dýrari kostur og samkvæmt útreikningum Bergs er kostnaður 265 til 295 milljónir króna. Á dúkklædda húsinu væri kostnaður 90 til 110 milljónir króna. Í niðurlagi greinargerðarinnar segir að ljóst sé að sú aðstaða sem boðið er upp á til iðkunar knattspyrnu sé góð ef fráskilin er æfmgaaðstaða yfir vetrartímann. „Það er mat bæjarstjóra að ekki sé hægt að skoða þessa framkvæmd eina og sér heldur nauðsynlegt að skoða hvaða áhrif hún hefur á nýtingu annarra íþróttamannvirkja. Samkvæmt niðurstöðum æskulýðs- og íþróttafulltrúa bæjarfélagsins, er aukin þörf fyrir hendi í íþróttasölum bæjarfélagsins þó svo að ekki liggi fyrir nákvæm úttekt á þörfinni, með öðrum orðum þá virðist vera aukin þörf fyrir hendi. Eins og fram hefur komið þá krefst bygging knattspyrnuhúss umtalsverðra fjármuna. Varðandi mat á fjármögnunarleiðum þá gefa útreikningar til kynna að hagstæðara sé að fjármagna framkvæmdina í gegnum Eignarhaldsfélagið Fasteign hf. sem er að hluta til í eigu bæjarfélagsins. Þess skal einnig getið að í útreikningunum og samanburði á nefndum valkostum er gert ráð fyrir að ÍBV - íþróttafélag sjái alfarið um rekstur mannvirkisins og greiði að auki eina milljón króna á ári í afborgun eða leigu í 30 ár." Andrés Sigmundsson var fyrstur í pontu þegar málið var rætt í bæjarstjórn. Beindi hann orðum sínum til stuðningsmanna IBV og sagði: „Hvílík vonbrigði, hvað er verið að gera, jú, draga málið á langinn. Draga ákvörðunina, sjálfsagt verður haldið áfram að draga hana alveg fram yfir næstu kosningar svo næsta bæjarstjórn geti ullað á ÍBV" Sagði hann að núverandi meirihluti væri nú ekki snöggur til verka. Sagði hann að hann hefði verið tilbúinn til að taka ákvörðun á þessum bæjarstjórnarfundi að fara í þessa byggingu. „Það á að halda hér mikið kjaftaþing. Þar ætla forseti bæjarstjórnar og formaður bæjarráðs að tala og tala og láta taka myndir af sér. Hverjir sjá um það, sem kallast íbúaþing? Jú, eitthvert fyrirtæki í Reykjavík. Með því að falla frá þessu íbúaþingi væri hægt að greiða leigu fyrir húsið fyrir árið 2006." Sagði hann þennan meirihluta ekki ætla að taka upp keflið fyrir ÍBV.
Bergur Elías Agústsson, bæjarstjóri, sagði að hann gæti orðið svolítið pirraður á þeim málflutningi í bæjarstjórn. Sagði hann það staðreynd að það tæki tvo til fjóra mánuði að reisa slíkt hús. „Við viljum gera sem mest fyrir ÍBV. Við erum einfaldlega að halda áfram með þessa vinnu, lágmarka þann kostnað sem fer í slíkt verkefni. Ef það eru vonbrigði þá veit ég ekki hvað." Sagði Andrés að menn væru að skjóta sér á bakvið orðaleppa eins og að vanda til verka. Sagði hann hér ekkert annað að ske en að bæjarfulltrúarnir væru á hröðum flótta undan ákvarðanatöku. ÍBV hefði þurft að fá klár og skýr svör. Sagði hann ennfremur að ÍBV væri með langlélegustu æfingaaðstöðuna af félögum í tveimur efstu deildum í knattspyrnu og það væri vel hægt að skera niður á öðrum stöðum innan bæjarkerfisins til að greiða fyrir ÍBV. Sagði hann að lokum að hann væri tilbúinn til að taka ákvörðun um málið, ekki veitti af að hleypa einhverri smá birtu inn í samfélagið. Lúðvík Bergvinsson sagði að menn vildu vinna hratt og örugglega til þess að þetta gæti orðið að veruleika. Stefán Jónasson sagði með ólíkindum að hlusta á minnihlutamanninn í bæjarstjórn. Fyrir nokkrum mánuðum hafi hann veifað plaggi, talað um gjörgæslu Vestmannaeyjabæjar, að bæjarsjóður væri á hausnum og nú skipta peningar baÍra engu máli. Sagði hann mikilvægt að menn færu ekki fram úr sjálfum sér.
Karlar í vinnuferð
Þó að hlé sé á Íslandsmótinu í karlahandboltanum þá liggja leikmenn ÍBV ekki í leti heldur er æft stíft þessa dagana. Liðið fór í æfingaferð og var leikið tvívegis, fyrst gegn Fram og svo gegn Þór frá Akureyri en sá leikur fór fram í Keflavfk. „Þetta var fyrst og fremst vinnuferð. Í leiknum gegn Fram var varnarleikurinn fínn og markvarslan sömuleiðis og sóknarleikurinn var ágætur. Við vorum hins vegar sterkari gegn Þór en samt sem áður fannst mér varnarleikurinn slakur og markvarslan sömuleiðis. Hins vegar gekk sóknarleikurinn mjög vel gegn Þór," sagði Kristinn Guð- mundsson, þjálfari ÍBV í samtali við Fréttir.
ÍBV tapaði fyrir Keflavík
Karlalið ÍBV í knattspyrnu lék æfingaleik gegn Keflavík en leikurinn fór fram í Reykjaneshöllinni. ÍBV tapaði 2:0 en talsvert var hrært í liðinu og tíðar innáskiptingar. Bo Hendriksen lék með ÍBV og sömuleiðis Sævar Eyjólfsson, sem hefur æft með IBV undanfarnar vikur en Sævar hefur leikið með Haukum og Þrótti.
Nína Björk í U-17
Erna Þorleifsdóttir, landsliðsþjálfari U-17 ára landsliðs kvenna í knattspyrnu hefur valið 25 manna úrtakshóp til æfinga. Ein Eyjastúlka er í hópnum, markvörðurinn efnilegi Nína Björk Gísladóttir fær þann heiður.
Siggi og Svavar meiddir
Eyjapeyjarnir Sigurður Bragason, fyrirliði karlaliðs ÍBV í handbolta og Svavar Vignisson, línumaðurinn sterki, eru báðir meiddir þessa dagana. Sigurður hefur verið í meðferð vegna meiðsla í baki en hann hefur verið hjá sérfræðingi í Reykjavík til að ná sér góðum. Svavar meiddist hins vegar á ökkla og sagðist, í samtali við blaðamann, vera orðinn ansi þreyttur á meiðslum þetta tímabilið enda hefur Svavar verið meira og minna meiddur allt tímabilið.
Tveir Eyjamenn á EM í handbolta
Birkir Ivar Guðmundsson sem sér um að halda upp merki Eyjamanna með landsliðinu því í hópnum er annar reyndur liðsmaður í íþróttunum, Björgvin Eyjólfsson. Hans hlutverk er að sjálfsögðu að sinna þeim þjáðu en Björgvin er hluti af þriggja manna læknaliði landsliðsins.
FEBRÚAR:
Stelpurnar komnar í úrslitaleikinn
Kvennalið ÍBV sýndi svo sannarlega hvernig á að spila varnarleik þegar liðið tók á móti efsta liði DHL deildarinnar, Val, í undanúrslitum bikarkeppninnar. Eyjastúlkur hreinlega skelltu í lás í vörninni og ef einhver af gestunum slapp í gegn þá var Florentina Grecu í banastuði og varði vel. Til marks um varnarleik IBV þá skoruðu Valsstúlkur aðeins fjögur mörk í fyrri hálfleik, þar af tvö úr vítakasti. Lokatölur urðu 27:15 og ÍBV þar með komið í úrslitaleik keppninnar í fimmta sinn á síðustu sex árum. Mörk ÍBV: Renata Horvath 8/3, Ingibjörg 6, Pavla Plaminkova 5, Ester Oskarsdóttir 3/1, Ragna Karen Sigurðardóttir 2, Simona Vintila 2 og Elísa Sigurðardóttir 1. Varin skot: Florentina Grecu 20.
