„Sjómannadagsblað Vestmannaeyja 1959/ Þorvaldur Guðjónsson, skipstjóri“: Munur á milli breytinga

<center><big><big>'''[[Þorvaldur Guðjónsson|Þorvaldur Guðjónsson]], skipstjóri'''</big></big></center><br>

<center><big>'''Fæddur 10. Mars 1893. Dáinn 13. Apríl 1959.'''</big></center>

[[Mynd:Þorvaldur Guðjónsson Sdbl. 1959.jpg|vinstri|thumb]]

Foreldrar Þorvaldar voru þau hjónin [[Ingveldur Unadóttir (Sandfelli)|Ingveldur Unadóttir]] og [[Guðjón Jónsson (Sandfelli)|Guðjón Jónsson]], bæði ættuð undan Eyjafjöllum og þar fæddist Þorvaldur. Hann var heitinn eftir Þorvaldi hinum ríka á Þorvaklseyri, þeim er þótti hæfilegt að narra Aagaard sýslumann með grjótinu. Systkini Þorvaldar voru alls 9, efnis- og atgjörvisfólk, sem alls staðar sópaði að, hafa þau systkyni erft harðfylgi föðurins, en jafnframt í ríkum mæli blíðu móðurinnar. Einkabróðir Þorvaldar var Hallgrímur, voru þeir bræður mjög samrýmdir og saknaði Þorvaldur hans mjög, þótt lítt léti hann á sjá, en Hallgrímur drukknaði af vélbát á leið frá Reykjavík til Vestmannaeyja.<br>

Síðustu árin átti Þorvaldur heimili að Vitastíg 8 í Reykjavík og þar hafði kona hans, Klara Guðmundsdóttir, búið honum vistlegt heimili, og hennar umönnunar naut hann í ríkum mæli í erfiðleikum sjúkdómsins síðustu mánuðina. Þorvaldi Guðjónssyni varð ekki barna auðið, en kjördóttir átti hann, Hörpu að nafni, og reyndist henni sem bezti faðir, enda með afbrigðum barngóður. Þorvaldur Guðjónsson var höfðinglegur maður, höfðingi í lund og kunni vel með höfðingjum að vera, sem öðrum. Þjóðin oll, ástvinir hans og við samferðamennirnir stöndum í mikilli þakkarskuld við þennan síglaða og æðrulausa atgjörvismann. Hans er gott að minnast.<br>

'''[[Páll Þorbjörnsson]]'''<br>

{{Sjómannadagsblað Vestmannaeyja}}