„Taflfélag Vestmannaeyja“: Munur á milli breytinga

Á árunum eftir 2003 reis upp mikill áhugi á skák hjá yngri aldurshópum í Vestmannaeyjum og á næstu árum urðu krakkar úr félaginu fremstir á landsvísu ár eftir ár. Reyndar var haldið svokallað sýsluskákmót hér 10. maí 2001 af frumkvæði sýslumannsins. Það má einnig segja að á Jólamóti 2002 hafi margir af þessum strákum mætt á eitt af sínum fyrstu mótum, en á því móti sigraði [[Alexander Gautason]] í öðru sæti var [[Nökkvi Sverrisson]] í þriðja sæti [[Sindri Freyr Guðjónsson]], í fjórða sæti varð [[Hallgrímur Júlíusson]] og í fimmta sæti varð [[Kristófer Gautason]] sem reyndar var skráður á leikskólanum Sóla. Þarna voru einnig mættir bræðurnir [[Bjartur Týr Ólafsson]] og [[Ólafur Freyr Ólafsson]]. Þarna sáust því nöfn þessara sem mest voru áberandi á næstu árum og héldu uppi árangri í barnaflokkum félagsins næstu 7-9 árin.

En það sem mætti segja að hafi markað upphafið af þessum mikla uppgangi er líklega hið svokallaða skákævintýri, sem haldið var í Eyjum tvö ár í röð; 2004 og 2005 með þátttöku mikils fjölda krakka úr Eyjum og ofan af landi. Frumkvöðlar af þessu öllu saman sem með góðri samvinnu gerðu allt þetta mögulegt voru þeir þrír sem skipuðu stjórn TV á þessum tíma; [[Magnús Matthíasson]], [[Karl Gauti Hjaltason]] og [[Sverrir Unnarsson]], sem hver um sig sinnti afmörkuðu sviði uppbyggingarinnar.  Árangurinn lét ekki á sér standa, krakkar í Eyjum hópuðust í skák og það var "inn" að rústa skákmótum og má segja að krakkar úr Eyjum hafi um tíma verið skelfingaralda í augum skákkrakka á höfuðborgarsvæðinu, þegar þau mættu á mótin og tóku með sér alla góðmálma sem voru í boði. Hér skal stiklað á nokkrum mótum og viðburðum á þessu tímabili og tekur e.t.v. nokkur tíma að safna þessum upplýsingum saman:

* 2004 '''Mótaröð barna''', Sigurvegari mótaraðar barna: [[Ágúst Sölvi Hreggviðsson]].

* 2004 '''Deildakeppni barna''', Deildakeppni barna í Eyjum. Fyrsta deildakeppnin haldin í desember, fyrirkomulagið var oftast þannig að 8 manns kepptu í 1. og 2. deild, en rest í þeirri 3. Tveir neðstu í 1 deild kepptu næst í 2. deild og tveir efstu í 2 og 3 deild fóru upp um deild. Keppt var yfirleitt 10 eða 15 mínútna skákir sem var breyting frá þessum venjulegu 5 mínútna skákum sem oftast voru tefldar á æfingum : 29 keppendur alls, Sigurvegarar í deildum; 1 deild, [[Alexander Gautason|Alexander]] með 7 vinninga af 7. 2 deild, [[Hannes Jóhannsson|Hannes Jóh.]] með 5,5 vinninga af 7 og í 3 deild [[Patrik M. Rittmuller|Patrik Rittmuller]] með 5 vinninga.  

* 2005 '''Deildakeppni barna 2004-05''', Veturinnn 2004-05, 1 sæti með 22 stig [[Alexander Gautason|Alexander]], keppt var í 3 deildum og var keppt mánaðarlega heil umferð (des., jan., febrúar og apríl).

* 2006 '''Íslandsmót unglingasveita''', Garðabæ 25. nóvember, 4 sæti, Barnaskóli Vestmannaeyja A, [[Nökkvi Sverrisson|Nökkvi]], [[Bjartur Týr Ólafsson|Bjartur Týr]], [[Alexander Gautason|Alexander]], [[Hallgrímur Júlíusson|Hallgrímur]], og [[Sindri Freyr Guðjónsson|Sindri Freyr]]. B sveitin var í 8 sæti af 17 sveitum.

* 2007 '''Fréttapýramídinn''', 8. janúar, Taflfélag Vestmannaeyja hlýtur fráttapýramída Eyjafréttar, fyrir framlag til íþrótta.