Magnað sigurmark Simonu
Það var svo sannarlega mikil dramatík í leik ÍBV og Stjörnunnar, sérstaklega á lokamínútunum þegar allt leit út fyrir að ÍBV hefði tekist að tapa niður þriggja marka forystu á aðeins fimm mínútum. Stjarnan náði að jafna þegar sjö sekúndur voru eftir en Eyjastúlkur fengu aðeins aukakast úr næstu sókn um leið og leiktíminn rann út. Flestir voru því búnir að bóka jafntefli en Simona Vintila gerði sér lítið fyrir og skoraði úr aukakastinu og tryggði ÍBV sigurinn.
Stjarnan var mun sterkari aðilinn í fyrri hálfleik og komst mest fimm mörkum yfir, 10:5 og voru ávallt yfir. Eyjastúlkur skoruðu svo síðasta mark fyrri hálfleiks og minnkuðu muninn í þrjú mörk. Í síðari hálfleik náðu Eyjastúlkur fljótlega að jafna og voru þremur mörkum yfir þegar fimm mínútur voru til leiksloka. Þá kom slæmur leikkafli hjá ÍBV og Stjarnan jafnaði þegar sjö sekúndur voru eftir. Eins og sagt er frá hér að ofan þá var dramatíkin mikil og fögnuðurinn enn meiri eftir að Simona hafði skorað sigurmarkið. Mörk ÍBV: Pavla Plaminkova 9/3, Simona Vintila 6, Renata Horvat 4/1, Ingibjörg Jónsdóttir 2, Eh'sa Sigurðardóttir 1, Ragna Karen Sigurðardóttir 1, Ester Oskarsdóttir 1. Varin skot: Florentina Grecu 18.
Níu landsliðsmenn frá Eyjum
Níu leikmenn ÍBV verða á úrtaksæfingum landsliða Íslands bæði í knattspyrnu og handbolta. Þrír munu æfa með U-21 árs landsliðinu en þeir Hrafn Davíðsson, Andri Ólafsson og Bjarni Hólm Aðalsteinsson eru allir í 28 manna æfingahópi liðsins en U-21 árs liðið mætir jafnöldrum sínum frá Skotlandi ytra í enda febrúar. Þá taka þeir Birkir Hlynsson og Egill Jóhannsson þátt í æfingum U-19 ára landsliðsins en hópurinn telur 25 leikmenn. Elías Fannar Stefnisson fær hins vegar mestu samkeppnina í U-19 ára landsliðshópnum en þar eru 34 leikmenn. Þá munu þær Elísa Viðarsdóttir, Heiða Ingólfsdóttir og Nína Bjórk Gísladóttir æfa með U-16 ára landsliði Íslands í handbolta.
Sigur og tap
Karlalið ÍBV í knattspyrnu lék æfíngaleik gegn Grindavík en leikurinn fór fram á Stjörnuvellinum í Garðabæ. Lokatölur urðu 2:1 fyrir Grindavík en það var Selfyssingurinn Arilíus Marteinsson sem skoraði mark ÍBV. Strákarnir léku svo gegn Leikni og unnu 2:1 en Sævar Eyjólfsson skoraði bæði mörk ÍBV
3. flokkur aftur í 1. deild
A-lið fjórða flokks kvenna spilaði í 2. deild en liðið féll úr l. deild í síðasta fjölliðamóti. Stelpurnar léku fjóra leiki og unnu þá alla á sannfærandi hátt. Úrslit leikjanna urðu þessi: IBV-Fylkir2 16:11, ÍBV-Víkingur 20:12, ÍBV-Haukar2 20:14, ÍBV-Fjölnir 16:11. Þar með eru stelpurnar aftur komnar upp í 1. deild þar sem liðið á heima. Markahæstar voru þær Eva María Káradóttir 17, Elísa Viðarsdóttir 14, Andrea Káradóttir 11. Þá varði Heiða Ingólfsdóttir vel í markinu.
Sannfærandi sigur á HK
Strákarni sóttu HK heim í DHL deild karla en þetta var fyrsti leikur liðanna eftir um tveggja mánaða hlé vegna Evrópukeppni landsliða. Svo virðist sem Eyjamenn komi mun betur frá hléinu en gestirnir úr Kópavogi sem virtust heillum horfnir í leiknum. Leikmenn ÍBV þurftu ekki að sýna neinn stjörnuleik til að leggja andstæðing sinn að velli og lokatölur urðu 28:23. Sigurinn hefði í raun átt að vera mun stærri því yfirburðir ÍBV voru algjörir í leiknum. Leikmenn liðsins mættu með réttu hugarfari í leikinn og fremstur í flokki fór markvörðurinn, Björgvin Páll Gústavsson, sem varði 25 skot, þar af fjögur vítaskot gegn sínum gömlu félögum. Mörk ÍBV: Mladen Cacic 10/3, Ólafur Víðir Ólafsson 6, Sigurður Gústavsson 25/4. Bragason 4, Jan Vitipil 3, Grétar Þór Eyþórsson 2, Sævald Hallgrímsson 1, Erlingur Richardsson 1, Michael Dostalik 1.
Eyjamenn úr leik í bikarnum
Eyjamenn féllu annað árið í röð úr leik í bikarkeppninni í undanúrslitum en bæði árin hafa Eyjamenn þurft að leika á útivelli en strákarnir sóttu Stjörnuna heim. Eyjamenn áttu í raun aldrei möguleika og lokatölur urðu 36:32. Stjarnan fór betur af stað í leiknum og fljótlega var munurinn kominn í fimm mörk, 9:4. En þá tók Kristinn Guðmundsson, þjálfari ÍBV, leikhlé sem virkaði eins og vítamínsprauta í lið IBV og stuttu síðar var munurinn kominn niður í tvö mörk, 10:8. Þá komu hins vegar vafasamir dómar þar sem Eyjamenn fengu ótímabærar brottvísanir og þetta nýttu heimamenn sér og juku muninn í sex mörk, 20:14 áður en flautað var til leikhlés. Munurinn hélst yfirleitt í fímm til sex mörkum í síðari hálfleik, Eyjamenn voru í miklum vandræðum í vörn með þá félaga Patrek Jóhannesson og fyrrum leikmann ÍBV, Tite Kalandaze. Mestur var munurinn hins vegar níu mörk 28:19 en Eyjamenn náðu að laga stöðuna áður en yfir lauk.
Kristinn Guðmundsson, þjálfari ÍBV er afar ósáttur við það viðmót sem dómaraparið sýndi leikmönnum ÍBV. „Við vorum klaufar í leiknum, brutum klaufalega af okkur í byrjun leiks og fengum nokkrar réttmætar brottvísanir. Hins vegar er ég afar ósáttur við hvernig dómarar mismunuðu leikmönnum liðanna í viðmóti og að mínu mati sýndu þeir mínum leikmönnum mikla lítilsvirðingu. Viðmótið sem leikmenn Stjörnunnar fengu í þessum leik var á allt öðrum nótum en því sem við fengum að kynnast. Þegar mínir leikmenn lágu meiddir í gólfinu þá var þeim bara sagt að drulla sér á lappir en þegar það sama gerðist hjá Stjörnunni þá fengu þeir að liggja í gólfinu og hvíla sig nánast eins og þeir vildu. Þetta dómarapar er allt of gott til þess að vera að standa í svona rugli og þeir eiga ekki að láta það bitna á leikmönnum mínum inni á vellinum þótt aðrir úr félaginu séu að djöflast í þeim meðan á leik stendur," sagði Kristinn. Hann er hins vegar á því að sigur Stjörnunnar hafi verið fyllilega verðskuldaður.
Töpuðu líka fyrir Stjörnunni í fótbolta
Karlalið ÍBV undirbýr sig nú af krafti fyrir komandi átök sumarsins en liðið hefur leikið nokkra æfíngaleiki á undanförnum vikum. Nú síðast léku strákarnir gegn Stjörnunni á hinum glæsilega gervigrasvelli í Garðabænum. Lokatölur urðu 3:1 fyrir Stjörnuna en Ian Jeffs skoraði eina mark ÍBV í leiknum.
