Árni Magnússon (Fredensbolig)
Árni Magnússon vinnupiltur í Fredensbolig fæddist 1. október 1833 í Vatnahjáleigu í A-Landeyjum og lést 28. ágúst 1848.
Faðir Árna var Magnús bóndi í Syðri-Vatnahjáleigu í A-Landeyjum, Fagurhól og Kálfsstöðum, f. 20. september 1805, d. 10. júní 1862, Guðlaugsson bónda og hreppstjóra á Búðarhóli í A-Landeyjum Bergþórssonar.
Móðir Árna í Fredensbolig og kona Magnúsar Guðlaugssonar var Þuríður húsfreyja, skírð 18. mars 1801, d. 7. nóvember 1888, Ólafsdóttir bónda á Kirkjulandi í A-Landeyjum 1763-1778, Ólafssonar bónda þar Ólafssonar. Móðir Þuríðar og seinni kona (2. júlí 1796) Ólafs á Kirkjulandi var Guðrún húsfreyja, f. 1767, Diðriksdóttir bónda í Fíflholtshjáleigu Þórðarsonar.
Bróðir Árna var Magnús Magnússon bóndi á Vilborgarstöðum.
Árni var með foreldrum sínum í Syðri Vatnahjáleigu 1835, í Fagurhól í A-Landeyjum 1845.
Hann fluttist til Eyja 1846 og var vinnupiltur í Sorgenfri/Fredensbolig hjá Jóni Jónssyni Austmann og Rósu Hjartardóttur.
Árni hrapaði til bana úr Klifinu 1848.
Heimildir
- Samantekt: Víglundur Þór Þorsteinsson.
- Landeyingabók – Austur-Landeyjar. Valgeir Sigurðsson og fleiri. Ritstjóri: Ragnar Böðvarsson. Austur-Landeyjahreppur, Gunnarshólma 1999.
- Manntöl.
- Prestþjónustubækur.
Þessi grein tilheyrir Æviskrám Eyjafólks eftir Víglund Þór Þorsteinsson.