„Sjómannadagsblað Vestmannaeyja 1992/Stýrimannaskólinn“: Munur á milli breytinga

   

Stýrimannaskólinn var að venju settur í upphafi september s.l. Þá var að ljúka hálfsmánaðar inntökunámskeiði.<br>

Í 1. stigi voru 13 nemendur og í 2. voru þeir 15.<br>

Skólaslit í fyrra 1991, voru 18. maí. Það var í 25. sinn að þau voru haldin. Heiðursgestir voru: [[Björn Guðmundsson]] fyrrverandi útgerðarmaður, [[Brynjúlfur Jónatansson]] tækjakennari skólans, [[Guðjón Ármann Eyjólfsson]] skólastjóri Stýrimannaskólans í Reykjavík, [[Guðlaugur Gíslason]] fyrrverandi alþingismaður og Guðrún Sigurjónsdóttir heimavistarstjóri.<br>

Í 1. stigi var Haraldur Þ. Gunnarsson efstur með meðaleinkunn 9,19, annar varð Guðmundur Þ. Tómasson með 9,05 og þriðji Jón H. Sigurbjörnsson með 9,00 í meðaleinkunn. Að auki útskrifaðist Jón þennan dag frá [[Framhaldsskólinn í Vestmannaeyjum|Framhaldsskólanum]] með stúdentspróf. Þessir eru allir frá Eyjum.<br>

Í 2. stigi varð Njáll Kolbeinsson Vestmannaeyjum efstur með 8,88 í meðaleinkunn. Annar Hinrik Haraldsson Höfn með 8,52 og þriðji Ágúst Kárason Neskaupstað með 8,33.<br>

Viðurkenningar fyrir námsárangur hlutu: Njáll Kolbeinsson loftvog frá Sigurði Einarssyni forstjóra, sjónauka frá Útvegsbændafélaginu, og Verðandaúrið frá [[S/s Verðandi|S/s Verðanda]]. Ágúst Kárason fékk bókaverðlaun frá Rótaryklúbbnum fyrir hæstu einkunn í Íslensku og bókaverðlaun fyrir hæstu einkunn í Dönsku frá danska sendiráðinu, einnig fékk Gísli B. Konráðsson samskonar verðlaun. Ágúst og Njáll fengu sérstök bókaverðlaun fyrir frábærar lokaritgerðir í Íslensku frá [[Sigurgeir Jónsson|Sigurgeir Jónssyni]] kennara og Ágúst fékk einnig bókaverðlaun frá [[Bjarni Jónasson|Bjarna Jónassyni]] kennara fyrir athyglisverðan árangur í veðurfræði. Að lokum fékk Ragnar Waage Pálmason verðlaun frá [[Eyjabúð]] fyrir ástundun og framfarir í námi.<br>

Sem fyrr mættu gamlir nemendur skólans á skólaslit og færðu gjafir í sjóði hans. [[Kolbeinn Ólafsson]] kaupmaður, sem útskrifaðist, þegar 1. útskrift skólans var 1965, var mættur ásamt eiginkonu sinni Mary Njálsdóttur. Þau eru foreldrar Njáls dux, gáfu þau 25 þúsund krónur í minningarsjóð [[Steingrímur Arnar|Steingríms heitins Arnar]] kennara.<br>

Þegar þetta er skrifað er á leið til landsins tækjabúnaður, sem skólinn kaupir frá Englandi. Þarna er um að ræða siglinga- og fiskveiðisamlíkir. Stjórnpallur eins og þeir gerast í íslensku fiskiskipi. Þarna er hægt að líkja eftir störfunum þar. Við teljum að þarna sé komið tæki, sem muni valda byltingu í tækjakennslu skólans. Stjórnendur skólans eru þakklátir fjárveitinganefnd og alþingi fyrir góð viðbrögð þegar þangað var leitað eftir fjárstuðningi við kaupin á þessum búnaði. Það gekk mjög vel.<br>