„Oddstaðir“: Munur á milli breytinga

'''Oddsstaðir''' voru tvær jarðir. Í Jarðabók Árna Magnússonar er sagt að hún sé fjögur kýrfóður. Upphaflegt heiti bæjarins var ''Oddastaðir'', en um 1600 víkur það fyrir núverandi heiti.

Oddsstaðir töldust til Elliðaeyjajarða og fylgdi þeim jörðum 30 sauða beit þar í ey, ásamt hinum ýmsu nytjum sem fyrir finnast í eynni.

Norðaustur í Oddsstaðatúni var strýtulaga grashóll, sem kallaðist '''Strýtuhóll''' eða '''Útburðarhóll'''. Margir héldu að nafnið Útburðarhóll sé dreginn af því að þar væri grafinn útburður og að sögðust menn heyra þar útburðavæl, en Guðjón Jónsson bóndi á Oddsstöðum sagði að nafnið væri dregið af því að þangað hafi aska verið borin frá [[Presthús]]um. Suður af Vestri-Oddsstöðum var grashóll sem bar nafnið '''Stórihóll''', en þar átti huldu fólk að búa og vildi Guðjón bóndi að hann yrði algjörlega látinn í friði. Fyrir sunnan Stórahól er '''Stóralág''', lítil flöt sem er talið hafa verið gamalt garðstæði eða akurgerði og voru börn þar oft að leik. Austan við Stórulág og Stórahól var '''Litlihóll''' en síðar var þar reistur útbúinn kartöflukofi. Þegar hann var fjarlægður kom í ljós að hann reyndist vera öskuhaugur. Í norðausturhorni túnsins, norðan við Eystri-Oddsstaði, var slægjublettur sem kallaðist '''Rófa'''.

Á Oddstöðum var ávallt líf og fjör, enda var það fjölmennt heimili. Á veturna var fólk inni og spilaði, en á sumrin og haustin var gjarnan farið í útileiki og var fullorðna fólki ekki síðri við að taka þátt.