„Sjómannadagsblað Vestmannaeyja 2009/Minning látinna“: Munur á milli breytinga

<big>'''Þorvaldur Þorvaldsson'''</big><br>

'''F. 13. mars 1948 - D. 2. mars 2009'''<br>

Þorvaldur Þorvaldsson fæddist í Vestmannaeyjum 13. mars 1948. Hann lést á Sjúkrahúsinu á Akranesi 2. mars 2009. Foreldrar hans voru Sigríður Einarsdóttir, f. 5.2. 1922, d. 9.6.  

1989 og Hans Þorvaldur Sveinsson, f. 16.10. 1913, d. 23.7. 1947, og , kynntist Þorvaldur aldrei föður sínum. Fósturfaðir Þorvaldar var Sigurður Jóhannesson, f. 20.8. 1925, d. 4.4. 2006. Systkini Þorvaldar eru Gunnar, f. 8.7. 1939, Elín, f. 11.10. 1941, Anna Sigurlaug, f. 19.3. 1944, Sæunn,f. 8.5. 1946, Erla, f. 25.12. 1950, Halldór, f. 19.12. 1953, Einar, f. 26.3. 1955, Björk, f. 7.5. 1957, Sæmundur, f. 5.2. 1960 og Sigurður, f. 27.2. 1964, d.5.8. 1990.<br>

Þorvaldur kvæntist 28.12. 1979 Sigríði Björk Þórisdóttur, f. 12.7. 1951. Hún er dóttir Þóris Valdimars Ormssonar, f. 28.12. 1927 og Júlíönu Svanhildar Hálfdánardóttur, f. 4.5. 1932. Börn Þorvaldar og Sigríðar eru 1) Svanhildur Margrét Ólafsdóttir, f. 9.5. 1970, maki Jón Þór Þorvaldsson, f. 13.2. 1979. Börn hennar eru Eyþór Freyr, f. 26.4. 1994, Smári Hrafn, f. 4.11. 1995 og Dagbjört Diljá, f. 3.12. 1999. Sonur þeirra er Þorvaldur, f. 29.3. 2007. 2) Þórir Valdimar Indriðason, f. 8.3. 1974, maki María Hrund Guðmundsdóttir, f. 15.2. 1974, sonur þeirra er Hafþór Örn, f. 29.4. 1996. 3) Anna Heiðrún, f. 28.9. 1980, maki Samúel Helgason, f. 12.4. 1980. Börn þeirra eru Alexandra Líf, f. 9.3. 2001 og Helgi, f 7.10. 2006. 4) Þorvaldur Ægir, f. 24.9. 1985.<br>

Þorvaldur var sjómaður nær alla sína tíð, lengst á togaranum Vestmannaey frá Vestmannaeyjum. Hann var mikill stuðningsmaður knattspyrnuliðsins Manchester United og meðlimur í Golfklúbbi Borgarness þar sem hann fann sig í golfinu. Hann var einnig mikill áhugamaður um bridge.<br>

Minning Þorvaldar Þorvaldssonar, eða Valda eins og við kölluðum hann, er í mínum huga tengd því sem er varanlegt eða gott og endist. Nýlega var ég að lesa í Spekiriti Síraks, eða Síraksbók, þar sem hann kemur inn á svo margt sem er til heilla í mannlegu lífi. Þar segir einstaklega fallega:<br>

„Gjafir Drottins reynast guðræknum varanlegar, velþóknun hans veitir ævarandi heill.“ Og þegar ég frétti af andláti Þorvaldar kom þetta vers strax upp í hugann enda var þessi lífsspeki enn í fersku minni.<br>

Sumt er þannig í mannlegum samskiptum að það endist og reynist vera til heilla, öllum sem tengjast vináttuböndum.<br>

Valdi var í ein 25 ár í skipsrúmi hjá okkur, og þótt hann flytti upp í Borgarnes kom aldrei annað upp í huga nokkurs er til þekkti að það breytti nokkru um plássið hans sem Eyjamaður. Valdi byrjaði hjá okkur á gömlu Vestmannaey Ve 54 í júlí 1978. Hann flutti í Borgarnes 1982 og kom aftur til okkar 1987 og þá á Vestmannaey sem frystitogara. Þegar Vestmannaey kom svo ný frá Póllandi byrjaði Valdi þar. í hugum útgerðarmanns og skipverja sem voru honum samskipa á hverjum tíma var hann ómetanlegur.<br>

Valdi var í eðli sínu einstaklega trúr því sem hann tók sér fyrir hendur. Trúmennskan einkenndi hann hvort sem við sáum hann sem fjölskyldumann, Eyjamann eða í starfi sínu til sjós. Hann unni starfi sínu, vann það vel og vildi að allt um borð væri í föstum skorðum og hlutirnir rétt gerðir. Hann sinnti skyldustörfum sínum af kostgæfni, var vinnufús og sístarfandi og afar traustur til sjós. Vandfundinn er sá sjómaður sem heldur slíkri tryggð. Vandfundinn er sá sem skipar slíkt pláss í hugum allra er með honum róa og með honum starfa. Úr því verða sterk tryggðabönd.<br>

Varla er hægt að minnast Valda áns þess að víkja að ástríðufullum áhuga hans á fótbolta og hinu mikla dálæti hans á Manchester United. Fátt veitti honum meiri gleði en ferðirnar sem hann fór til Manchester til að sjá liðið sitt spila á Old Trafford, enda fengum við vinnufélagar hans oft að heyra skemmtilegar frásagnir af ferðunum.<br>

Guð blessi minningu Þorvaldar og veiti ástvinum hans huggun, styrk og frið.<br>

<div style="text-align: right; direction: ltr; margin-left: 1em;">'''Magnús Kristinsson, útgerðarmaður'''</div><br>