„Sigfús Jörundur Johnsen“: Munur á milli breytinga

'''Sigfús Jörundur Árnason Johnsen''' fæddist í Vestmannaeyjum 25. nóvember 1930 og lést 2. nóvember 2006. Foreldrar hans voru [[Margrét Marta Jónsdóttir]] (fædd að Kirkjulandi í Landeyjum 5. mars 1895, dáin 15. maí 1948) og [[Árni J. Johnsen]] (fæddur í [[Frydendal]] 13. október 1892, dáinn 15. apríl 1963).

Eftirlifandi eiginkona Sigfúsar er [[Kristín Sigríður Þorsteinsdóttir]]. Börn þeirra eru [[Þorsteinn Ingi Sigfússon|Þorsteinn Ingi]], [[Árni Sigfússon (borgarstjóri)|Árni]], [[Gylfi Sigfússon|Gylfi]], [[Margrét Sigfúsdóttir|Margrét]], [[Þór Sigfússon|Þór]] og [[Sif Sigfúsdóttir|Sif]].

Eftir brautskráningu frá Verslunarskóla Íslands og kennarapróf gerðist Sigfús kennari og síðar yfirkennari við [[Gagnfræðaskólinn í Vestmannaeyjum|Gagnfræðaskólann í Vestmannaeyjum]].  

Eftir flutning til Reykjavíkur 1969 starfaði hann lengst af sem kennari við Vogaskóla og síðar félagsmálastjóri í Garðabæ.

Hann var virkur í starfi [[Sjálfstæðisflokkurinn|Sjálfstæðisflokksins]] frá unga aldri og gegndi ýmsum trúnaðarstörfum á þeim vettvangi, s.s. formennsku [[Eyverjar|Eyverja]], félags ungra sjálfstæðismanna í Vestmannaeyjum, varaformennsku í Sambandi ungra sjálfstæðismanna, varaþingmennsku fyrir Suðurlandskjördæmi og formennsku í félagi sjálfstæðismanna í Hóla- og Fellahverfi í Reykjavík.

Sigfús var frumkvöðull í ferða- og samgöngumálum á yngri árum, stofnaði Eyjaflug til að bæta samgöngur milli lands og Eyja og stofnaði og rak ferðaskrifstofu frá Vestmannaeyjum sem þúsundir landsmanna nýttu. Sigfús var fram eftir aldri virkur bjargveiðimaður í Eyjum og var kjörinn heiðursfélagi í Bjargveiðifélagi [[Bjarnarey|Bjarnareyinga]] 2004. Sigfús var virkur í starfi Freeport-klúbbsins og formaður hans um tíma. Þá starfaði Sigfús um árabil í [[Gídeonfélagið|Gideon-hreyfingunni]].

{{Heimildir|

* Morgunblaðið, 4. nóvember 2006.}}

[[Flokkur:Kennarar]]

[[Flokkur:Fólk fætt á 20. öld]]

[[Flokkur:Fólk dáið á 21. öld]]

[[Flokkur:Íbúar við Kirkjubæjarbraut]]