Tveir í U-21
Tveir leikmanna ÍBV eru í leikmannahópi U-2l árs landsliðs Íslands en það eru þeir Bjarni Hólm Aðalsteinsson og markvörðurinn Hrafn Davíðsson. Liðið mun leika gegn Skotum eftir tvær vikur. Andri Ólafsson hefur verið viðloðandi liðið en hann er meiddur og því ekki í hópnum. U-2l árs liðið spilaði gegn Víkingi og voru þeir félagar báðir með landsliðinu en íslenska liðið lagði Víking 1:0.
Sjaldséðar lokatölur gegn Víking
Þær voru ótrúlegar lokatölurnar í leik ÍBV og Víkings sem fram fór í DHL deild kvenna en leikurinn fór fram í Víkinni. Lokatölur urðu 13:16 fyrir IBV og tölurnar líkari því sem sést í leikhléi í nútíma handbolta. Í hálfleik var staðan hins vegar 6:7 fyrir ÍBV. Mörk ÍBV: Pavla Plaminkova 6, Ingibjörg Jónsdóttir 4, Simona Vintila 2, Ester Óskarsóttirl, Ragna Sigurðardóttir 1, Sæunn Magnúsdóttir 1.
Íslandsmeistararnir heppnir
Haukar verða að teljast nokkuð heppnir að hafa tekið tvö stig frá Eyjum en leikur þeirra gegn IBV var æsispennandi og kaflaskiptur. Þannig skoruðu Eyjamenn fyrstu tvö mörk leiksins en gestirnir svöruðu með fjórum mörkum í röð. Liðin skiptust svo á að hafa forystuna. Um tíma var ÍBV með fjögurra marka forystu í fyrri hálfleik, 15:11 og aðeins tæpar tíu mínútur til leikhlés. Íslandsmeistararnir sýndu hins vegar styrk sinn og skoruðu fimm mörk gegn tveimur á lokamínútum fyrri hálfleiks og staðan 17:16 fyrir ÍBV í hálfleik. Í síðari hálfleik voru það Haukar sem voru betri lengst af, þeir voru fljótir að komast yfir 17:18 en Eyjamenn komust aftur yfir fimm mínútum síðar 21:20. Hins vegar náðu Haukar aftur undirtökunum og komust meðal annars í 24:28. En Eyjamenn neituðu að játa sig sigraða og jöfnuðu af miklu harðfylgi, 28:28. En aftur komust Haukar yfir, 30:32 og héldu svo tveggja marka forystu það sem eftir lifði leiks. Eftir leikinn var leikmönnum nokkuð heitt í hamsi, fyrirliði ÍBV Sigurður Bragason og Halldór Ingólfsson, einn reyndasti leikmaður Hauka, áttust við en ekki er vitað hvað gekk þeim á milli. Mörk ÍBV: Mladen Cacic 10/3, Sigurður Bragason 5, Michael Dostalik 5, Olafur Víðisson 4, Grétar Þór Eyþórsson 4, Svavar Vignisson 2, Erlingur Richardsson 2. Varin skot: Björgvin Páll Gústavsson 15
Tap í fyrsta leik deildarbikarsins
Eyjamenn léku gegn nýliðum efstu deildar í Deildarbikarnum en þetta var fyrsti leikur liðanna í þeirri keppni. Leikurinn fór fram á heimavelli Blikanna, í Fífunni sem er einn þeirra leikstaða sem leikið er á í Deildarbikarnum. Lokatölur urðu 3:1 en eina mark ÍBV var sjálfsmark heimamanna. Breiðablik skoraði sín mörk öll í fyrri hálfleik en þar var að verki Marel Baldvinsson, sem sneri aftur heim eftir atvinnumennsku.
Tvö töp hjá öðrum flokki
Annar flokkur karla lék tvo leiki gegn Haukum. Eyjapeyjar hafa átt nokkuð erfitt uppdráttar í vetur og aðeins unnið einn leik af þeim níu sem liðið hefur leikið. Strákarnir riðu ekki feitum hesti frá viðureignum sínum gegn toppliði Hauka, fyrri leiknum lauk með tíu marka sigri Hauka, 33:23 eftir að staðan í hálfleik hafði verið 13:13 en síðari leiknum lauk með sjö marka sigri gestanna 21:28 en staðan í hálfleik var 14:15.
Vantaði herslumuninn hjá ÍBV
ÍBV tapaði fyrir Haukum í bikarúrslitum kvenna en lokatölur urðu 29:25. Varnarleikur Eyjastúlkna var með miklum ágætum framan af leik og engin skömm að því að fá á sig tólf mörk gegn íslandsmeisturunum í fyrri hálfleik. Hins vegar er sóknarleikurinn einhæfur, sérstaklega þar sem alla ógnun vantar á hægri vænginn. Niðurstaðan er hins vegar sú að ekki vantaði mikið upp á að IBV næði að snúa leiknum sér í hag í síðari hálfleik m.a náðu stelpurnar að jafna í tvígang í síðari hálfleik og fengu tækifæri til að komast yfir en það var eins og sumir leikmanna liðsins hefðu ekki trú á því að það væri hægt og því voru það Haukastúlkur sem unnu. En það verður ekki tekið af stelpunum að þær börðust allan tímann. Fremst í flokki fór Ingibjörg Jónsdóttir, bæði í vörn og sókn en þegar ÍBV gerði hvað harðasta hríð að Haukum í síðari hálfleik, fór hún fyrir sínu liði. Þetta var síðasti bikarúrslitaleikur Ingibjargar og hún hefði varla getað endað bikarferilinn betur sem leikmaður, nema þá helst með sigri. Mörk ÍBV: Pavla Plaminkova 8/1, Ingibjörg Jónsdóttir 7, Renata Horvat 6/4, Simona Vintila 4. Varin skot: Florentina Grecu 20/2.
Síðasti bikarúrslitaleikur Ingibjargar
Ingibjórg Jónsdóttir átti frábæran leik fyrir ÍBV, bæði í vörn og sókn í bikarúrslitaleiknum og fór svo sannarlega fyrir sínu liði en það dugði ekki til í þetta sinn. Hún tók undir það að tapið væri sérstaklega svekkjandi. „Það er ekki hægt að segja annað en þetta var svekkjandi. Mér fannst við spila vel og við náðum að jafna þrátt fyrir að lenda undir. Í stöðunni 19:19 fengum við tækifæri til að komast yfir en þá koma mistök í sókninni hjá okkur og þær refsuðu okkur með hraðaupphlaupum. Gegn Haukum má ekki gera svona mistök enda voru þær fljótar að refsa okkur." Var of erfitt að vera undir allan leikinn og þurfa að elta þœr uppi? „Þetta voru auðvitað ekki nema tvö til fjögur mörk en auðvitað fer orka í það að ná því niður. Það sem mér fannst vanta fyrst og fremst var trúin á sigur í okkar liði. Vörnin var líka að leka meira en venjulega. Við gerðum einfaldlega meira af mistökum en Haukar og það skilur liðin að." Þegar Ingibjórg var spurð hvort hún myndi ekki bara mæta á fjalir Laugardalshallarinnar að ári stóð ekki á svari. „Nei" Ertu að tilkynna það að þú sért að hætta? „Já ég er að verða fertug, maður," sagði Ingibjörg og hló.
