„Sprang“: Munur á milli breytinga

Sem að líkum lætur fóru menn ekki óþjálfaðir í fjallaferðir, sér í lagi ekki þeir sem síga áttu í bjarg. Því fundu menn sér góða staði heima fyrir þar sem hægt var að æfa sig í fjallaklifri og sigi. Einn þekktastur slíkra staða í Vestmannaeyjum heitir [[„Undir Skiphellum“]].

Þarna voru allar aðstæður hinar ákjósanlegustu til að þjálfa verðandi fjallagarpa í öllum þeim kúnstum sem nota þurfti í fjallaferðum, svo sem [[lærvað]], [[tábragð | tábragði]], [[riði]], klifri og sprangi. Enn í dag þykir sá ekki maður með mönnum sem ekki getur sprangað skammlaust ofan af [[„Almenningi“]], sem er breið klettasylla u.þ.b. þrjá metra frá jörðu.

Þegar menn verða leiknir í íþróttinni taka við efri syllur með ýmsum nöfnum, svo sem [[„Stígvél“]], [[„Gras“]] og [[„Efsta tó“]]. Þá leika þeir bestu í íþróttinni einnig ýmsar kúnstir í loftinu, hnita hringi og steypa sér kollhnísa með miklum tilþrifum.