Una Þóra Ingimarsdóttir
Una Þóra Ingimarsdóttir frá Akureyri, húsfreyja, skrifstofumaður fæddist 17. apríl 1962.
Foreldrar hennar voru Ingimar Jón Þorkelsson frá Miðsitju í Blönduhlíð í Skagafirði, rafvélavirkjameistari á Akureyri, f. 7. febrúar 1930 í Litla-Dal í Blönduhlíð, d. 4. júní 1996, og Ósk Óskarsdóttir frá Akureyri, húsfreyja, f. 24. júní 1935, d. 30. ágúst 2020.
Una var með foreldrum sínum í æsku.
Hún útskrifaðist í gagnfræðaskólanum á Akureyri, lauk tveggja ára verslunarnámi þar. Hún stundaði nám í Ármúlaskólanum í Reykjavík, en lauk stúdentsprófi í Framhaldsskólanum í Eyjum.
Una flutti til Reykjavíkur 18 ára, var um skeið í Ármúlaskóla, vann síðan skrifstofustörf.
Þau Þór hófu búskap í Hafnarfirði, fluttu til Eyja 1989.
Þau stofnuðu byggingafyrirtækið 2-Þ í Eyjum og reka það.
Þau giftu sig 1994, eignuðust þrjú börn. Þau hafa búið á Ásavegi 23.
I. Maður Unu Þóru, (25. júní 1994), er Þór Engilbertsson húsasmíðameistari, f. 25. apríl 1954 í Hljómskálanum við Hvítingaveg 10.
Börn þeirra eru:
1. Tinna Ósk Þórsdóttir starfsmaður á Heilbrigðisstofnuninni, f. 18. desember 1990. Maður hennar Valur Smári Heimisson.
2. Alma Rós Þórsdóttir starfsmaður á skrifstofu ferjunnar Herjólfs, f. 30. júní 1995. Sambúðarmaður hennar Birkir Hlynsson.
3. Þórdís Eva Þórsdóttir starfsmaður á leikskóla, nemandi, f. 30. mars 1999. Sambúðarmaður Hafsteinn Valdimarsson.
Heimildir
- Samantekt: Víglundur Þór Þorsteinsson.
- Íslendingabók.is.
- Prestþjónustubækur.
- Una Þóra.
Þessi grein tilheyrir Æviskrám Eyjafólks eftir Víglund Þór Þorsteinsson.