Lögðum leikinn rétt upp
Alfreð Finnsson, þjálfari ÍBV, var ekki sáttur í leikslok. „Mér fannst við eiga ágætan leik en mér fannst vanta örlítið meiri greddu í liðið. Það er að segja það eru allir að leggja sig fram og spila vel en við gerum ódýr mistök bæði í vörn og sókn sem að lokum kostar okkur sigurinn. Maður hefði líka viljað fá þrjá, fjóra vafadóma okkur í hag og markvarslan var kannski ekki alveg eins og við erum vön. Ég hefði viljað sjá hana aðeins betri því mér fannst vörnin ekki það léleg. Þetta er samt sem áður heildarpakki og hann féll ekki okkar megin í dag." Var reynslan kannski í liði með Haukum í þessum leik? „Ég veit það ekki. Við erum með reynslumikla leikmenn og frábærar stelpur í okkar liði. Við komum vel stemmd til leiks og lögðum leikinn rétt upp. Leikmenn tóku þátt í því, komu með uppástungur um hvað við ættum að gera en það vantaði alltaf bara herslumuninn til að komast almennilega inn í leikinn. En Haukar eru auðvitað með frábært lið, með leikmann eins og Hönnu sem var frábær og það var bara erfitt að eiga við þær í þessum leik. Við hefðum þurft að eiga 10% til 15% betri leik til að vinna," sagði Alfreð að lokum.
Anton með fyrsta markið
ÍBV lék í Deildarbikarnum í knattspyrnu gegn Fylki og fór leikurinn fram á gervigrasvellinum í Árbænum. Fylkismenn komust yfir en í síðari hálfleik jafnaði hinn ungi Anton Bjarnason fyrir ÍBV en þetta var jafnframt fyrsta mark Antons fyrir meistaraflokk ÍBV. Lokatölur urðu 1:1 en ennþá eru nokkur forföll hjá ÍBV.
MARS:
Eyjakonur eiga ágæta möguleika á Íslandsmeistaratitlinum
ÍBV heldur í vonina um titil með góðum sigri á Val í DHL-deild kvenna . Valur var fyrir leikinn í efsta sæti deildarinnar og ÍBV í því þriðja en með sigrinum færðust Eyjastúlkur upp í annað sætið á meðan Valur féll í þriðja. Lokatölur urðu 22:18 eftir að staðan í hálfleik hafði verið 12:6. ÍBV er nú aðeins einu stigi á eftir nýkrýndum bikarmeisturum Hauka, sem eru í efsta sæti og stefnir allt í æsispennandi lokabaráttu í íslandsmótinu. Úrslit í Íslandsmótinu ráðast að þessu sinni í hefðbundinni deildarkeppni, engin úrslitakeppni er, þannig að það lið sem nær flestum stigum að loknum þeim fjórum umferðum sem eftir eru, verður íslandsmeistari.
Stórt tap í unglingaflokki
Stelpurnar í Unglingaflokki ÍBV léku gegn Val í 1. deild Íslandsmótsins. Valsstúlkur náðu að hefna fyrir tap meistaraflokksins fyrr um daginn en lokatölur urðu 20:32 fyrir Val eftir að staðan í hálfleik var 8:12 en mestur varð munurinn sjö mörk í fyrri hálfleik, 2:9. ÍBV er ekki með marga leikmenn í þessum aldursflokki, aðeins fjórar sem æfa að staðaldri en hinar koma úr fjórða flokki og hefur það komið niður á liðsuppstillingunni á milli leikja. ÍBV er engu að síður öruggt í átta liða úrslit íslandsmótsins. Mörk ÍBV: Sæunn Magnúsdóttir 8, Hekla Hannesdóttir 5, Nína Gísladóttir 3, Ester Óskarsdóttir 2, LovÍsa Jóhannsdóttir 1, Eva María Káradóttir 1. Heiða Ingólfsdóttir varði 18 skot í marki ÍBV og stóð svo sannarlega fyrir sínu.
Fjórði tapleikur karlanna í röð
Staða karlaliðs ÍBV versnaði talsvert í baráttunni um að vera eitt af átta efstu liðum DHL deildar karla. Þau átta lið sem þar enda munu skipa efri deild handbollans á Íslandi og ljóst að það verður erfitt hlutskipti að enda í neðri hlutanum, bæði fjárhagslega og félagslega. Framarar voru einfaldlega of góðir fyrir baráttuglatt lið ÍBV og lokatölur 32:34, eftir að staðan í hálfleik hafði verið 13:16, gestunum í vil. Varnarleikur IBV var ekki með því móti að hægt væri að ætlast til þess að vinna eitt af toppliðum DHL deildarinnar og í kjölfarið var markvarslan slök, sérstaklega í fyrri hálfleik. Það leyndist hins vegar ekki að leikmenn IBV ætluðu sér stóra hluti og mættu mjög ákveðnir til leiks, kannski aðeins of ákveðnir því Sigurður Bragason fékk brottvísun eftir aðeins 23 sekúndur. Um miðjan síðari hálfleikinn nýttu Eyjamenn sér fámennið í liði Framara, sem voru meira og minna einum færri á þeim leikkafla og langþráð jöfnunarmark leit dagsins Ijós þegar um tíu mínútur voru eftir. En lengra komust Eyjamenn ekki og Framarar unnu nokkuð sanngjarnan sigur. Mörk ÍBV: Mladen Cacic 13/4, Jan Vitipil 5, Sigurður Bragason 5, Ólafur Víðir Olafsson 4/1, Michal Dostalik 2, Grétar Þór Eyþórsson 2, Sævald Hallgrímsson I. Varin skot: Björgvin Páll Gústafsson 14.
Tap hjá unglingaflokki
Unglingaflokkur tapaði fyrir HK í Eyjum en eyjastelpur áttu ekki mikla möguleika gegn HK, sem er í öðru sæti 1. deildar. Leikurinn endaði með ellefu marka sigri HK, 23:34 ÍBV er hins vegar í næst neðsta sæti, með jafn mörg stig og Stjarnan. Þá tapaði annar flokkur karla fyrir Haukum á útivelli þar sem lokatölur urðu 24:22 eftir að staðan í hálfleik var 15:13. IBV er sjötta og neðsta sæti Suðurriðils Íslandsmótsins.
2. flokkur tapaði
Nú er undirbúningur fyrir knattspyrnuvertíðina í fullum gangi en 2. flokkur ÍBV lék sinn fyrsta leik í Faxaflóamótinu í byrjun mars. Leikið var gegn Njarðvík í Reykjaneshöllinni og voru heimamenn sterkari og unnu 3:1. Anton Bjarnason skoraði eina mark ÍBV. Strákarnir áttu einnig að leika gegn FH í sömu keppni en þeim leik var frestað vegna veðurs.
Atli með tvö mörk
Atli Jóhannsson skoraði bæði mörk IBV gegn Vikingi Ólafsvík þegar liðin mættust í deildarbikarkeppninni. Víkingar komust yfir í leiknum en Atli tryggði ÍBV 2:1 sigur.
Tvær í U-16 ára
Tvær Eyjastúlkur hafa verið valdar í 16 manna hóp U-16 ára landsliðs Íslands í handbolta. Þetta eru þær Heiða Ingólfsdóttir, sem spilar í marki og Nína Bjórk Gísladóttir sem spilar í stöðu skyttu. Íslenska liðið leikur um páskana í Tékklandi. Þar mun liðið leika tvo æfingaleiki gegn tékkneska U-16 ára landsliðinu og í framhaldi af því mun liðið taka þátt í Prague Handball Cup, en í því móti taka alls 466 lið þátt frá 19 löndum og alls eru keppendur um 7000 talsins.
