„Sjómannadagsblað Vestmannaeyja 2009/Starf vélstjórnarbrautar FÍV 2008-2009“: Munur á milli breytinga

Þann 4. jan. 2008 var vorönn Framhaldsskólans í Vestmannaeyjum sett. Við nám í ýmsum vélstjórnargreinum til vélavarðarréttinda voru 15 nemendur og 15 nemendur stunduðu nám á öðru stigi, þá voru nokkrir nemendur úr 10. bekk grunnskólans í valáfanga í málmsmíði. Námi til vélavarðarréttinda luku fjórir og einn útskrifaðist úr öðru stigi. Venja hefur verið að veita viðurkenningu einu sinni á ári fyrir góðan námsárangur við útskrift úr öðru stigi. Geisli raftækjavinnustofa hefur gefið vandaðan fjölsviðsmæli fyrir góðan árangur í rafmagnsfræðigreinum, Skipalyftan hefur gefið vandað skífmál fyrir góðan árangur í smíðagreinum og Vélstjórafélag Vestmannaeyja veitir þeim nemanda sem nær bestum árangri í vélstjórnargreinum vandað áletrað úr. Viljum við færa öllum þessum aðilum þakkir fyrir góðan stuðning við skólann og nemendur. Að þessu sinni hlaut Eyþór Björgvinsson allar viðurkenningarnar, en hann útskrifaðist á haustönninni 2007.<br>

Haustönnin 2008 hófst svo að loknum sumarleyfum þann 22. ágúst með hefðbundnum hætti. Ný aðalnámsskrá fyrir vélstjórnarnám tók gildi í júlí síðastliðnum, með henni verða nokkrar breytingar á náminu og það flokkað með öðrum hætti. Stigskiptingin í náminu er lögð af og í stað fyrsta stigs kemur nám til A réttinda, 38 eininga nám sem gefur möguleika á réttindum að 750 kW og í stað annars stigs er komið vélstjórnarnám til B réttinda 126 eininga nám sem gefur möguleika á réttindum að 1500 kW sem yfirvélstjóri og undirvélstjóri á skipum með allt að 3000 kW vélarafl. Á haustönninni voru 10 nemendur í byrjunaráföngum vélstjórnar, þar á meðal nemendur sem eru í stýrimannanámi við skólann og þurfa að taka vélstjórnar- og rafmagnsfræðiáfanga. Á öðru stigi voru 12 nemendur sem allir luku áföngum til vélstjórnarréttinda, í þeim hópi eru m.a. starfandi sjómenn sem eru að afla sér aukinna réttinda, þeir mæta vel þegar þeir eru í landlegum eða í fríum. Hluti námsins hjá þeim fer fram í gegnum námsskjá sem er eins konar fjarnámsbúnaður þar sem þeir sækja námsgögn og skila verkefnum. Haustönninni lauk svo þann 20. des síðastliðinn<br>Vorönnin 2009 var svo sett þann 5. janúar og hófst kennsla eftir hraðtöflu 6. janúar. Á vélstjórnarbraut eru þrettán nemendur, misjafnlega langt komnir í náminu í hinum ýmsu áföngum. Gert er ráð fyrir að fimm þeirra útskrifist úr II stigi eftir gamla kerfinu nú í maí og hafa þeir allir ákveðið að halda áfram í náminu og fara í nýja B námið til að afla sér aukinna réttinda. Einnig eru á vorönninni fimm nemendur í undanfaranámi fyrir rafvirkjun og þrír í grunndeild málmiðna. Þá eru nemendur úr grunnskólanum í valáfanga í málmsmíði og er þetta mesti fjöldi þeirra sem verið hefur enda varð að skipta þeim í tvo hópa. Í marsmánuði voru haldnir opnir dagar, þá sameinuðust nemendur af hinum ýmsu brautum skólans og smíðuðu verðlaunagripi fyrir árshátíðina. Nú á breyttum tímum í þjóðfélaginu er vert að benda ungu fólki og þeim sem eldri eru á möguleikana sem vélstjórnar- og iðnnám gefur til fjölbreyttari atvinnumöguleika, atvinnuréttinda og tryggari framtíðarkjara. Skólinn hefur í gegnum tíðina notið velvildar ýmissa útgerðarmanna og annarra sem hafa gefið honum ýmis tæki og tól sem nýtast við kennsluna, viljum við þakka þeim þann hlýhug sem þeir sýna með þessu. Nemendur og starfsmenn skólans vilja færa sjómönnum góðar óskir um gott brautargengi í framtíðinni og óska þeim til hamingju með daginn.<br>

'''Kynning á sjómönnum'''<br>

''Nafn'': Sigmar Þröstur Óskarsson<br>''Fœðingardagur og ár'': 24. 12.

1961<br>

''Hvað viltu fá á pulsuna'': Ekkert.<br>''Númer hvað eru stigvélin þín'': 45.<br>''Fylgjandi inngöngu Íslands í ESB'': Já, en ekki Vestmannaeyjar.<br> ''Uppáhaldsvefsiða'': Eyja síður.<br>

''Eitthvað að lokum'': Munum eftir öryggismálunum.<br>  

    

'''Kynning á sjómönnum'''<br>

''Nafn'': Guðmundur Huginn Guðmundsson<br>

''Fœðingardagur og ár'': 29 maí 1960<br>