„Sigurður Sveinsson í Nýborg“: Munur á milli breytinga

'''Sigurður Sveinsson í Nýborg''' bóndi, útgerðarmaður og snikkari fæddist 28. júlí 1841 að Rauðafelli u. Eyjafjöllum og lézt 11. maí 1929 í Eyjum.  

==Ætt og uppruni==

Foreldrar hans voru Sveinn bóndi á Rauðafelli, f. 1800, sonur Jóns prests „mjóa“ í Stóradalsþingum u. Eyjafjöllum Jónssonar og fyrri konu Jóns, Ingveldar húsmóður, f. í september 1771, d. 2. júlí 1823, Sveinsdóttur prests í Hraungerði, Halldórssonar. Móðir Sigurðar í Nýborg og kona Sveins bónda var Þórunn húsmóðir, f. 1796, dóttir Ólafs bónda á Raufarfelli, f. 1766, Eiríkssonar og konu Eiríks Þorbjargar Jónsdóttur, f. 1767 í Vestmannaeyjum.<br>

==Ættbogi í Eyjum==

Eiríkur og Þorbjörg voru afi og amma [[Gísli Engilbertsson (eldri)|Gísla Engilbertssonar]] verzlunarstjóra, föður [[Engilbert Gíslason | Engilberts listmálara]], [[Elínborg Gísladóttir | Elinborgar húsfreyju í Laufási]], Þórarins á Lundi, Guðfinnu og Katrínar.<br>

Dóttir Jóns „mjóa“ var Anna kona Stefáns stúdents í Selkoti Ólafssonar, en þau voru foreldrar Gísla Stefánssonar kaupmanns og útgerðarmanns í Eyjum, föður [[Jes A. Gíslason | sr. Jes]],[[Ágúst Gíslason | Ágústs Gíslasonar]], [[Jóhann Gíslason|Jóhanns]] (Jóa á Hól), [[Ásdís Gísladóttir|Ásdísar]] konu [[Gísli J. Johnsen | Gísla J. Johnsen]], [[Friðrik Gíslason | Friðriks]] ljósmyndara, [[Guðbjörg Gísladóttir|Guðbjargar Jónínu]] fyrrum konu [[A.L. Petersen]], síðar gift [[Sæmundur Jónsson|Sæmundi Jónssyni]] frá [[Jómsborg]]; og föður [[Kristján Gíslason|Kristjáns]] og [[Stefán Gíslason|Stefáns]].<br>

==Lífsferill==

Fjölmennt var í Nýborg bæði af landverkafólki og sjómönnum, sem voru á vegum Sigurðar. Meðal þeirra má nefna [[Tómas Ólafsson]] föður [[Magnús Tómasson | Magnúsar á Hrafnabjörgum]]. Þar var um hríð Páll nokkur Gíslason ættaður úr Mýrdal. Var hann hagyrðingur ágætur, en þótti nokkuð níðskældinn, einkum við skál. Kom þeim Sigurði heldur illa saman og mun það hafa verið frekar Páls. Þau Þóranna  og Sigurður veittu mörgum fátækum einstæðingum og gamalmennum skjól og munu hafa þegið styrk frá sveitinni fyrir það, ekki ósvipað og elliheimili gera  

Maki I, (barnsmóðir, bústýra, slitu samvistir 1881): [[Guðrún Árnadóttir (Nýborg)|Guðrún Árnadóttir]], f. 26. ágúst 1854 að Stóru Heiði í Hvammshreppi í V-Skaftafellssýslu. Foreldrar hennar voru Árni Gíslason sýslumaður í V-Skaftafellssýslu og barnsmóðir hans Þuríður Guðmundsdóttir frá Drangshlíð. Guðrún giftist síðar [[Eggert Ólafsson (Götu)|Eggert Ólafssyni]] í Götu.<br>

Barn þeirra var [[Árni Sigurðsson (Götu)|Árni Sigurðsson]], f. um 1874.<br>

Maki II, (barnsmóðir, vinnukona í Nýborg): [[Sigríður Sighvatsdóttir (Vilborgarstöðum)|Sigríður Sighvatsdóttir]], dóttir [[Sighvatur Sigurðsson (Vilborgarstöðum)|Sighvats bónda Sigurðssonar]] á [[Vilborgarstaðir| Vilborgarstöðum]]<br>

Barn þeirra var [[Júlíana Sigurðardóttir (Búastöðum)| Júlíana Guðríður Ingveldur Sigurðardóttir, (Júlla á Búastöðum)]], f. 19. júlí 1886, d. 29. október 1976, húsfreyja á [[Búastaðir vestri | Vestri Búastöðum]], kona [[Pétur Lárusson|Jóhanns ''Péturs'' Lárussonar.]]<br>

Maki III, (vígsla 1891): [[Þóranna Ingimundardóttir]] ljósmóðir frá [[Gjábakki | Gjábakka]], f. 16. janúar 1859 í Eyjum, d. 14. marz 1929. Foreldrar hennar voru [[Ingimundur Jónsson]] hreppstjóri og k.h. [[Margrét Jónsdóttir (Gjábakka)|Margrét Jónsdóttir]] frá [[Gjábakki | Gjábakka]]. Þórunn hafði verið vinnukona og bústýra í Nýborg frá 1881, lærði til ljósmóður í Reykjavík 1885 og var starfandi í Eyjum frá 1885-1924.<br>

Börn þeirra Sigurðar voru:  

#[[Þórunn Anna Jóhanna Sigurðardóttir (Nýborg)|Þórunn Anna Jóhanna]], f. 4. júní 1884. Hún fórst af Björgólfi við Klettsnef 16. maí 1901.  

#[[Jónína Steinunn Sigurðardóttir]] húsfreyja á [[Háeyri]], f. 15. nóv. 1890, d. 31. marz 1970.  

#[[Sigmundur Sigurðsson (Nýborg)|Sigmundur]], f. 13. sept. 1895, d. 28. ágúst 1896. <br>

 

[[Flokkur:Bæjarfulltrúar]]

[[Flokkur:Fólk fætt á 19. öld]]

[[Flokkur:Íbúar við Njarðarstíg]]