Skyldusigur stelpnanna fyrir norðan
Kvennalið ÍBV vann skyldusigur gegn KA/Þór en lokatölur urðu 19:25 eftir að staðan hafði verið 8:15 ÍBV í vil í hálfleik. Alfreð Finnsson, þjálfari IBV, var fyrst og fremst ánægður með sigurinn þegar Fréttir heyrðu í honum. „Við fórum með Herjólfi á föstudegi og vorum komin norður á Akureyri um tvö eftir miðnætti. Við vitum að þetta er erfitt ferðalag og erum ekkert að kvarta yfir því og svífum bara vel um nóttina. Við náðum ágætum leikkafla og dómgæslan var eðlileg fyrstu mínúturnar. Þær spiluðu mjög fast og ég var mjög ánægður með að sleppa algjörlega með meiðsli. Við náðum þægilegu forskotí í fyrri hálfleik en svo tóku þær Pövlu úr umferð og Simona er meidd og gat varla skotið á markið. Auk þess vorum við að fara afar illa með dauðafæri og hraðaupphlaup og allt í einu munaði bara einu marki. Þá tók ég leikhlé og róaði aðeins hópinn. Eftir það var þetta aldrei spurning og ég held að KA/Þór hafi bara skorað eitt mark síðustu tólf mínúturnar," sagði Alfreð., Mörk ÍBV: Pavla Plaminkova 9, Ingibjörg Jónsdóttir 5, Simona Vintila 4, Renata Horvath 3, Sæunn Magnúsdóttir 2, Ragna Karen Sigurðardóttir 1, Ester Óskarsdóttir
Sjötta tapið í röð hjá karlaliðinu
Staða ÍBV versnar með hverjum leiknum í DHL deild karla en strákarnir töpuðu gegn Fylki á útivelli. Lokatölur urðu 27:18 en staðan í hálfleik var 14:6, aðeins sex mörk skoruð fyrstu 30 mínútur leiksins. Sigurður Bragason, fyrirliði ÍBV, var heldur óhress með leikinn. „Já við höfum komið okkur í það að gera stöðuna svona slæma. Hún var ekkert svo slæm fyrst eftir áramót en við erum búnir að koma okkur í þessa slæmu stöðu." Sex tapleikir í röð í deild og bikar. Er þetta ekki farið að setjast á sálina? „Eru þeir svo margir? Já þetta eru orðnir svolftið margir leikir, sérstaklega af því að við vorum búnir að vinna fjóra leiki í röð og maður var orðinn svolítið bjartsýnn. Svo kemur þessi bomba. Leikurinn gegn Víking/Fjölni hafði mikið að segja um sjálfstraustið í liðinu og eftir tap í þeim leik hefur það ekki verið mikið. Það varí sjálfu sér ekkert hrikalegt að tapa naumlega fyrir bæði Fram og Haukum en þessi Víkingsleikur var algjört kjaftshögg. Við höfum líka verið óheppnir, töpum þessum leikjum gegn toppliðunum og svo gegn FH á útivelli með einu marki en þessi síðasti leikur gegn Fylki var bara hörmung. Við skoruðum bara sex mörk í fyrri hálfleik og ég verð bara að segja alveg eins og er að maður veit ekki af hverju við spilum svona. Ég veit það bara að þetta var með því daprara sem ég hef lent í á þessum tíu ára ferli mínum."
Sameiginlegt lið ÍBV og Selfoss?
Uppi eru hugmyndir um að ÍBVog Selfoss sendi sameiginlegt lið til keppni í sumar en tillaga þess efnis liggur fyrir aðalfundi ÍBV-íþróttafélags. Tillagan er svohljóðandi: „Knattspyrnuráð kvenna leggur til að farið verði í samstarf í kvennaknattspyrnunni við Umf. Selfoss. Ástæðan er sú að mjög lítið er um mannskap, sérstaklega í 2. flokki en einnig í meistaraflokki og fyrirsjáanleg mannekla verður næstu 2-3 ár en þá gengur stór árgangur upp í meistaraflokk. Við teljum að betra sé að fara ísamstarf en leggja niður meistaraflokk og 2. flokk." Þær reglugerðir sem fjalla um mál sem þetta hjá KSÍ eru einfaldar. Um þátttökurétt segir m.a. að tveimur félögum sé heimilt að senda sameiginlegt lið til keppni í landsmótum en félag geti ekki tekið þátt í landsmótum með eigið lið á sama tíma og það á aðild að með öðru félagi eða öðrum félögum í sama aldursflokki. Ennfremur segir að hið sameiginlega lið haldi sæti þess félags, sem á rétt til að leika í næstu deild næsta keppnistímabils. Félög þurfa að senda inn skriflega umsókn til KSI vegna sameiningar og þar þarf að koma fram hver beri fjárhagslega ábyrgð á samstarfinu. Félög sem ákveða að hætta samvinnu skulu hefja keppni að nýju í lægstu deild í viðkomandi aldursflokki. Félög geta þó sótt um að halda sæti sameiginlega liðsins sem þau áttu aðild að.
Tvær ferjur á Þjóðhátíð?
Páll Scheving, framkvæmdastjóri ÍBV viðraði þá hugmynd á aðalfundi ÍBV að fá tvær ferjur í siglingar milli lands og Eyja yfír Þjóðhátíðina. Áælað er að Herjólfur fari í viðhald á haustmánuðum og er hugmynd Páls að ferjan, sem leysa á Herjólf af, komi til Eyja á miðvikudegi fyrir Þjóðhátíð og að Herjólfur fari í viðhald á miðvikudeginum eftir Þjóðhátíð. Þannig gætu tvær ferjur verið í siglingum yfir verslunarmannahelgina.
Hressilegt herrakvöld
Rúmlega 150 mannst mættu á herrakvöld ÍBV sem haldið var í Höllinni þar sem menn skemmtu sér. Fyrir kvöldið bauð Húsasmiðjan til kynningar á efri hæð Hallarinnar og bauð síðan um sjötíu iðnarmönnum til veislunar. Þar gæddu gestir sér á veislumat frá Kára Vigfússyni yfirbryta og aðstoðarmönnum hans og hlýddu á stórskemmtilegan ræðumann kvöldsins, Einar Kárason. Áður en hann kom upp söng Silja Elsabet Brynjarsdóttir nokkur lög við undirleik Páls Viðars Kristinssonar sem hafði séð um undirspil á meðan borðhaldi stóð.
Bæði ósanngjarnt og klaufalegt
Leikmenn karlaliðs ÍBV geta nagað sig í handabökin eftir leik sinn gegn Val á heimavelli. Enn á ný sýna strákarnir að á góðum degi eiga þeir í fullu tré við stóru liðin en vantar herslumuninn til að klára leiki. ÍBV var með þriggja marka forystu þegar um fimm mínútur voru eftir en misstu unninn leik niður í 24:24 jafntefli. Það var eins og alltaf þegar lið úr efri hluta deildarinnar koma í heimsókn, þá mæta leikmenn ÍBV fullir af baráttugleði inn á völlinn, eitthvað sem hefur svo vantað gegn liðum í neðri hlutanum. Eyjamenn voru í raun sterkari allan leikinn, Valsmenn komust einstaka sinnum yfir en ÍBV náði alltaf aftur undirtökunum og staðan í hálfleik var 11:10 ÍBV í vil. Síðari hálfleikur var svo afbragðsgóður framan af, strákarnir náðu þriggja marka forystu 23:20 þegar aðeins um fimm mínútur voru eftir. En þá var eins og Valsmenn hafi einfaldlega smellt í lás í vörninni, Eyjamenn komust lítið áfram og reyndu óþarflega mikið að hnoðast í gegnum miðja vörn gestanna þar sem tvö ferlíki vörnuðu leið. Valsmenn náðu að jafna einum færri þegar stórskytta þeirra, Hjalti Pálmason fékk að stökkva upp óáreittur og negla boltanum inn, sannarlega klaufaleg vinnubrögð í varnarleiknum. Leikmenn IBV fengu svo tækifæri til að skora sigurmarkið en síðasta sóknin rann út í sandinn. Mörk ÍBV: Mladen Cacic 9, Ólafur Víðir Ólafsson 5, Sigurður Bragason 4/3, Jan Vitipil 3, Grétar Þór Eyþórsson 2, Michael Dostalik 1. Varin skot: Björgvin Páll Gústavsson 21.
3. flokkur tapaði
2. flokkur karla í handbolta fór að fordæmi meistaraflokks og missti niður góða stöðu í leik sínum gegn Gróttu. Hálfleikstölur voru 10:9 fyrir IBV en um tíma í síðari hálfleik var munurinn kominn í fimm mörk og allt stefndi í stórsigur ÍBV, en þá virtist allt fara í baklás hjá strákunum og lokatölur urðu 22:24, svekkjandi tap á heimavelli. Markahæstir hjá IBV urðu þeir Juan Pablo Fernandez og Grétar Þór Eyþórsson með sex mörk hvor.
