„Ritverk Árna Árnasonar/Samúel Bjarnason mormónaprestur“: Munur á milli breytinga

'''Samúel Bjarnason''' bóndi í [[Garðar við Kirkjubæ|Görðum við Kirkjubæ]], fæddist 22. apríl 1823 og lést 16. ágúst 1890 í Spanish Fork, Utah.  <br>

Faðir hans var Bjarni  bóndi á Strönd og Keldnaseli á Rangárvöllum, Helgusöndum og Efri-Kvíhólma undir Eyjafjöllum, f. 21. febrúar 1799 í Keldnaseli (mt. 1816: á Reyðarvatni), d. 25. apríl 1877 í Efri-Holtum, [[Jón Jónsson (Háagarði)|Jónsson]] bónda í Keldnaseli, f. 1768 á Ægissíðu, skírður 3. apríl það ár, d. 28. febrúar 1845 á Galtalæk, og fyrri konu, (24. maí 1798), Jóns, Valgerðar Guðbrandsdóttur, f. 1761, d. 16. apríl 1801. (Sjá ætt hennar á síðu Jóns í Háagarði). <br>

Móðir Samúels mormóna og barnsmóðir Bjarna á Strönd var Margrét, f. 6. maí 1797, d. 15. maí 1837, Gísladóttir bónda í Hólshúsum í Höfnum, f. 1750, d. 12. maí 1807, Kjartanssonar bónda í Vorsabæ í Ölfusi, f. 1719, Helgasonar. Móðir Margrétar og kona Gísla var Guðrún, skírð 30. ágúst 1765, d. 27. apríl 1836, Hansdóttir bónda í Kotmúla í Fljótshlíð, f. 1730, d. 22. október 1791, Bergsteinssonar.<br>

I. Barnsmóðir Samúels:<br>

[[Halldóra Jónsdóttir (Steinsstöðum)|Halldóra Jónsdóttir]] frá Söndum í Meðallandi, V-Skaft., síðar húsfreyja á [[Steinsstaðir|Steinsstöðum]], kona  [[Sigurður Vigfússon (Steinsstöðum)|Sigurðar Vigfússonar]] bónda. Barnið var<br>

1. Halldóra Samúelsdóttir, f. 1844. Hún var hjá Margréti föðurmóður sinni á [[Vesturhús]]um 1845, með móður sinni og fósturföður á Steinsstöðum 1850, vinnukona í [[Godthaab]] 1860, var sjálfrar sín í Grímshjalli 1870, fór á því ári til Vesturheims. Maður hennar var Friðrik G. Hansen frá Danmörku.<br>

II. Kona Samúels var:<br>

[[Margrét Gísladóttir (Görðum við Kirkjubæ)|Margrét Gísladóttir]] húsfreyja, f. 20. nóvember 1822, d. í Spanish Fork 14. júní 1914. <br>

Hún var hálfsystir, (af sama föður), [[Þorgerður Gísladóttir|Þorgerðar Gísladóttur]], fyrri konu [[Sigurður Sigurfinnsson|Sigurðar Sigurfinnssonar]] hreppstjóra. Móðir Margrétar var [[Sigríður Guðmundsdóttir (Kokkhúsi)|Sigríður Guðmundsdóttir]] fyrsta kona Gísla Andréssonar, síðar í Görðum <br>

Barn þeirra Margrétar var Sigríður, skírð í Eyjum 14. júlí 1850, d. 24. nóvember 1851.<br>

Hann mun hafa komið ungur til Eyja og alist um skeið upp á [[Miðhús]]um.<br>

Hann tók mormónatrú í Eyjum fyrir áhrif frá íslenskum trúboðum, sem tekið höfðu trú í Danmörku og fékk prestvígslu hjá Lorensen sendiboða dönsku mormónasamtakanna. Samúel skírði fólk til mormónatrúar og olli það yfirvöldum miklum áhyggjum og hlutust af starfseminni kærur og málaferli. (Vísast á greinar [[Sigfús M. Johnsen|Sigfúsar M. Johnsen]] í [[Blik|Bliki]] og kafla um mormónana í [[Saga Vestmannaeyja|Sögu Vestmannaeyja]]).<br>

Árið 1850 eru þau Margrét skráð í [[Jónshús]]i, bæði 28 ára.  Þar eru einnig [[Margrét Gísladóttir (Jónshúsi)|Margrét Gísladóttir]] 53 ára, sem mun vera móðir hans, og maður hennar [[Guðmundur Guðmundsson (Jónshúsi)|Guðmundur Guðmundsson]] 55 ára, f. í Sigluvíkursókn.<br>

Þau Samúel og Margrét lögðu upp til Utah 1854. Í Utah nam Samúel stórt land, 160 ekrur, og bjuggu þau hjón þar góðu búi í 34 ár. Þar andaðist Samúel nær sjötugur 1890, en kona hans lifði hann lengi og varð háöldruð, dó 1914. Þau voru að sögn [[Sigfús M. Johnsen|Sigfúsar M. Johnsen]] fyrstu íslensku hjónin, sem fluttust til Utah. <br>

*[[Blik]].

* Eyjar og úteyjalíf – Úrval verka [[Árni Árnason (símritari)|Árna Árnasonar]] símritara frá [[Grund]]. Sögufélag Vestmannaeyja í samstarfi við Safnahús Vestmannaeyja 2012.}}