Smáeyjar

Mynd:Smáeyjar kort.PNG

Grasleysa, Hrauney, Hani, Hæna og drangurinn Jötunn

Smáeyjar eru fjórar litlar eyjar ásamt fjölda smáskerja. Eyjarnar liggja rétt vestur af Stafsnesi og er Hani stærst.

Hæna liggur syðst af þeim og er hún 57 m há. Þar urðu miklar gróðurskemmdir 1990 þegar brimaði yfir eyjuna í stormi. Flestir lundar í eyjunni urðu þar með heimilislausir og var allri veiði hætt í kjölfarið.

Norður af Hænu liggur Hani. Á Hana er áberandi hóll er nefnist Hanahöfuð og ber hæst um 87 m. Graslendi þekur eyjuna að mestu.

Næst í röðinni er Hrauney. Ofan á eyjunni eru áberandi grýttir hamrar sem stingast úr graslendinu. Bæði í Hrauney og í Hana eru veiðikofar og dálítil lundatekja auk þess sem fé er haft á beit.

Grasleysa liggur vestan Hrauneyjar, hún er álíka há og Hæna. Á eyjunni sést ekki stingandi strá eins og nafnið gefur til kynna.

Úr örnefnaskrá Gísla Lárussonar

Smáeyjar, séðar frá Norðurgarði.

Smáeyjar eru einu nafni nefndar 4 eyjar, er liggja ca ¼ mílu vestur af Dalfjalli, er Hæna syðst, og er austan í henni hellir stór, er róa má inn í; nefndur Kafhellir . Vestan við Hænu er skerjaklasi, Smáeyjasker og sunnan við þau hár, en örmjór drangur, Jötunn . Þá er Hani næstur, er efst á honum smáhamar, nefndur Hanahöfuð ; þá er næst Hrauney ; eru eggtindar á henni, en þúfumyndanir á Hænu og Hana. Er í eyjum þessum öllum gróður og vetrarbeit fyrir lömb, nema í Hænu, af því sjór gengur yfir hana á vetrum. Grasleysa er næst, því nær graslaus, og minnst þessara smáeyja, er dálítil fýla- og svartfuglatekja í henni. Hér vestur af er smásker, Nafar ; er það aðalbrimmerki eyjaskeggja við Landeyjasand; talið ófært, ef sjór gengur yfir hann. Þar norðan við er smásker, Pottur (eins og pottur á hvolfi).

Myndir

• 
• 
• 
• 
• 

---

Heimildir

• Gísli Lárusson. Örnefni á Vestmannaeyjum. Örnefnastofnun Íslands, 1914.