Jafntefli gegn Grindavík
Eyjamenn léku í A-deild Deildarbikarsins gegn Grindavík. Ekkert mark var skorað í fyrri hálfleik en Grindvíkingar komust yfir í þeim síðari. Eyjamenn voru hins vegar ekkert að tvínóna við hlutina og jöfnuðu aðeins örfáum andartökum síðar en mark IBV skoraði Sævar Eyjólfsson, sem gekk í raðir ÍBV frá Þrótti.
Þrír sigurleikir
B-lið fjórða flokks kvenna lék í 2. deild í Íslandsmótinu í Eyjum. Stelpurnar léku þrjá leiki og úrslitin urðu þessi: ÍBV-Valur 20:11, ÍBV-KR 17:9 og ÍBV-Grótta 21:7. Markahæstar hjá ÍBV voru þær Aníta Elíasdóttir með 15 mörk, Kristrún Hlynsdóttir skoraði 13 mörk og þær Arna Björk Guðjónsdóttir og Bylgja Haraldsdóttir skoruðu 11 mörk hvor. Dröfn Haraldsdóttir varði vel í marki ÍBV.
Strákarnir töpuðu öllum leikjunum
Fjórði flokkur karla lék þrjá leiki eina helgi í mars. ÍBV lék fyrst gegn KA en strákarnir töpuðu þeim leik með tíu mörkum. Daginn eftir var svo leikið gegn Aftureldingu og var um hörkuleik að ræða sem endaði með tveggja marka sigri Aftureldingar. Í síðasta leiknum, gegn Stjörnunni náðu strákarnir sér svo ekki á strik og endaði leikurinn með fjórtán marka tapi IBV Þó að ÍBV hafi tapað öllum leikjunum var margt gott í leik liðsins, m.a. var varnarleikurinn oft góður en strákarnir þurfa að temja sér meiri þolinmæði í sóknarleiknum.
Knattspyrnukrakkar af stað
Faxaflóamót KSÍ í knattspyrnu er byrjað og hafa nokkrir flokkar ÍBV þegar hafið leik. Þriðji fiokkur karla gerði 1:1 jafntefli gegn Haukum. A-lið fjórða flokks karla tapaði fyrir Víði/Reyni 7:5 en B-liðið vann sinn leik á sannfærandi hátt 11:4. Daginn eftir léku strákarnir svo gegn Haukum, A-liðið tapaði 6:1 en B-liðið vann 4:1. Fjórði flokkur spilaði gegn FH og tapaði 8:1 og daginn eftir 2:0 gegn Breiðablik. Þetta voru fyrstu leikir flokkanna á meðan önnur félög hafa spilað mun meira. Það má því búast við að Eyjakrakkarnir eigi eftir að bæta sinn leik þegar líður að vori.
Spennan magnast hjá konunum
Spennan magnast með hverjum leik í DHL-deild kvenna þar sem ÍBV er einu stigi á eftir Haukum í baráttunni um Íslandsmeistaratitilinn. ÍBV vann FH sannfærandi en flestir eru á því að úrslit íslandsmótsins ráðist þegar Valur tekur á móti Haukum. Þar reyna Íslands- og bikarmeistarar Hauka að yfirstíga síðustu hindrunina í að verja Íslandsmeistaratitilinn en Eyjastúlkur vonast til þess að Alla Gorgjísdóttir og félagar reynist IBV vel. Það er í sjálfu sér ekki margt um leik ÍBV og FH að segja. Eyjastúlkur voru reyndar full værukærar í upphafi leik og virtust ekki vera tilbúnar. Þannig komust gestirnir í 0:3 en fyrsta mark ÍBV kom ekki fyrr en eftir átta mínútna leik. Eftir það var ekki aftur snúið og IBV var fimm mörkum yfir í hálfleik, 14:9. Síðari hálfleikur var svo nánast bara formsatriði og undir lokin fengu varamenn IBV tækifæri til að spila. Meðal annars voru þrír leikmenn úr fjórða flokki, þær Sædís Magnúsdóttir, 15 ára, Heiða Ingólfsdóttir, 14 ára og Elísa Viðarsdóttir, 14 ára en Elísa var að spila sinn fyrsta leik. Hún bætti um betur og opnaði markareikninginn með marki úr vítakasti þegar leiktíminn var liðinn og tryggði IBV sex marka sigur, 29:23. Best hjá IBV var hins vegar markvörðurinn Florentina Grecu en hún varði m.a. fjögur vítaskot gestanna. Mörk IBV: Pavla Plaminkova 11/4, Renata Horvatd 6, Ingibjörg Jónsdóttir 4, Ester Óskarsdóttir 3, Simona Vintila 2, Elísa Sigurðardóttir 1, Ragna Karen Sigurðardóttir 1, Elísa Viðarsdóttir 1. Varin skot: Florentina Grecu 21/4.
Hlutur ÍBV gæti orðið 20 milljónir
Gunnar Heiðar Þorvaldsson, Eyjamaðurinn í sænska úrvalsdeildarliðinu Halmstad, er á leið til þýska úrvalsdeildarliðsins Hannover. Frá þessu var greint í Morgunblaðinu en Gunnar skrifaði undir þriggja ára samning við þýska liðið og mun ganga í raðir þeirra á vordögum en leika fram að því með Halmstad. Þá má gera ráð fyrir því að ÍBV muni fá einhverjar krónur fyrir, þar sem ÍBV er uppeldisfélag og fær 10% af heildarverði Gunnars, að frádregnu kaupverði Halmstad á sínum tíma. Sagt er að kaupverðið sé allt að 200 milljónir króna og gæti hlutur ÍBV því orðið allt að 20 milljónir. Hannover er gamalgróið félag sem lenti í basli og lék í þýsku 3. deildinni á tíunda áratug síðustu aldar. Félagið hefur hins vegar verið í efstu deild frá 2002 og er sem stendur í sjöunda sæti deildarinnar.
Strákarnir til Portúgal
Karlalið ÍBV í knattspyrnu fór í lok mars til Portúgal í æfingaferð.Áður en liðið hélt utan léku strákarnir gegn Víkingi en strákarnir töpuðu þeim leik 0-1. Varalið félaganna léku svo daginn eftir og þar höfðu Eyjamenn betur, 2:0 en mörkin skoruðu þeir Ingi Rafn Ingibergsson og Sindri Viðarsson.
Svekkjandi jafntefli hjá 3. flokki
3. flokkur karla lék þrjá leiki síðustu helgina í mars. Fyrst var leikið gegn ÍR-b og endaði sá leikur með jafntefli 34:34 eftir æsispennandi lokamínútur. Næst var leikið gegn Gróttu og fór sá leikur fram aðeins einni klukkustund eftir leikinn gegn ÍR-b. Eins og gefur að skilja voru strákarnir þreyttir enda spila þeir sama leiktíma og meistaraflokkur. Þó var jafnt í hálfleik 15:15 en að lokum hafði Grótta betur, lokatölur 32:27. Þriðji og síðasti leikurinn var gegn HK en allir leikirnir fóru fram á höfuðborgarsvæðinu. Strákarnir voru klaufar að vinna ekki HK en lokatölur urðu 33:33 eftir að IBV var yfir í hálfleik 17:14. Markahæstir voru þeir Juan Pablo Fernandes með 24 mörk og Óttar Steingrímsson skoraði 23.
Konurnar eru í ákjósanlegri stöðu
Kvennalið ÍBV er komið í ákjósanlega stöðu fyrir síðustu umferð íslandsmótsins en með sigri sínum á Gróttu skaust liðið upp í efsta sæti deildarinnar. Á sama tíma sigruðu Valsstúlkur Hauka sem varð til þess að ÍBV náði efsta sætinu. Í síðasta leik mæta Eyjastúlkur HK á útivelli, í leik sem að öllu jöfnu ætti að vinnast en þó má búast við erfiðum leik. Það er í raun ekki mikið um leik ÍBV og Gróttu að segja. Eyjastúlkur gerðu sig seka um það annan leikinn í röð að mæta ekki tilbúnar til leiks í upphafi. En stelpurnar voru ekki lengi að hrista hrollinn úr sér og voru tíu mörkum yfir í hálfleik, 17:7. Í síðari hálfleik riðlaðist leikur ÍBV nokkuð þegar varamennirnir komu inn á og Gróttustúlkur náðu að minnka muninn. En Eyjastúlkur kláruðu leikinn, lokatölur urðu 28:22 og var sigurinn í raun aldrei í hættu. Stemmningin þegar leiknum var að ljúka var hins vegar nokkuð sérstök því um leið og lokatölur í leik Vals og Hauka lágu fyrir magnaðist kliðurinn meðal áhorfenda. Það skilaði sér til leikmanna sem vissu í leikslok að efsta sætið væri þeirra. Mörk ÍBV: Pavla Plaminkova 13/7, Ingibjörg Jónsdóttir 5, Simona Vintila 5, Ester Óskarsdóttir 2, Renata Horvath 2. Varin skot: Florentina Grecu 22.
