„Sjómannadagsblað Vestmannaeyja 1985/ Limrur Hlymreks á sextugu“: Munur á milli breytinga

Í Seley fannst sjórekinn háfur;

menn sögðu þar strax ... Þetta er máfur. ..

Þeir trúa í blindni

á frumleik og fyndni

en fordæma hagnýtar gáfur.

Að huga ekki að náungans högum né hlusta eftir illgjörnum sögum lýsir áhugaskorti

á íslensku sporti

og ætti að barmast með lögum.

Það er ekki andskotalaust hvað undarlegt fólk er í haust; jafnvel biskupinn kvað

sjást með klámmyndablað og kyrjandi popplög við raust.

Hverjum stjórnmálaflokki er svo farið að hann forðast að taka af skarið: spurð hvað milljón sé stór

svarar miðstjórn í kór:

,,Það er misjafnt. Hver biðurum svarið?"

„Það er aumingi austur í Vík sem á ekki heillega flík." ,,Hvernig má þetta vera? Þar er mikið að gera

og meðaltalsfjölskyldan rík!"

Í YFIRSETU

Eg hef óbeit og andstyggð á prófunum sem orku- og vitsmunasóunum.

en hitt væri gaman að safnast hér saman

og syngja og klappa með lófunum.

Það er barnafólk suður á Bökkum, uppi á Brekku er allt fullt af krökkum. en niðri á Eyri

er auðlegð meiri

og ófrjóvgi tekið með þökkum.

Veistu af hverju eg er svona sprækur og andi minn tær eins og lækur

og hugsunin klár

eftir öll þessi ár?

Það er af því að eg les ekki bækur.