Óskar Þór Sigurðsson (tæknifræðingur)
Óskar Þór Sigurðsson frá Sólhlíð 6, tæknifræðingur fæddist 26. mars 1960 og lést 17. desember 2007.
Foreldrar hans voru Sigurður Björn Viktorsson sjómaður á Siglufirði, f. 18. júní 1929, d. 20. apríl 2001, og barnsmóðir hans Guðrún Lísa Óskarsdóttir frá Sólhlíð 6, kennari f. 1. janúar 1936.
Barn Lísu:
1. Óskar Þór Sigurðsson tæknifræðingur, f. 26. mars 1960, d. 17. desember 2007. Kona hans Ásta Margrét Grétars Bjarnadóttir.
Börn Lísu og Ólafs Edvinssonar:
2. Andri Ólafsson trésmíðameistari, f. 20. febrúar 1965. Fyrrum kona hans Erna Jónsdóttir.
3. Súsanna Ólafsdóttir hestatamningamaður og -kennari, f. 5. mars 1968. Barnsfaðir hennar Jón Rúnar Arnarson. Maður hennar Guðmundur Björgvinsson.
Barn Sigurðar Viktors:
4. Ingvar Jósef Viktorsson, f. 31. júlí 1954.
Óskar var með móður sinni og síðar henni og Ólafi Edvinssyni á Hásteinsvegi 64 við Gos 1973.
Hann var 9 sumur í sveit hjá Jóni bónda Guðjónssyni og konu hans Jónu V. Jónsdóttur.
Óskar lauk landsprófi í Grunnskólanum í Hveragerði, stúdentsprófi á náttúrufræðibraut Flensborgarskólans í Hafnarfirði, námi í tæknifræði í Helsingör Teknikum í Danmörku 1994 með sérhæfingu í loftræstikerfum og pípulögnum.
Hann vann ýmis störf uns þau Ásta fluttu til Danmerkur haustið 1988. Þau fluttu til Þorlákshafnar, er þau komu heim 1994. Óskar Þór vann hjá Vinnueftirliti Ríkisins.
Þau fluttu norður í Aðaldal 1997 og ráku Shell-skálann á Húsavík til hausts 1999, en fluttu þá aftur til Þorlákshafnar. Þá hóf Óskar Þór störf hjá VGK verkfræðistofu (nú VGK-Hönnun) og vann þar til dánardægurs.
Óskar Þór var félagi í jeppaklúbbnum 4x4 og í fornbílaklubbnum.
Þau Ásta giftu sig 2000, eignuðust tvö börn.
Óskar Þór lést 2007.
I. Kona Óskars Þórs, (11. nóvember 2000), er Ásta Margrét Grétars Bjarnadóttir húsfreyja, f. 18. ágúst 1962. Foreldrar hennar voru Bjarni Snæbjörnsson, f. 7. júlí 1939, d. 23. mars 2022, og fyrri kona hans Sjöfn Ólafsdóttir húsfreyja, f. 11. nóvember 1944. Kjörfaðir Ástu Grétar Bergmann Ársælsson.
Börn þeirra:
1. Bjarki Óskarsson, f. 1. júní 1999.
2. Birta Óskarsdóttir, f. 1. júní 1999.
Heimildir
- Samantekt: Víglundur Þór Þorsteinsson.
- Íslendingabók.
- Morgunblaðið 6. janúar 2008. Minning.
- Prestþjónustubækur.
- Ættir Austur-Húnvetninga. Guðmundur Sigurður Jóhannsson og Magnús Björnsson. Mál og mynd 1999.
Þessi grein tilheyrir Æviskrám Eyjafólks eftir Víglund Þór Þorsteinsson.