ÍBV dregið úr keppni í Íslandsmótinu
Ljóst er að ekkert kvennalið verður hjá ÍBV í knattspyrnunni í sumar. Sú ákvörðun var tekin í lok mars og hefur Þór/KA tekið sæti ÍBV í efstu deild íslandsmótsins en ÍBV var sömuleiðis dregið úr bikarkeppninni. Þetta er talsvert áfall fyrir félagið enda ekki nema eitt og hálft ár síðan ÍBV fagnaði bikarmeistaratitli og síðustu þrjú ár hefur ÍBV ekki endað neðar en í þriðja sæti. Vandamál kvennaknattspyrnunnar komu fyrst fram síðasta sumar en ÍBV tefldi fram mjög þunnskipuðum leikmannahópi. Fljótlega eftir tímabilið fóru svo skrautfjaðrirnar að reytast af liðinu og þegar upp var staðið stóð aðeins fámennur hópur Eyjastúlkna eftir. Kallað var til fundar á haustmánuðum þar sem ákvörðun var tekin um að halda því til streitu að tefla fram kvennaliði í knattspyrnu. Knattspyrnuráð kvenna var myndað og var strax ráðist í það að fá leikmenn til ÍBV Það gekk ekki sem skyldi og á dögunum var tillaga um sameiningu við Selfoss felld á aðalfundi félagsins. Í kjölfarið hættu þrír meðlimir af sex í knattspyrnuráði kvenna og á fundi, með þeim sem eftir stóðu, var ákveðið að draga liðið úr keppni, bæði í Íslands- og bikarkeppninni en ÍBV hafði áður dregið sig úr keppni í deildarbikarnum. Ekki verjandi að fylla liðið af útlendingum Þar með er ljóst að fyrsta sinn síðan 1994 er ÍBV ekki með í keppni á meðal þeirra bestu í kvennaknattspyrnunni en árangur IBV undanfarin ár hefur verið afar glæsilegur eins og áður sagði. Páll Scheving Ingvarsson, framkvæmdastjóri IBV segir að talsverð forsaga sé að þessari ákvörðun. „Strax síðasta sumar fer að bera á talsverðri manneklu hjá okkur og svo misstum við stóran hluta af okkar liði síðasta haust, leikmenn sem eru ekki uppaldir hjá félaginu og svo virðist bara vera að við séum með of fáar stelpur sem tilbúnar eru í þennan slag með okkur í sumar. Þannig að það var ljóst að við þurftum að mynda liðið að miklu leyti með útlendingum og þegar upp var staðið þá var það metið þannig að það þjónaði félaginu best að segja liðið úr keppni í sumar." Var samstarf við Selfoss þá síðasta hálmstráið? „Já, knattspyrnuráð kvenna taldi það vera síðustu vonina í að ná í mannskap án þess að fylla liðið af útlendingum. Tillaga þess efnis var felld á aðalfundinum og í framhaldi af því var þessi ákvörðun tekin." En var það fullreynt að ekki væri hægt að mynda leikmannahóp í sumar? „Já, ekki nema þá með útlendingum og kosta miklu til. Hvort það sé það besta í dag er svo önnur spurning." Þegar Páll er spurður út í það hvort þetta þýði endalok kvennaknattspyrnunnar í Vestmannaeyjum þvertekur hann fyrir það. „Nei alls ekki, langt í frá. Við eigum tnjög sterka yngri flokka hjá IBV og við eigum sterkan hóp sem er á leiðinni upp í meistaraflokk. Þriðji flokkur kvenna hefur verið afar sterkur þannig að við segjum að eftir tvö til þrjú ár þá eigum við öflugan mannskap í kvennaknattspyrnunni," sagði Páll að lokum.
Sæti í 2. deild blasir við karlaliðinu
Það virðist ætla að reynast Eyjamönnum erfitt að rífa sig upp úr þeim öldudal sem liðið virðist vera komið í. Ekkert virðist falla með liðinu, hverju svo sem um er að kenna en allt virðist fara á versta mögulega veg. Nú síðast töpuðu strákarnir stórt fyrir Aftureldingu í mikilvægum leik í baráttunni um áttunda sætið. Staðan er nú þannig að Eyjamenn þurfa nánast á kraftaverki að halda ef sæti í efri deild að ári á að nást. Eins og áður sagði var leikurinn gegn Aftureldingu mjög mikilvægur enda Mosfellingar í sömu baráttu og IBV. Leikurinn var jafn framan af og staðan í hálfleik var 14:12. En Mosfellingar tóku öll völd á vellinum í síðari hálfleik og lokatölur urðu 31:25. Eyjamenn eiga þá fjóra leiki eftir í Íslandsmótinu og gera má ráð fyrir að strákarnir verði hreinlega að vinna þá alla.
Framtíðin björt hjá 4. flokki
A-lið 4. flokks kvenna lék í Íslandsmótinu síðustu helgina í mars en liðið lék fjóra leiki. ÍBV vann einn leik, gerði eitt jafntefli og tapaði tveimur en flestar stelpurnar eru á yngra ári. Úrslit leikjanna urðu þessi: ÍBV-Fram 11:17, ÍBV-HK 13:14, ÍBV-Grótta 15:15 og ÍBV-Fylkir 19:14. ÍBV hefur sýnt talsverðar framfarir í vetur enda töpuðu stelpurnar með stærri mun gegn flestum þessum liðum fyrr f vetur. Markahæstar voru þær Elísa Viðarsdóttir með 15 mörk, Andrea Káradóttir með 11 mörk og Eva Káradóttir með 10. Heiða Ingólfsdóttir stóð sig vel á milli stanganna og sýndi af hverju hún hefur verið valin í landsliðið.
APRÍL:
ÍBV Íslandsmeistari í handknattleik.
Eyjastúlkum dugði sigur gegn HK á útivelli í síðasta leik til að tryggja sér sigurinn en búist var við að bæði Haukar og Valur myndu vinna sína leiki og þar með komast upp fyrir ÍBV ef stelpurnar hefðu misstigið sig. Það gerðu þær hins vegar ekki, liðið gerði það sem þurfti, sigraði 27:31 og fagnaði þriðja Íslandsmeistaratitlinum á síðustu sjö árum. Athyglisverður sigur Sigur ÍBV í íslandsmótinu er afar athyglisverður þar sem ÍBV hafði hvorki besta, né stærsta leikmannahópinn. Alfreð Örn Finnsson, þjálfari ÍBV, á stóran þátt í þessum titli enda hefur hann hagað leik ÍBV á skynsaman hátt, einbeitt sér að varnarleiknum þar sem sterkasti leikmaðurinn, markvörðurinn Florentina Grecu hefur notið sín. Þá naut hann góðs af því að hafa Ingibjörgu Jónsdóttur í sínu liði, sannkallaður leiðtogi þar á ferð en Ingibjórg hefur gefið það út að hún muni leggja skóna á hilluna í vor og mikill sjónarsviptir að henni. Þá er liðsheildin afar sterk hjá ÍBV en erlendu leikmennimir hafa fallið vel inn í hópinn og Ragna Karen Sigurðardóttir hefur verið sterk, bæði í vörn og sókn. Þá vakti athygli að á bekknum sátu þrír leikmenn úr fjórða flokki og tveir úr unglingaflokki. Auk þess voru í byrjunarliðinu þær Sæunn Magnúsdóttir og Ester Óskarsdóttir þannig að vissulega er framtíðin björt ef félaginu lukkast að halda í þessar stelpur. Mörk ÍBV: Pavla Plaminkova 12/6, Ingibjörg Jónsdóttir 6, Ragna Karen Sigurðardóttir 5, Renata Horvath 3, Simona Vintila 3, Ester Óskarsdóttir 2. Varin skot: Florentina Grecu 18/1.
