„Loftur Guðmundsson (kennari)“: Munur á milli breytinga

'''Loftur Guðmundsson''' fæddist 6. júní 1906 að Þúfukoti í Kjós og lést 29. ágúst 1978. Kona Lofts var [[Tala Klemenzdóttir]] úr Mýrdal og áttu þau synina [[Guðmundur Marino Loftsson|Guðmund Marino]], [[Indriði Loftsson|Indriða]] og [[Gunnar Heiðar Loftsson|Gunnar Heiðar]]. Loftur dvaldist um 12 ára skeið við kennslustörf í Eyjum, kenndi við Barnaskólann frá 1933 til 1945.

Í Eyjum stundaði hann einnig ritstörf og samdi meðal annars leikritið Brimhljóð sem var eitt af hans þekktari leikritum. Af bókum eftir Loft má nefna ''Jónsmessunæturmartröð á fjallinu helga'' sem kom út 1957 og kvikmyndasöguna ''Síðasti bærinn í dalnum'' sem kom út 1950. Auk þess var Loftur afkastamikill þýðandi. Eyjamenn minnast Lofts þó kannski helst fyrir ljóð hans við lög [[Oddgeir Kristjánsson|Oddgeirs Kristjánssonar]]. Hann samdi meðal annars textann við Þjóðhátíðarlagið 1968, [[Svo björt og skær]], og textann við [[Ship ohoj]].