„Minningarvefur um Pál Steingrímsson/Æskuárin í Vestmannaeyjum“: Munur á milli breytinga

Lífríkið og náttúran í Eyjum var fljót að heilla Pál og eyddi hann ófáum stundum við sjávarlónið og í fuglabyggð nærstandandi fjalla (Páll Magnússon o.fl., 2016). Ungur að árum hóf hann að fanga ýmis dýr og uni hann sér við að skoða þau nánar. Hann tók síðar meir upp á því að mynda og segja sögu náttúrulífsins sem var morandi allt í kringum Eyjarnar (Ólafur J. Engilbertsson, 2009). Eins og aðrir ungir drengir í Vestmannaeyjum á þessum tíma, þá byrjaði Páll ungur að vinna. Hann vann í fiski frá frá 12 ára aldri þar sem hann ísaði á bryggjunum þegar aflahrotur skiluðu sér inn (Er enn á fullu í gerð heimildarkvikmynda, 2015). Hann hélt fyrst til sjós 17 ára gamall á bátnum Guðrúnu VE. Öll ný upplifun fannst honum spennandi og var glíman við 200 punda lúðu eitt af ævintýrunum (Páll Magnússon o.fl., 2016). Páll starfaði einnig sem leiðsögumaður á sínum yngri árum þar sem hann aðstoðaði meðal annars fuglaskoðara og myndatökumenn og leiddi þá um Eyjarnar (Ólafur J. Engilbertsson, 2009).

{{Páll Steingrímsson}}