Bestu stuðningsmenn í heimi
sagði Alfreð Örn Finnsson, þjálfari ÍBV eftir leikinn Það hefur mikið reynt á þjálfara ÍBV í vetur, ekki síst þegar tveir leikmanna liðsins heltust úr lestinni um miðjan vetur. Alfreð sýndi það hins vegar að hann er útsjónarsamur því hann kom auga á styrkleika hópsins og lagði alla áherslu á sterkan varnarleik, öfluga markvörslu og skynsemi í sóknarleiknum. Leikur IBV var ekki alltaf áferðarfallegasti handboltinn en skilaði Íslandsmeistaratitli og það er nú það sem þetta snýst um. Alfreð sagði. aða leik loknum, að þótt titillinn væri í höfn þá væri hann svekktur með leik liðsins og undirbúninginn. „Þetta var mjög erfið vika og gekk erfiðlega á æfingum. Við vorum hálfpartinn fúl og það var eins og það væri lítill metnaður hjá okkur en það var auðvitað ekki þannig. Ég hef bara enga skýringu á því af hverju þessi vika var svona hjá okkur, kannski var það spennufall en þetta var án efa versta æfingavika okkar í vetur." Var kannski komin einhver þreyta í hópinn? „Nei ég held ekki. Það var mín tilfinning eftir leikinn gegn Gróttu að þá voru allir á því að þetta væri í höfn. Ég hefði auðvitað viljað að þessu hefði verið lokið þá en við þurftum að sækja tvö stig í viðbót. Ég held að við höfum gert það á þokkalegan hátt. Við gerðum bara það sem þurfti og fyrir mig sem þjálfara er það mjög óþægilegt að klára ekki leikina þegar tækifæri er til þess. Mér fannst við alltaf geta bætt við en við gerðum það aldrei." Gaman að koma með titilinn lieim til Eyja Þetta er fyrsti Íslandsmeistaratitill Alfreðs og eins og gefur að skilja var hann mjög ánægður með það. „Já ég er auðvitað mjóg stoltur og ánægður. Ég er hins vegar ekki í neinni geðshræringu því leikurinn olli mér vonbrigðum en tímabilið í heild var mjög ánægjulegt. Við spiluðum skynsaman og árangursríkan handbolta með sterkan varnarleik og góða markvörslu. Við Kiddi Guðmunds, þjálfari karlaliðsins, höfum hjálpast að í þessu og svo hefur maður notið þess að geta leitað í reynslubanka Ingibjargar Jónsdóttur. Hún er af gömlu Vestmannaeyjakynslóðinni sem maður óttaðist alltaf þegar maður kom hingað að spila. Hún hefur bundið saman miðju varnarinnar sem er ekki lítið atriði í okkar leik." Stuðningur áhorfenda var mjög góður gegn HK, hafði það ekki mikið að segja fyrir ykkur í leiknum? „Jú, það er það sem ég er að segja. Það var grátlegt að við skyldum ekki hafa spilað betur með þennan frábæra stuðning á bakinu. Ég fer ekki ofan af því að þetta eru bestu stuðningsmenn í heimi og ég er svo ánægður að geta loksins farið með bikar heim til Eyja. Ég vil nú ekki vera eins og væminn sápuóperuleikari en ég dýrka Vestmannaeyjar og ég er svo ánægður að geta komið með dolluna heim í kvöld með Herjólfi," sagði Alfreð að lokum.
Ingibjörg lék sinn síðasta leik
Ingibjörg Jónsdóttir, hinn reyndi leikmaður ÍBV, fagnaði síðasta Íslandsmeistaratitlinum sínum eftir leik en hún hefur gefið það út að tímabilið þennan veturinn sé hið allra síðasta. Fjölskyldan er að flytjast búferlum vegna náms og því ekki svo auðvelt að æfa handbolta með ÍBV næsta vetur. Ingibjörg var einmitt fyrirliði ÍBV þegar liðið fagnaði sínum fyrsta Íslandsmeistaratitli í áratugi veturinn 1999-2000 sem markaði upphaf gullaldartímabils kvennaliðs ÍBV í handbolta sem stendur reyndar enn. Hún sagði við blaðamann Frétta eftir leik að hún hefði ekki getað endað Íslandsmótið betur. „Þetta var það minnsta sem ég gat gert, að druslast til að vinna þennan leik," sagði hún, hálfmóð eftir fagnaðarlætin. Þetta var erfiðari leikur en margir áttu von á. „Já en við spiluðum bara enga vörn. Vorum að reyna of mikið sjálfar og það vantaði aðeins upp á samheldnina í dag. Við vorum held ég bara of stressaðar, kláruðum ekki brotin og vorum bara að spila illa." En mátti ekki búast við því að þetta yrði erfitt fyrir ykkur?”
Jeffs heldur til Svíþjóðar
Í síðustu viku kom það í ljós að enski miðvallarleikmaðurinn Ian Jeffs er genginn í raðir sænska úrvalsdeildarliðsins Örebro. Jeffs var samningsbundinn ÍBV og því þurftu Svíarnir að taka fram seðlaveskið en kaupverðið fékkst ekki uppgefíð. Jeffs kom á framfæri skilaboðum á heimasíðu ÍBV þar sem hann þakkar öllum þeim sem hann kynntist hjá ÍBV fyrir samveruna. Hann segist fullur tilhlökkunar að taka næsta skref á ferlinum og endar á því að segja að vonandi eigi hann eftir að fá tækifæri til að snúa aftur einn daginn. Þá þakkar hann forráðamönnum ÍBV sérstaklega fyrir að standa ekki í vegi fyrir brottför hans frá félaginu.
Naumt tap á heimavelli
3. flokkur karla átti að leika tvívegis um helgina, fyrst gegn Stjörnunni og svo gegn Víkingum. Stjarnan gaf leikinn og skráist ÍBV því sigurvegari í þeim leik 10:0. Strákarnir léku svo gegn Víkingum á sunnudaginn og töpuðu naumlega, 27:28.
Átta marka tap gegn KA
Nú er nánast ljóst að karlalið ÍBV í handbolta leikur í neðri deild á næsta tímabili en Eyjamenn töpuðu fyrir KA norðan heiða. Lokatölur urðu 33:25 eftir að staðan í hálfleik hafði verið 16:14 KA í vil. Þá vantaði þrjá sterka leikmenn í hóp ÍBV, Svavar Vignisson hefur verið meira og minna meiddur í vetur, Sigurður Bragason meiddist í vikunni og Erlingur fór ekki með í leikinn. Eins og áður sagði er staða ÍBV orðin hálf vonlaus, liðið getur mest náð 22 stigum þegár þrír leikir eru eftir en FH og KA eru jöfn í áttunda og níunda sæti með 21 stig.
Stórsigur hjá 3ja flokki
3. flokkur kvenna í knattspyrnu gerði sér lítið fyrir og kjöldró jafnaldra sína í HK þegar liðin mættust í Faxaflóamótinu um helgina. Lokatölur urðu 18:0 og skoruðu Eyjastúlkur níu mörk í hvorum hálfleik. Mörkin gerðu þær Guðlaug Sigríður Gunnarsdóttir 5, Þórhildur Ólafsdóttir 4, Eva María Káradóttir 3, Andrea Káradóttir 3, Bylgja Dögg Sigmarsdóttir 2, Fjóla Sif Ríkharðsdóttir 1.
Daginn eftir léku stelpurnar svo gegn Keflavík og töpuðu 5:3 eftir að hafa verið 5:0 undir í hálfleik. Stelpurnar skoruðu öll mörkin á síðustu tíu mínútum leiksins og aldrei að vita hvað hefði gerst ef leikurinn hefði verið aðeins lengri en engu að síður góður árangur í fyrstu leikjum liðsins.