„Landlyst“: Munur á milli breytinga

Húsið Landlyst er með elstu húsum í Eyjum. Húsið stóð við [[Strandvegur|Strandveg]] 43b fram til ársins 1992, er það var tekið niður og friðlýst. Landlyst var byggð árið 1848 og stendur núna í sinni upprunalegu mynd á Skanssvæðinu.

Við húsið var fyrsta fæðingarheimili á Íslandi byggt árið 1847. Húsið var byggt af [[Matthías Markússon|Matthíasi Markússyni]] snikkara og konu hans [[Sólveig Pálsdóttir|Sólveigu Pálsdóttur]] ljósmóður.

Sólveig var send til ljósmæðranáms í Kaupmannahöfn og við heimkomuna var byggt fæðingarheimili við Landlyst með styrk frá danska ríkinu. Þetta kom til vegna landlægs sjúkdóms sem nefndist [[ginklofi]] (stífkrampi) og lagðist hann sérstaklega á ungabörn. Ginklofinn var skæðari í Eyjum en annars staðar hér á landi og ungbarnadauði var mikill.

Sumarið 1847 kom danski læknirinn A. [[Schleisner]] til Eyja, sendur hingað af danska ríkinu til að takast á við þennan faraldur. Schleisner og Sólveig tóku upp samvinnu og tókst þeim að útrýma ginklofanum á ótrúlega skömmum tíma.